ລິ້ງ ສຳຫລັບເຂົ້າຫາ

ຈຳນວນຜູ້ເສຍຊີວິດ ຈາກໄພແຜ່ນດິນໄຫວ ໃນເນປານ ກາຍ 6,000 ຄົນ ແລ້ວ


ແມ່ຍິງເນປານ ພ້ອມກັບລູກຊາຍ ແນມເບິ່ງ ຊາກຫັກພັງຕ່າງໆ ຈາກແຜ່ນດິນໄຫວ ຢູ່ທີ່ຈັດຕຸລັດ Durbar ໃນນະຄອນຫຼວງ ກັດມັນດູ ປະເທດເນປານ, ວັນທີ 1 ພຶດສະພາ 2015.

ແມ່ຍິງເນປານ ພ້ອມກັບລູກຊາຍ ແນມເບິ່ງ ຊາກຫັກພັງຕ່າງໆ ຈາກແຜ່ນດິນໄຫວ ຢູ່ທີ່ຈັດຕຸລັດ Durbar ໃນນະຄອນຫຼວງ ກັດມັນດູ ປະເທດເນປານ, ວັນທີ 1 ພຶດສະພາ 2015.

ຈຳນວນ​ຜູ້​ເສຍ​ຊີວິດ ຈາກໄພແຜ່ນດິນ​ໄຫວ ​ໃນ​ເນ​ປານ ຍັງ
ສືບ​ຕໍ່ເພື້ມຂຶ້ນ ກາຍ 6,200 ຄົນ​ແລ້ວ​ໃນ​ວັນ​ສຸກ​ມື້​ນີ້. ​ຄາດ​ກັນ
​ວ່າ ໂຕ​ເລກດັ່ງກ່າວ ຍັງຈະເພີ້ມຂຶ້ນຕື່ມ ​ໃນຂະນະ​ທີ່ ທິມກູ້​ໄພ
​ຕ່າງໆ ຈາກ​ທົ່ວ​ໂລກ ​ເກັບ​ກູ້​ເອົາ​ຊາກ​ສົບ​ຂອງ​ພວກເຄາະຮ້າຍ
​ທີ່​ຖືກ​ທັບ​ຖົມໃຕ້ກອງ ຊາກ​ຫັງພັງ ແຜ່ນດິນ​ໄຫວ​ເມື່ອ​ວັນ​ທີ 25
ເມສາ​ຜ່ານ​ມານີ້.

ລັດຖະບານ​ເນ​ປານ ມອບ​ເງິນ ຈຳນວນ 1,000 ດອນ​ລາ ​ໃຫ້
​ແກ່​ຄອບ​ຄົວ​ຂອງ​ພວກ​ທີ່​ເສຍ​ຊີວິດ ບວກ​ກັບ 400 ດອນ​ລາ
ສຳ​ຫລັບ​ຄ່າ​ໃຊ້​ຈ່າຍໃນພິທີ​ສົ່ງສະການ.

​ຢູ່ໃນ​ນະຄອນຫລວງ Kathmandu ກິ່ນເນົ່າເໝັນ​ທີ່​ມາຈາກຊາກ​ສົບ​ ຂອງ​ພວກ​ທີ່​ເສຍ​ຊີວິດ ​ໄດປົກ​ຄຸມ​ໄປ​ທົ່ວບໍລິ​ເວນ ​ເຮັດ​ໃຫ້​ກາຍ​ເປັນສາ​ເຫດອັນສຳຄັນ ​ເຮັດ​ໃຫ້​ເກືອບວ່າ​ເປັນ​ໄປ​ບໍ່​ໄດ້​ເລີຍ​ ທີ່​ປະຊາຊົນໃນ ນະຄອນຫລວງ ຊຶ່ງ​ໄດ້ລັບນອນ​ຢູ່​ກາງ​ແຈ້ງ ​ຕັ້ງ​ແຕ່​ວັນ​ເສົາ​ແລ້ວເປັນ ຕົ້ນມາ ຈະ​ກັບ​ຄືນ​ໄປ​ເຮືອນ​ຊານ​ບ້ານ​ຊ່ອງ​ ຂອງ​ພວກ​ເຂົາ​ເຈົ້າ​ໄດ້.

ນາຍແພດ ສຫລ ຄົນນຶ່ງ ເບິ່ງແຍງ ທ້າວ Pemba Tamang ຢູ່ໃນລົດນຳສົ່ງຄົນປ່ວຍ ຫຼັງຈາກ ໄດ້ຖືກຊ່ອຍເຫຼືອອອກມາໄດ້ ໂດຍບັນດາຕຳຫລວດ ເນປານ ແລະ ພະນັກງານ ກູ້ໄພ ສຫລ ຈາກອາຄານທີ່ພັງລົງ ເມື່ອ 5 ມື້ກ່ອນນັ້ນ ໃນນະຄອນຫຼວງ ກັດມັນດູ ປະເທດເນປານ, ວັນທີ 30 ເມສາ 2015.

ນາຍແພດ ສຫລ ຄົນນຶ່ງ ເບິ່ງແຍງ ທ້າວ Pemba Tamang ຢູ່ໃນລົດນຳສົ່ງຄົນປ່ວຍ ຫຼັງຈາກ ໄດ້ຖືກຊ່ອຍເຫຼືອອອກມາໄດ້ ໂດຍບັນດາຕຳຫລວດ ເນປານ ແລະ ພະນັກງານ ກູ້ໄພ ສຫລ ຈາກອາຄານທີ່ພັງລົງ ເມື່ອ 5 ມື້ກ່ອນນັ້ນ ໃນນະຄອນຫຼວງ ກັດມັນດູ ປະເທດເນປານ, ວັນທີ 30 ເມສາ 2015.

ອົງການ​ສະຫະ​ປະຊາ​ຊາດ ກ່າວ​ວ່າ ຫຼາຍກວ່າ 8 ລ້ານ​ຄົນ ​ໄດ້​ຮັບ​ຜົນ​ກະທົບ ຈາກໄພ​ແຜ່ນດິນ​ໄຫວ ​ແລະ ຢ່າງ​ນ້ອຍ 2 ລ້ານ​ຄົນ​ ບໍ່ມີບ່ອນ ພັກພາອາໄສ.

ຢູ່​ໃນ​ນະຄອນຫລວງ ​ເມື່ອ​ວັນ​ພະຫັດ​ວານ​ນີ້ ພະນັກງານ​ກູ້​ໄພ ໄດ້ດຶງ​ເອົາ​ສອງຄົນ ທີ່ລອດ
ຊີວິດມາໄດ້​ ອອກມາ​ຈາກ​ຊາກ​ຫັກ​ພັງ​ຂອງ​ອາຄານ ຊຶ່ງ​ເປັນ​ນາ​ທີ​ຂອງ​ຄວາມ​ດີ​ອົກ​ດີ​ໃຈ ທີ່
​ຫາ​ຍາກ ​ໃນຂະ​ບວນ​ການ​ເກັບກູ້​ທີ່​ເປັນຕາ​ຢ້ານກົວ.

ສຽງຮ້ອງ​ເຊຍໄດ້​ດັງ​ຂຶ້ນ ໃນ​ຂະນະ​ທີ່​ພວກ​ພະນັກງານ​ກູ້​ໄພ ດຶງເອົາ ເດັກຊາຍ​ ອາຍຸ 15 ປີ
ຊື່ວ່າ Pemba Tamang ອອກ​ມາ​ຈາກ ບ້ານ​ພັກ​ ທີ່​ພັງລົງ​ນັ້ນ. ອີກຫຼາຍຊົ່ວ​ໂມງ​ ຕໍ່​ມາ
ພະນັກງານ​ ໃນ​ຫ້ອງ​ຄົວ​ ຂອງ​ໂຮງ​ແຮມ​ຄົນ​ນຶ່ງ ຊຶ່ງ​ເປັນ​ຜູ້ຍິງ​ໄວ 30 ປີ ຊື່ວ່າ Krishna
Devi Khadka ກໍ​ໄດ້​ຖືກ​ຊ່ອຍ​ເ​ຫຼືອອອກ​ມາ​ໄດ້ ​ຢ່າງ​ປອດ​ໄພ.

XS
SM
MD
LG