ລິ້ງ ສຳຫລັບເຂົ້າຫາ

ນັກກິລາ ໂອລິມປິກ ສະຫະລັດ ຈະເປັນຄົນທຳ ອິດ ທີ່ໃສ່ຜ້າຄຸມຫົວ ມຸສລິມ ລົງແຂ່ງຂັນ


ນາງ Ibtihaj Muhammad ນຳໜ້າການສະແດງຕອບໂຕ້ ກິລາຟັນດາບ ໃນນະຄອນ ນິວຢອກ.

ນາງ Ibtihaj Muhammad ນຳໜ້າການສະແດງຕອບໂຕ້ ກິລາຟັນດາບ ໃນນະຄອນ ນິວຢອກ.

ວັນທີ 3​ ຂອງການແຂ່ງຂັນກິລາໂອເລັມປິກ ໃນນະຄອນ Rio de Janeiro ຈະປະກອບ ດ້ວຍການແຂ່ງຂັນເອົາຫຼຽນລາງວັນໃນກິລາ ຈິມນາສຕິກ, ລອຍນ້ຳ, ຟັນດາບ, ຣັກບີ ທີິມແມ່ຍິງ, ຈູໂດ ແລະ ອື່ນໆ.

ນັກແຂ່ງຂັນກິລາ ໂອລິມປິກ ທີ່ເປີດຕົວເປັນເທື່ອທຳອິດກໍຍັງຈະໄດ້ແຂ່ງຂັນໃນວັນທີ 3 ຂອງການແຂ່ງຂັນນີ້.

ນາງ Ibthihaj Muhammad ນັກກິລາໂອລິມປິມ ສະຫະລັດ ທີ່ໃສ່ຜ້າຄຸມຫົວມຸສລິມ, ຈະ ຂຶ້ນແຂ່ງຂັນໃນແທ່ນເວທີກິລາຟັນດາ ສຳລັບການເປີດຕົວໃນການແຂ່ງຂັນກິລາ ໂອລິມ ປິກເປັນຄັ້ງທຳອິດຂອງລາວ.

ລາວໄດ້ເຕີບໃຫຍ່ຂຶ້ນມາດ້ວຍຜິວສີດຳ ແລະ ເປັນຄົນມຸສລິມໃນລັດ New Jersey ຂອງ ສະຫະລັດ, ນາງ Ibthihaj Mohammad ອາຍຸ 28 ປີກ່າວວ່າ ລາວຮັກການຫຼິ້ນກິລາ ແຕ່ຫຼາຍຄັ້ງລາວໄດ້ດີ້ນຮົນທີ່ຈະຫາຈຸດຢືນຂອງລາວ.

ນາງ Muhammad ໄດ້ເລີ່ມຫຼິ້ນກິລາຟັນດາບໃນປີ 1999 ດ້ວຍອາຍຸ 13 ປີ. ລາວໄດ້ຕັ້ງ ເປົ້າໝາຍທີ່ຈະເປັນນັກກິລາທີມຊາດ ສະຫະລັດ ໃນປີ 2007 ເມື່ອລາວຮູ້ວ່າມັນບໍ່ມີຄົນ ກຸ່ມນ້ອຍເປັນຕົວແທນໃຫ້ປະເທດ. ໃນປີ 2011 ນາງ Mohammad ໄດ້ກາຍເປັນນັກກິ ລາແມ່ຍິງມຸສລິມຄົນທຳອິດທີ່ໄດ້ເປັນຕາງໜ້າໃຫ້ ສະຫະລັດ.

ລາວ ໄດ້ຖືກວາງໃຫ້ເປັນອັນດັບ 2 ໃນ ສະຫະລັດ ແລະ ອັນດັບທີ 12 ໃນທົ່ວໂລກ.

ກິລາ ຣັກບີ ກໍໄດ້ທຳການເປີດຕົວໃນກິລາ ໂອລິມປິກ ເປັນຄັ້ງທຳອິດເຊັ່ນດຽວກັນ. ທີມ ນັກກິລາຍິງທີ່ເກັ່ງທີ່ສຸດ 4 ທີມຈາກ 7 ທີມແມ່ນມີກຳນົດທີ່ຈະແຂ່ງຂັນເພື່ອຫຼຽນລາງວັນ, ໃນຈຳນວນທີມດັ່ງກ່າວນັ້ນມີປະເທດ ການາດາ, ອັງກິດ, ອອສເຕຣເລຍ ແລະ ນິວຊີແລນ.

ນັກລອຍນ້ຳ ອາເມຣິກັນ ທີ່ມີຊື່ສຽງ ນາງ Katie Ledecky ໄດ້ທຳລາຍສະຖິຕິໂລກຂອງ ຕົນເອງໃນການແຂ່ງຂັນ Freestyle 400 ແມັດໃນວັນອາທິດວານນີ້ທີ່ Rio Games. ຫຼັງຈາກນັ້ນລາວກໍໄດ້ກັບໄປໃນສະລອຍນ້ຳອິກ ສຳລັບຮອບຄັດເລືອກການແຂ່ງຂັນ ລອຍນ້ຳ Freestyle 200 ແມັດ.

ອ່ານຂ່າວນີ້ຕື່ມເປັນພາສາອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG