ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ລົດສຳຫຼວດດາວພະອັງຄານ Curiosity ຂອງ NASA (ສະໄລດ໌ ກັບ ວີດີໂອ ຮຽນພາສາອັງກິດ)


ຍານສໍາຫລວດດາວພະອັງຄານ Curiosity ຂອງ NASA
please wait

No media source currently available

0:00 0:03:04 0:00
ລິງໂດຍກົງ

ລົດສໍາຫລວດ ດາວພະອັງຄານ Curiosity ຂອງ NASA

ໃນເດືອນສິງຫາທີ່ຜ່ານມານີ້ ອົງການການບິນ ​ແລະ​ອາ​ວະ​ກາດ​
ແຫ່ງ​ຊາດ ຫລື NASA ຂອງ​ສະຫະລັດ ໄດ້ເອົາຍານສຳຫຼວດ
ອາວະກາດຊື່ Curiosity ຊຶ່ງ​ ແປ​ວ່າຄວາມຢາກ​ຮູ້​ຢາກ​ເຫັນ ໄປລົງຈອດທີ່ດາວພະອັງຄານ. ຍານສຳຫຼວດອາວະກາດດັ່ງ
ກ່າວ ທີ່ມີ​ລັກສະນະຄືກັນກັບລົດ ​ແລະ​ເຮົາ​ກໍ​ຈະເອີ້ນ​ວ່າ ລົດ​
ສໍາ​ຫຼວດນັ້ນ ໄດ້ຖືກ​ສົ່ງ​ຂຶ້ນ​ສູ່​ອາ​ວະ​ກາດໃນທ້າຍປີກາຍນີ້.

ອົງການອາວະກາດຂອງອາເມຣິກາ ໄດ້ສົ່ງຫ້ອງທົດລອງວິທະ
ຍາສາດ​ເທິງດາວ ພະອັງຄານຂອງຕົນ ທີ່​ເອີ້ນ​ກັນ​ໃນອີກຊື່ນຶ່ງວ່າ
Curiosity ນັ້ນ ຂຶ້ນ​ສູ່​ອາ​ວະ​ກາດ ໃນເດືອນພະຈິກ 2011.
ພາຫາ​ນະດັ່ງກ່າວ ທີ່ມີຂະໜາດເທົ່າກັບລົດຄັນ ນຶ່ງ ​ໄດ້ໄປລົງ
ຈອດ​ເທິງດາວພະອັງຄານໃນເດືອນສິງຫາ 2012 ທີ່ຜ່ານມາ
ຕາມ​ໝາຍ​ກໍານົດ.

ພາບຕົວແບບຄອມພີວເຕີ ສະແດງໃຫ້ເຫັນສິ່ງທີ່ ພວກນັກວິທະຍາສາດຄາດໝາຍວ່າ ຈະ ເກີດຂຶ້ນໃນເວລາທີ່ຍານອາວະກາດນໍາເອົາ ລົດສໍາຫຼວດດາວພະອັງຄານ Curiosity ໄດ້ ໄປເຖິງດາວ ພະເຄາະສີແດງໜ່ວຍນັ້ນ.
ກາງຂຸມເລິກທີ່ຊື່ວ່າ Gale Crater ກວ້າງ 150 ກິໂລແມັດ ຫລືເທົ່າກັບລັດຄອນເນັກຕີກັດ ແລະຣອດ ໄອແລນ ຮວມເຂົ້າກັນ
ກາງຂຸມເລິກທີ່ຊື່ວ່າ Gale Crater ກວ້າງ 150 ກິໂລແມັດ ຫລືເທົ່າກັບລັດຄອນເນັກຕີກັດ ແລະຣອດ ໄອແລນ ຮວມເຂົ້າກັນ

ລົດສໍາຫຼວດດາວພະອັງຄານ Curiosity ມີກໍານົດໄປລົງຈອດ
ຢູ່ຕີນພູໜ່ວຍນຶ່ງ ຢູ່​ກາງ ຂຸມ ເລິກ ກວ້າງ 150 ກິໂລແມັດ ທີ່ຊື່ວ່າ
Gale Crater. ນັກວິທະຍາ ສາດ Ashwin Vasavad ຮອງ
ຫົວໜ້າໂຄງການນີ້ ເວົ້າສູ່​ຟັງກ່ຽວກັບລົດສໍາຫຼວດ Curiosity ວ່າ:
“ອັນນີ້ແມ່ນເຄື່ອງຈັກໃນຄວາມຝັນຂອງນັກວິທະຍາສາດ
ຄົ້ນຄວ້າດາວພະອັງ ຄານ. ພວກເຮົາມີຄວາມຕື່ນ​ເຕ້ນ​
ຫລາຍ​ທີ່​ສຸດ ທີ່​ໄດ້​ສົ່ງລົດສໍາຫລວດຄັນ​ນີ້ໄປຍັງດາວພະ
ອັງຄານ ໃນປີນີ້. ມັນຈະ​ເທົ່າ​ກັນ​ການມີພວກນັກວິທະຍາ
ສາດຫລາຍກວ່າ 200 ຄົນໃນທົ່ວໂລກ ​ໄປ​ມີໜ້າຢູ່ທີ່​ນັ້ນ
ຕະຫລອດເວລາ ເພື່ອສໍາຫຼວດດາວພະອັງຄານ ແລະຂຸມ
Gale Crater ທີ່ພວກເຮົາຈະເວົ້າເຖິງໃນເວລາຕໍ່ໄປ. ລົດສໍາຫລວດຄັນນີ້ ບໍ່ພຽງແຕ່ເປັນລົດສໍາຫລວດທີ່ມີຄວາມສາມາດທາງເທັກໂນໂລຈີຫລາຍທີ່ສຸດ ​ເທົ່າທີ່​ໄດ້ສົ່ງໄປຍັງ​ດາວພະເຄາະອີກ​ດວງ​ນຶ່ງ. ​ແທ້ໆ​ແລ້ວ ມັນຍັງເປັນຕົວຄົ້ນ ຄວ້າທາງວິທະຍາສາດ ທີ່ມີຄວາມສາມາດຫລາຍທີ່ສຸດ ທີ່ພວກເຮົາໄດ້ສົ່ງໄປ ອາວະກາດເທົ່າທີ່ຜ່ານມາ.”


ລົດສໍາຫຼວດ Curiosity ແມ່ນໃຫຍ່ກວ່າລົດສໍາຫຼວດຄັນກ່ອນໆນັ້ນຫລາຍ. ມັນສາມາດທີ່ ຈະເດີນທາງຢູ່ເທິງພື້ນດາວພະອັງຄານໄດ້ໄກເຖິງປະມານ 200 ແມັດ ​ໃນ​ແຕ່ລະມື້. ມັນມີ​ເຕົາ​ແຍກ​ນິວ​ເຄລຍຜະລິດໄຟຟ້າ ທີ່ແລ່ນດ້ວຍ ທາດພລູໂຕນຽມ ທີ່ຈະສ້າງພະລັງງານ​ໄດ້ ຫລາຍພຽງພໍ ເພື່ອອໍານວຍໃຫ້ລົດສໍາຫຼວດ Curiosity ປະຕິບັດກິດຈະການຕ່າງໆຫລາຍ ຢ່າງໄດ້. ນອກນັ້ນລົດສໍາຫຼວດດັ່ງກ່າວ ຍັງມີກ້ອງຖ່າຍຮູບ 17 ອັນ ແລະມີແສງແລເຊີທີ່ ສາມາດສໍາຫລວດທາດ​ເຄມີ​ຕ່າງໆ ທີ່​ເປັນ​ອົງ​ປະກອບຂອງຫີນ ​ເທິງ​ດາວ​ພະ​ອັງຄານ​ນັ້ນ.
ທ່ານ Ashwin Vasavad ກ່າວເພີ້ມອີກວ່າ:
“ສິ່ງທີ່ເປັນສ່ວນສໍາຄັນຢູ່ໃນການອອກແບບລົດສໍາຫລວດຄັນນີ້ແທ້ໆ ກໍຄືຄວາມ ສາມາດຂອງມັນ ໃນການຈະກວດຕົວຢ່າງກ້ອນຫີນຕ່າງໆ ແລະດິນຢູ່ເທິງດາວ ພະອັງຄານ​ໄດ້ ເປັນເທື່ອທໍາອິດ ແລະສະ​ນັ້ນ ມັນຈຶ່ງມີແຂນຫຸ່ນ​ຍົນ ຫລື ໂຣບອັດ ທີ່ຍາວ 6 ຟຸດ ຫລື 1.8 ແມັດ. ແລະລົດສໍາຫລວດນີ້ ມີຂະໜາດໃຫຍ່ປານນັ້ນ ສ່ວນ​ນຶ່ງແມ່ນຍ້ອນ​ວ່າມັນຈະບັນຈຸ​ເຄື່ອງທົດລອງວິທະຍາສາດ 2 ​ເຄື່ອງທີ່ມີ ຄວາມ ສາມາດສູງ ຢູ່ທາງໃນລົດນັ້ນ.”

ທ່ານ Vasavada ເວົ້າວ່າ ເຄື່ອງມືອັນນຶ່ງ ແມ່ນ​ໃຊ້ວັດແທກແຮ່ທາດຢູ່ໃນກ້ອນຫີນ ແລະ ດິນ. ອີກອັນນຶ່ງແມ່ນຊອກຫາທາດເຄມີອື່ນໆ ແລະວັດຖຸ ຊີວະພາບໃດໆ ທີ່ອາດມີຢູ່ໃນນັ້ນ.

ຮູບທີ່ຖ່າຍໂດຍຍານ Curiosity ສະແດງໃຫ້ເຫັນຫີນເປັນຊັ້ນໆ ຢູ່ເທິງດາວພະອັງຄານນັ້ນ
ຮູບທີ່ຖ່າຍໂດຍຍານ Curiosity ສະແດງໃຫ້ເຫັນຫີນເປັນຊັ້ນໆ ຢູ່ເທິງດາວພະອັງຄານນັ້ນ
ເປົ້າໝາຍຂອງການທົດລອງທີ່ມີມູນຄ່າ 2 ພັນ 500 ລ້ານໂດລາ
ນີ້ ແມ່ນເພື່ອຮຽນຮູ້ວ່າ ດາວພະອັງຄານເຄີຍມີສະພາບແວດລ້ອມ
ທີ່ອາດ​ໄດ້ສະໜັບສະໜຸນໃຫ້ຈຸນລະຊີບມີ​ຊີວິດ​ຢູ່ໄດ້ ຫລື​ບໍ່. ທ່ານ
Ashwin Vasavada ກ່າວວ່າ:
ການໄປປະຕິບັດງານຄັ້ງນີ້ ແມ່ນກ່ຽວຂ້ອງກັບການ
ໄປຊອກຫາສະພາບ
ແວດ ລ້ອມ ທີ່ເຮັດໃຫ້ສິ່ງມີຊີວິດ
ອາໄສຢູ່ໄດ້ ແລະບໍ່ແມ່ນການໄປຊອກຫາ
ສິ່ງທີ່ມີຊີ
ວິດໂດຍກົງ.”


ເບິ່ງວີດິໂອທີ່ພວກນັກວິທະຍາສາດຄອຍຮັບພາບສົ່ງມາຈາກດາວພະອັງຄານ




ທ່ານ Vasavada ກ່າວມ້ວນທ້າຍວ່າ ໜ່ວຍພູທີ່ຢູ່ໃນຂຸມ Gale Crater ຈະໃຫ້ຂໍ້ມູນ ພຽງພໍ ກ່ຽວກັບການພັດທະນາຂອງດາວພະອັງຄານ ທັງນີ້ກໍເພາະວ່າ ຫີນແຕ່ລະຊັ້ນຂອງ​ພູ​ໜ່ວຍ​ນັ້ນ ແມ່ນໃຫ້ຮ່ອງຮອຍອັນໃໝ່​ໄປ​ເລື້ອຍໆ. ທ່ານ Ashwin Vasavada ໃຫ້ຄໍາ ເຫັນວ່າ: “ມັນມີຫລັກຖານທາງທໍລະນີວິທະຍາວ່າ ມີນໍ້າຢູ່ໃນເຂດນັ້ນ. ຄວາມ​ຈິງ​ແລ້ວ ພວກເຮົາຫວັງວ່າ ຈະຊອກຄົ້ນຫາສິ່ງທີ່ມີຊີວິດໃນການ​ໄປປະຕິບັດ ງານຄັ້ງນີ້. ນັ້ນແມ່ນ​ເປັນ​ເງື່ອນ​ໄຂ​ທີ່​ຕ້ອງ​ມີອີກອັນນຶ່ງ ສໍາລັບສິ່ງມີຊີວິດທີ່​ພວກ​ເຮົາ​ຮູ້​ກັນ.”

ເຕົາ​ແຍກ​ນີວເຄລຍສໍາລັບ​ຜະລິດ​ໄຟຟ້າຢູ່ໃນລົດສໍາຫຼວດ Curiosity ນັ້ນ ມີພະລັງງານພຽງ
ພໍ ທີ່ຈະອໍານວຍ​ໃຫ້ Curiosity ສາມາດປະຕິບັດ​ງານ ຢູ່ເທິງພື້ນຜີວດາວພະອັງຄານ ໄດ້ ເປັນເວລາປະມານ 2 ປີ ຊຶ່ງເປັນເວລາ ເທົ່າກັນກັບ 1 ປີ ໃນດາວພະອັງຄານ.

ເບິ່ງສະໄລດ໌ກ່ຽວກັບການດໍາເນີນງານຂອງຍານອາວະກາດ Curiosity

XS
SM
MD
LG