ລິ້ງ ສຳຫລັບເຂົ້າຫາ

ທ່ານ Cruz ໄດ້ຮັບ ຜູ້ແທນ ທັງໝົດ ຈຳນວນ 14 ຄົນ ຈາກກອງປະຊຸມໃຫຍ່ ພັກຣິພັບບລີກັນ


ຜູ້ລົງແຂ່ງຂັນເອົາຕຳແໜ່ງປະທານາທິບໍດີ ຈາກພັກຣີພັບ
ບລີກັນ ສະມາຊິສະພາສູງລັດ Texas ທ່ານ Ted Cruz, ກ່າວໃນລະຫວ່າງການໂຄສະນາຫາສຽງໃນເມືອງ Syracuse, ລັດ ນິວຢອກ. 15 ເມສາ, 2016.

ຜູ້ລົງແຂ່ງຂັນເອົາຕຳແໜ່ງປະທານາທິບໍດີ ຈາກພັກຣີພັບ ບລີກັນ ສະມາຊິສະພາສູງລັດ Texas ທ່ານ Ted Cruz, ກ່າວໃນລະຫວ່າງການໂຄສະນາຫາສຽງໃນເມືອງ Syracuse, ລັດ ນິວຢອກ. 15 ເມສາ, 2016.

ສະມາຊິກສະພາສູງລັດ Texas ທ່ານ Ted Cruz ໄດ້ສືບຕໍ່ຄ່ອຍໆ ກັດເຊາະເອົາຄະແນນ ນຳໜ້າຂອງທ່ານ Donald Trump ໃນການແຂ່ງຂັນເອົາຕຳແໜ່ງປະທານາທິບໍດີ ສະຫະ ລັດ ສຳລັບພັກຣີພັບບລີ ກັນ, ໂດຍການໄດ້ຮັບເອົາບັນດາຜູ້ແທນທັງໝົດຈຳນວນ 14 ຄົນ ຢູ່ໃນ ກອງປະຊຸມຂອງພັກທີ່ລັດ Wyoming ວັນເສົາວານນີ້. ນອກນັ້ນ ທ່ານ Cruz ຍັງໄດ້ ເປັນຜູ້ລົງແຂ່ງຂັນທີ່ມີຄະແນນສູງສຸດຂອງລັດ Wyoming ໃນ ກອງປະຊຸມເມືອງເມື່ອ ເດືອນທີ່ຜ່ານມາ, ເມື່ອທ່ານໄດ້ຮັບຈຳນວນຜູ້ແທນ 9 ຄົນຈາກທັງໝົດ 12 ຄົົນທີ່ມີຢູ່.

ໄຊຊະນະອັນຖ້ວມລົ້ນຂອງທ່ານ Cruz ໃນວັນເສົາວານນີ້ສະແດງໃຫ້ ເຫັນວ່າມີຜູ້ແທນ ຈຳນວນໜ້ອຍ, ແຕ່ວ່າໄຊຊະນະດັ່ງກ່າວໄດ້ຊ່ວຍໃຫ້ທ່ານ ສະມາຊິກສະພາສູງຮັກສາ ແຮງຜັກດັນຂອງທ່ານໄວ້ ທີ່ໄດ້ເພັ່ງເລັງໃສ່ ການຢັບຢັ້ງຄວາມສາມາດຂອງທ່ານ Trump ບໍ່ໃຫ້ໄດ້ຮັບການຖືກສະເໜີຊື່ກ່ອນໜ້າກອງປະຊຸມໃຫຍ່ຂອງພັກ. ການນັບຄະແນນໂດຍ ອົງການ ຂ່າວ AP ໄດ້ສະແດງໃຫ້ເຫັນວ່າທ່ານ Cruz ມີຈຳນວນຜູ້ແທນ 559 ຄົນ ແລະ ທ່ານ Trump ມີຜູ້ແທນ 742 ຄົນ. ຜູ້ຊະນະເລີດ ແມ່ນຕ້ອງການຜູ້ແທນຈຳນວນ 1,237 ຄົນ.

ການແຂ່ງຂັນຂອງລັດ Wyoming ໃນວັນເສົາວານນີ້ແມ່ນຄ້າຍຄືກັບການແຂ່ງຂັນສະເໜີ ຊື່ທີ່ດຳເນີນການພານໃນພັກເອງ ເຊິ່ງທ່ານ Trump ໄດ້ຕຳໜິບໍ່ພໍໃຈເມື່ອສອງສາມມື້ທີ່ ຜ່ານມານີ້. ນັກທຸລະກິດຂອງນະຄອນ ນິວຢອກ ໄດ້ດີ້ນຮົນທີ່ຈະແຂ່ງຂັນເອົາບ່ອນນັ່ງທີ່ມີ ການຈັດຕັ້ງການເມືອງ ແລະ ເຊື່ອມຕໍ່ກັບບັນດານັກເຄື່ອນໄຫວຂອງພັກ ແມ່ນກຸນແຈອັນ ສຳຄັນທີ່ນຳໄປສູ່ການໄດ້ຮັບໄຊຊະນະຍາດເອົາຜູ້ແທນຈຳນວນຫຼາຍ. ທ່ານ Trump ສ້າງ ຜົນງານໄດ້ດີກວ່າ ໃນການແຂ່ງຂັນທີ່ຖືກຕັດສິນໃນຫີບປ່ອນ ບັດເລືອກຕັ້ງ. ແທນທີ່ຈະ ເປັນງາ ທີ່ເປັນແບບການປະຊຸມເລືອກຕັ້ງ ດຳເນີນໂດຍຄົນພາຍໃນພັກ ພ້ອມກັບກົດລະ ບຽບເຊິ່ງບາງຄັ້ງກໍມີຄວາມສັບສົນນັ້ນ.

ບັນດາຜູ້ນຳພັກຣີພັບບລີກັນ ໄດ້ປະຕິເສດການທ້າຊິງຕຳແໜ່ງຂອງ ທ່ານ Trump ເຊິ່ງ ການແຂ່ງຂັນບາງຄັ້ງກໍແມ່ນບໍ່ຍຸດຕິທຳ, ໂດຍກ່າວວ່າກົດລະບຽບຕ່າງໆໄດ້ຖືກຕັດສິນ ອອກມາເມື່ອສອງສາມເດືອນທີ່ ຜ່ານມາ. ພວກເຂົາເຈົ້າໄດ້ກ່າວຫາການເຮັດໜ້າທີ່ບໍ່ໄດ້ ດີຂອງທ່ານ ກ່ຽວ ກັບ ການຈັດຕັ້ງໂດຍການໂຄສະນາຫາສຽງຂອງທ່ານ.

ທ່ານ Cruz ໄດ້ເຂົ້າຮ່ວມໃນກອງປະຊຸມໃຫຍ່ຂອງລັດ ທີ່ລັດ Wyonming ໃນວັນເສົາ ວານນີ້. ທ່ານ Trump ໄດ້ໃຊ້ເວລາຂອງ ວັນດັ່ງກ່າວໂຄສະນາຫາສຽງທີ່ນະຄອນ ນິວ ຢອກ, ເຊິ່ງຈະເປັນລັດທີ່ຈະຈັດການເລືອກຕັ້ງຂັ້ນຕົ້ນຄັ້ງຕໍ່ໄປໃນວັນອັງຄານທີ່ຈະມາເຖິງ ນີ້.

ອ່ານຂ່າວເລື່ອງນີ້ເປັນພາສາອັງກິດ

XS
SM
MD
LG