ລິ້ງ ສຳຫລັບເຂົ້າຫາ

ເຮືອນໍາ​ທ່ຽວ ທີ່​​​​ຈັກຕາຍ ຢູ່ກາງທະເລ ຖືກແກ່ ເຂົ້າເຖິງ ຝັ່ງແລ້ວ ​


ບັນດາຜູ້ໂດຍສານພາກັນຢືນຢູ່ຕາມລະບຽງ ໃນຂະນະທີ່ເຮືອກໍາລັງ ເຂົ້າຈອດຢູ່ທ່າເຮືອ ທີ່ລັດ Alabama
ບັນດາ​ຜູ້​ໂດຍສານ​ຢູ່ໃນເຮືອນໍາ​ທ່ຽວທີ່ເກີດເຄຶ່​ອງ​ຈັກ​ຕິດ​ຄັດ
​ນັ້ນໄດ້​ເຂົ້າ​ຈອດ ​ຢູ່​ທ່າ​ເຮືອຂອງລັດ Alabama ​ໃນແລງວັນ
ພະຫັດວານ​ນີ້ ຫລັງ​ຈາກໄດ້​ລ່ອງ​ລອຍ​ຢູ່ກາງ​ທະ​ເລ ​ເປັນ​ເວ
ລາ​ຫ້າ​ມື້ ບັດ​ນີ້​ໄດ້​ມາ​ເຖິງ​ແຜ່ນ ດິນ​ ​ແລະຜູ້​ໂ​ດຍສານກໍໄດ້
ກັບ​ຄືນ​ສູ່​ບ້ານ​ເຮືອນຂອງ​ໃຜລາວ​ແລ້ວ.

​ເຮືອ​ນໍາ​ທ່ຽວ Carnival ທີ່ບັນຈຸ​ຜູ້​ໂດຍສານປະມານ 4,000 ​ຄົນຖືກ​ແກ່​ເຂົ້າ​ມາ​ໂດຍ​ເຮືອ​ແກ່ຫຼາຍລຳ​ນັ້ນ ​ໄດ້​ມາ​ເຖິງ​ທ່າ​ເຮືອ​ເມືອງ Mobile ​ຊຶ່ງ​ເປັນ​ເມືອງ​ທີ່​ຕັ້ງຢູ່​ໃນ​ອ່າວ​ເມັກ​ຊິ​ໂກ​ຂອງ​ສະຫະລັດ ໃນແລງວັນ​ພະ ຫັດວານ​ນີ້.

​ເຮືອ​ນໍາ​ທ່ຽວ Carnival Triump ​ໄດ້ເດີນ​ທາງ​ອອກ​ຈາກ ​ເມືອງ Galveston ລັດ Texas ​ໃນ​ວັນ​ພະຫັດອາທິດແລ້ວ​ເພື່ອ​ນໍາ​ທ່ຽວ​ເປັນ ​ເວລາ​ສີ່​ມື້ ​ແຕ່​ໄດ້​ເກີ​ດ​ໄຟ​ໃໝ້ຢູ່​ຫ້ອງ​ເຄື່ອງ​ຈັກ ​ໃນ​ວັນ​ອາທິດ ​ເຮັດ​ໃຫ້​ ​ເຄື່ອງ​ຈັກ​ຜະລິດ​ໄຟຟ້າທີ່​ສຳຄັນ​ຂອງ​ເຮືອ​ໃຊ້​ການ​ບໍ່​ໄດ້ ​ແລ້ວ​ປ່ອຍໃຫ້​ເຮືອ​ໄຫລ​ລ່ອງລອຍ​ ຢູ່​ຫ່າງ​ຈາກ​ແຫລມ Yucatan ຂອງ Mexico ປະມານ 240 ກິ​ໂລ​ແມັດ.

ບັນດາ​ຜູ້​ໂດຍສານ​ຈໍານວນ​ນຶ່ງລາຍ​ງານ​ວ່າ ຫຼາຍ​ໆຫ້ອງໄດ້ຖືກ​ນໍ້າ​ຖ້ວມ ​ແລະ​ນໍ້າ​ໂສ​ໂຄກ​ໄຫລ​ອອກມາໃສ່​ທາງ​ຢ່າງ ​ແລະ​ຕ້ອງ​ໄດ້​ພາກັນ​ນອນ​ຢູ່​ຊັ້ນ​ເທິງ​ຂອງ​ເຮືອ ເພື່ອ​ຫລີກ​ລ້ຽງ​ກິ່ນ​ເໝັນ ແລະຄວາມ​ຮ້ອນ​ເອົ້າ ​ຢູ່​ໃນ​ຫ້ອງນອນ. ​ເຂົາ​ເຈົ້າ​ຍັງ​ລາຍ​ງານອີກວ່າ ມີ​ການ​ລຽນ​ແຖວ​ຍາວ​ເພື່ອ​ຮັບ​ເອົາ​ອາຫານ ​ແລະ​ເຄື່ອງໃຊ້ຕ່າງໆ.

ຫົວໜ້າ​ບໍລິສັດ Canival ທ່ານ Gerry Cahill ​ໄດ້​ໄປ​ປະກົດ​ໂຕ​ຢູ່​ທ່າ​ເຮືອ ​ເພື່ອ​ຕ້ອນ
ຮັບ​ເຮືອ​ນຳ​ທ່ຽວ​ໂຊກ​ບໍ່​ດີ​ລຳ​ນີ້ ​ແລະ​ບັນດາ​ຜູ້​ໂດຍສານ​ທີ່ກັບ​ຄືນ​ເຂົ້າສູ່​ຕາຝັ່ງ.

​ເຈົ້າ​ໜ້າ​ທີ່​ຈາກ​ໜ່ວຍຍາມ​ຝັ່ງຂອງ​ສະຫະລັດ ​ແລະຄະນະ​ກໍາມະການ ຄຸ້ມ​ຄອງ​ຄວາມ​ປອດ​ໄພດ້ນ​ການ​ຂົນ​ສົ່ງແຫ່ງ​ຊາດຫຼື NTSB ​ໄດ້​ເລີ້ມ​ທໍາ​ການ​ສືບສວນຊອກ​ຫາສາ​ເຫດ​ໄຟໄໝ້ຢູ່​ໃນ​ຫ້ອງ​ເຄື່ອງ​ຈັກ. ຄະນະ​ກໍາມະການ​ NTSB ກ່າວ​ຢູ່​ໃນ​ຖະ​ແຫລ​ງຂ່າວວ່າ ​ເພາະວ່າ​ເຮືອດັ່ງ ກ່າວ​ນີ້ ຕິດ​ທຸງ Bahamas ​ເພາະສະ​ນັ້ນ​ເຈົ້າ​ໜ້າທີ່ຄຸ້ມ​ຄອງ​ການ​ເດີນ ​ເຮືອ​ຂອງ Bahamas ​ຈະເປັນ​ຜູ້​ສືບສວນ​ໂດຍ​ຕົງ.
XS
SM
MD
LG