ລິ້ງ ສຳຫລັບເຂົ້າຫາ

ກຸ່ມຝ່າຍຕໍ່ຕ້ານ ພວກປະທ້ວງ ປະທະກັນກັບ ພວກປະທ້ວງ ຢູ່ໃຈກາງ ຮົງກົງ


ຊາຍຄົນນຶ່ງຈາກຝ່າຍຕໍ່ຕ້ານ ພວກປະທ້ວງ Occupy Central ຫລື ​ເຂົ້າ​ຄອບຄອງ​ໃຈກາງ​ຮົງ​ກົງ (ຊ້າຍ) ຖືຄີມຕັດສາຍລວດ ທີ່ໃຊ້ຕັດສາຍລວດ ທີ່ມັດສິ່ງກີດຂວາງເຂົ້າກັນ ໃນຂະນະທີ່ຝ່າຍປະທ້ວງສອງຄົນພະຍາຍາມ ສະກັດກັ້ນພວກເຂົາ ຢູ່ໃຈກາງເມືອງ ຮົງກົງ, ວັນທີ 13 ຕຸລາ 2014.

ທີ່ຮົງ​ກົງ ຢູ່ໃຈ​ກາງ​ເມືອງ ມີຫຼາຍຮ້ອຍຄົນ ​ຊຶ່ງຈຳນວນ​ນຶ່ງ​ໃສ່​
ໜ້າ​ກາກ ​ໄດ້ປະ​ທະ​ກັນ​ກັບພວກ​ປະ​ທ້ວງ ທີ່​ທຳ​ການໂຮມ​ຊຸມນຸມ
ປະ​ທ້ວງ​ເປັນ​ເວລາຫຼາຍອາທິດ​ມາ​ແລ້ວ ​ເພື່ອ​ໃຫ້​ມີການ​ປະຕິ​ຮູບ
​ໄປ​ສູ່ປະຊາທິປະ​ໄຕ ຢູ່​ໃນ​ດິ​ນແດນ​ແຫ່ງນັ້ນ​ຂອງ​ຈີນ.

ບາງ​ຄົນ​ ໃນ​ກຸ່ມທີ່​ປະ​ເຊີນ​ໜ້າ​ກັບ​ພວກ​ປະ​ທ້ວງ ​ໃນ​ວັນ​ຈັນມື້​ນີ້ ​
ໄດ້ພະ ຍາຍາມຈະ​ມ້າງ​ລົງ​ ສິ່ງ​ກີດ​ຂວາງ​ຕ່າງໆ​ ທີ່​ພວກ​ປະ​ທ້ວງ​
ໄດ້​ກໍ່ຕັ້ງຂຶ້ນຢູ່​ບ່ອນປະ​ທ້ວງ​ນັ້ນ. ພວກຄົນ​ຂັບ​ລົດ​ຕັກ​ຊີ້​ ກໍໄດ້
ສະແດງ​ຄວາມ​ຄັດຄ້ານ​ ໂດຍ​ການ​ບີບ​ແກ​ລົດ​ຂອງພວກ​ເຂົາເຈົ້າ
​ແລະ ຮ້ອງ​ໃສ່​ພວກ​ປະ​ທ້ວງ​.

ຢູ່​ຕາມ​ແຄມ​ບ່ອນ​ປະ​ທ້ວງ ​ເຈົ້າໜ້າ​ທີ່ຕຳຫລວດ ​ໄດ້ຍົກຍ້າຍ​ສິ່ງ​ກີດ ຂວາງຕ່າງໆ​ອອກ ​ເພື່ອ​ເປີດ​ທາງ​ໃຫ້ການ​ສັນ​ຈອນ​ຂອງ​ລົດ​ລາ ​ຢູ່​ອ້ອມ​ແອ້ມ​ບໍລິ​ເວນ​ປະ​ທ້ວງ​ນັ້ນ.

​ການປະ​ທ້ວງ​ໄດ້​ເລີ້ມ​ຂຶ້ນ ​ໃນ​ທ້າຍ​ເດືອນ​ກັນ​ຍາ ​ຊຶ່ງ​ພວກ​ອອກ​ມາ​ປະ​ທ້ວງ​ ຈຳນວນຫຼາຍ​ແມ່ນ​ນັກ​ສຶກສາ​ມະຫາວິທະຍາ​ໄລ ​ໄດ້​ຮຽກຮ້ອງ​ໃຫ້​ຜູ້ນຳ​ເຂດ​ປົກຄອງ​ຕົນ​ເອງ​ເຄິ່ງນຶ່ງຂອງ​ຈິນ ກໍ​ຄື​ຮົງ​ກົງ​ນັ້ນ ​ໃຫ້​ລາ​ອອກ​ຈາກ​ຕຳ​ແໜ່​ງ ​ແລະ​ໃຫ້​ລັດຖະບານ​ຈີນ ປ່ອຍ​ໃຫ້​ຊາວ​ຮົງ​ກົງ​ຜູ້​ມີ​ສິດ​ເລືອກ​ຕັ້ງ ​ເລືອກເອົາຜູ້ນຳ​ດ້ວຍ​ຕົນເອງ​ ໂດຍ​ບໍ່​ມີ​ຂໍ້​ຈຳກັດ​ໃດໆ​ຕໍ່​ຜູ້​ສະມັກ​ເລືອກ​ຕັ້ງ.

ສ່ວນທ່ານ Leung Chun-ying ຫົວໜ້າ​ບໍລິຫານ​ຮົງ​ກົງ​ ​ໄດ້ກ່າວວ່າ ທ່ານ​ຈະ​ບໍ່​ລົງ​ອອກ​ຈາກ​ຕຳ​ແໜ່​ງ.

XS
SM
MD
LG