ລິ້ງ ສຳຫລັບເຂົ້າຫາ

ຝ່າຍຕາເວັນຕົກ ກັບອີຣ່ານ ຂຸ້ນຂ້ຽວ ສືບຕໍ່ເຈລະຈາ ເລື້ອງນີວເຄລຍ ຂອງອີຣ່ານ


ຫົວໜ້າ ອົງການພະລັງງານປະລະມະນູຂອງອີຣ່ານ ທ່ານ Ali Akbar Salehi(ທີສອງຈາກຊ້າຍ) ແລະ ລມຕ ຕ່າງປະເທດ Javad Zarif (ທີສອງຈາກຂວາ) ຍ່າງລົມກັນໄປ ທີ່ໂຮງແຮມ
ໃນເມືອງ Lausanne, Switzerland, ວັນທີ 29 ມີນາ 2015.

ຫົວໜ້າ ອົງການພະລັງງານປະລະມະນູຂອງອີຣ່ານ ທ່ານ Ali Akbar Salehi(ທີສອງຈາກຊ້າຍ) ແລະ ລມຕ ຕ່າງປະເທດ Javad Zarif (ທີສອງຈາກຂວາ) ຍ່າງລົມກັນໄປ ທີ່ໂຮງແຮມ ໃນເມືອງ Lausanne, Switzerland, ວັນທີ 29 ມີນາ 2015.

ທ່ານ John Kerry ລັດຖະມົນຕີ​ການ​ຕ່າງປະ​ເທດ​ສະຫະລັດ
ພົບປະ​ກັບທ່ານ Javad Sharif ລັດຖະມົນຕີ​ຕ່າງປະ​ເທດ​ອີ
ຣ່ານ ທີ່​ສະ​ວິດ​ເຊີ​ແລນ ໃນການສືບ​ຕໍ່ຄວາມ​ພະຍາຍາມ​ເພື່ອ
ໃຫ້ບັນລຸ​ໂຄງ​ຮ່າງ​ຂໍ້​ຕົກລົງ​ນີວເຄລຍກັບ​ອີຣ່ານ ພາຍ​ໃນ​ວັນ
​ອັງຄານ​ມື້ຮືນີ້ ອັນ​ເປັນ​ວັນ​ເສັ້ນ​ຕາຍ​ທີ່​ທັງສອງ​ຝ່າຍ​ໄດ້​ວາງໄວ້.

​ໃນ​ຂະນະ​ທີ່​ວັນ​ເສັ້ນ​ຕາຍ​ຫຍັບ​ໃກ້​ເຂົ້າ​ມາ​ນີ້ ທ່ານ Kerry ​ໄດ້
​ລົບ​ລ້າງ​ແຜນການ​ກັບ​ຄືນ​ສູ່​ສະຫະລັດ​ໃນ​ວັນ​ອາທິດ​ມື້​ນີ້ ​ເພື່ອ​
ເຂົ້າ​ຮ່ວມ​ໃນ​ເຫດການໜຶ່ງ​ທີ່​ທ່ານ​ໄດ້​ວາງ​ແຜນ​ໄວ້​ກ່ອນ.

ການ​ໂອ້​ລົມ​ສົນທະນາ​ກັນ​ເລື້ອງ​ນີວ​ເຄລຍຂອງ​ອີຣ່ານທີ່​ນະ
ຄອນ Lausanne ​ເປັນ​ຈຸດ​ຫົວລ້ຽວຫົວ​ຕໍ່​ສຳຄັນ​ ​ໂດຍ​ທີ່ທັງ​ສອງ​ຝ່າຍຕ່າງ​ກໍ​ກ່າວ​ວ່າ ມັນ​ຂຶ້ນ​ຢູ່ກັບອີກ​ຝ່າ​ຍໜຶ່ງ ທີ່​ຈະ​ທຳ​ການ​ຍິນ​ຍອມ​ຕ່າງໆ​ນັ້ນ.

ທ່າ​ນ Mohammad Javad Sharif ລັດຖະມົນຕີ​ຕ່າງປະ​ເທດ​ອີຣ່ານກ່າວ​ຢູ່​ໃນ​ບົດ​ຂຽນ
​ທີ່​ລົງ​ໃນ Twitter ຂອງ​ທ່ານໃນ​ວັນ​ເສົາ​ວານ​ນີ້​ວ່າ ອີຣ່ານພ້ອມ​ແລ້ວ​ທີ່​ຈະ​ຮັບ​ເອົາການ
ຕົກລົງ​ທີ່​ດີ ​ແລະ​ກຳລັງ​ລໍຖ້າໃຫ້​ພວກ​ຄູ່​ເຈລະຈາ ​ເຮັດ​ໃນ​ທຳນອງ​ດຽວ​ກັນ. ​ແຕ່​ບັນດາ​ເຈົ້າ
ໜ້າ​ທີ່​ຈາກ 6 ປະ​ເທດ​ມະຫາ​ອຳນາດ ​ທີ່​ເຂົ້າ​ຮ່ວມ​ໃນ​ການເຈລະຈາ ກ່າວ​ວ່າ ອີຣ່ານຈະ​
ຕ້ອງ​ເປັນ​ຝ່າ​ຍ​ປະນີປະນອມ​.

ອີຣ່ານ ​ແລະ​ກຸ່ມ​ທີ່​ເອີ້ນ​ວ່າ P5 Plus 1 ຊຶ່ງ​ປະກອບ​ດ້ວຍ​ອັງກິດ ຈີນ ຝຣັ່ງ ຣັດ​ເຊຍ ສະຫະລັດ ​
ແລະ​ເຢຍຣະມັນ ກຳລັງ​ປະ​ເຊີນ​ກັບ​ວັນ​ເສັ້ນ​ຕາຍ​ໃນ​ວັນ​ທີ 31 ມີນາ ​ເພື່ອ​ໃຫ້​ບັນລຸ​ໂຄງຮ່າງ
ຂໍ້​ຕົກລົງ​ກັນ ເພື່ອ​ໃຫ້​ອີຣ່ານ ຢຸດ​ເຊົາ​ຫຼອມ​ທາດ​ຢູ​ເຣນຽມ​ ​ເພື່ອ​ບໍ່​ໃຫ້​ອີຣານສາມາດ​ສ້າງ​
ລະ​ເບີດ​ນີວ​ເຄລຍຂຶ້ນ​ໄດ້. ເພື່ອ​ເປັນ​ການ​ແລກປ່ຽນ​ກັນ​ນັ້ນ ອີຣ່ານຂໍ​ໃຫ້​ຍົກ​ເລີກ​ການ​ລົງ​ໂທດ
ດ້ານ​ເສດຖະກິດ​ຕໍ່​ຕົນ.

ຝ່າຍ​ອີຣ່ານ ຢາກ​ໃຫ້​ມີ​ການ​ຍົກ​ເລີກ​ການ​ລົງ​ໂທດ​ຢ່າງ​ທັນທີ ​ແຕ່​ທ່ານ Laurent Fabius ລັດຖະມົນຕີ​ຕ່າງປະ​ເທດ​ຝຣັ່ງ ກ່າວ​ໃນ​ວັນ​ເສົາ​ວານນີ້​ວ່າ ມີ​ຄວາມ​ເປັນ​ຫ່ວງກ່ຽວ​ກັບວ່າ​
ຈະ​ເຮັດ​ແນວ​ໃດ​ ຈຶ່ງ​ຈະ​ຕິດ ຕາມເບິ່ງ​ໄດ້ວ່າ ອີຣ່ານ​ໄດ້​ປະຕິບັດ​ຕາມ​ຂໍ້​ຕົກລົງ​ກັນ​ນັ້ນ​ ຫຼື​ບໍ?

XS
SM
MD
LG