ລິ້ງ ສຳຫລັບເຂົ້າຫາ

ລມຕ ຕ່າງປະເທດ ສຫລ ຮ່ວມໃຫ້ກຽດ ແກ່ພວກເຄາະຮ້າຍ ທີ່ເຄັນຢາ


ທ່ານ John Kerry(ຊ້າຍ) ຮ່ວມວາງພວງມາລາ ກັບນາງ Rukia Ali ຜູ້ເຄາະຮ້າຍໃນເຫດວາງລະເບີດໂຈມຕີ ສະຖານ
ທູດສະຫະລັດ ໃນປີ 1998, ວັນທີ 4 ພຶດສະພາ 2015.

ທ່ານ John Kerry(ຊ້າຍ) ຮ່ວມວາງພວງມາລາ ກັບນາງ Rukia Ali ຜູ້ເຄາະຮ້າຍໃນເຫດວາງລະເບີດໂຈມຕີ ສະຖານ ທູດສະຫະລັດ ໃນປີ 1998, ວັນທີ 4 ພຶດສະພາ 2015.

ທ່ານ John Kerry ລັດຖະມົນຕີ​ການ​ຕ່າງປະ​ເທດ​ສະຫະລັດ
​ໄດ້​ໃຫ້​ກຽດ​ແກ່​ພວກ​ທີ່​ໄດ້​ຮັບ​ເຄາະ​ຮ້າຍ ​ຈາກ​ການວາງ​ລະ
​ເບີດ​ໂຈມ​ຕີ​ໃນ​ປີ 1998 ​ຕໍ່​ສະຖານທູດ​ສະຫະລັດ​ທີ່​ນະຄອນ
ຫຼວງ​ໄນ​ໂຣບີ ​ແລະ​ການ​ໂຈມ​ຕີ​ຕິດ​ຕໍ່​ກັນ​ມາຫຼາຍ​ບັ້ນ​ ເມື່ອ​ບໍ່
​ດົນ​ຜ່ານ​ມາ​ນີ້ ໃນ​ຂະນະ​ທີ່​ທ່ານໃຫ້​ຄຳ​ໝັ້ນ​ສັນຍາ​ໃນ​ວັນ​ຈັນ
​ມື້​ນີ້​ວ່າ ສະຫະລັດ​ຈະ​ສືບ​ຕໍ່ໃຫ້ການ​ສະໜັບສະໜຸນ​ ​ແກ່​ການ
​ຕໍ່ສູ້​ກັບ​ພວກ​ກໍ່​ການ​ຮ້າຍ​ນັ້ນ.

ທ່ານ Kerry ​ໄດ້​ປະກອບສ່ວນ​ໃນ​ພິທີການວາງ​ພວກ​ມາລາ
ທີ່​ອະນຸສາວະລີ​ແຫ່ງ​ໜຶ່ງ​ ຢູ່ສະຖານທູດ​ສະຫະລັດຖືກ​ວາງ​ລະ​
ເບີດ​ນັ້ນ ​ໂດຍ​ກ່າວ​ວ່າ “ພວກ​ກໍ່​ການ​ຮ້າຍ ຍາມ​ໃດ ກໍ​ແມ່ນຈະ​ປະສົບ​ກັບ​ຄວາມ​ລົ້ມ​ແຫຼວ” ​
ໃນ​ຄວາມ​ພະຍາຍາມ​ເພື່ອ​ປູກຝັງ​ຄວາມ​ຢ້ານ​ກົວ ​ແລະ​ສ້າງ​ຄວາມ​ແຕກ​ແຍກໃນ​ໝູ່
ປະຊາຊົນ ​ແລະ​ວ່າ “ອະນາຄົດ​ຈະ​ບໍ່​ຕົກ​ເປັນ​ຂອງ​ພວກ​ເຂົາ.”

ທ່ານ Kerry ກ່າວ​ຕື່ມ​ວ່າ “​ແມ່ນ​ແລ້ວ​ ພວກ​ເຂົາ​ສາມາດເຮັດ​ໃຫ້ຕຶກ​ອາຄານ​ ກາຍເປັນ​
ຊາກ​ຫັກ​ພັງ​ໄດ້ ​ແລະ​ແມ່ນ​ແລ້ວ ພວກ​ເຂົາ​ຮອດ ສາມາດເອົາ​ຊີວິດໄປ​ຈາກພວກ​ຜູ້​ຄົນ​
ທີ່​ບໍ່​ມີ​ຄວາມ​ຜິດ​ຫຍັງ ​ແຕ່​ພວກ​ເຂົາ​ຈະບໍ່​ມອບ​ໃຫ້ແກ່ບຸກຄົນ​ໃດ ສິ່ງ​ທີ່ເຮັດ​ໃຫ້​ຊີວິດມີ
ຄຸນຄ່າຢ່າງ​ແທ້​ຈິງ.”

​ໃນ​ວັນ​ຈັນ​ມື້​ນີ້ ທ່ານ Kerry ​ໄດ້​ພົບ​ປະ​ ກັບ​ປະທານາທິບໍດີ Uhuru Kenyatta ​ແຫ່ງ​ເຄັນ​ຢາ​ເຊັ່ນ​ກັນ ​ແລະ​ໄດ້ໂອ້​ລົມ​ສົນທະນາ​ກັນ ຊອກຫາ​ຊ່ອງ​ທາງ​ ເພື່ອ​ຮັບ​ມືຢ່າງ​ມີ​ປະສິດທິຜົນ​ຫຼາຍ​ຂຶ້ນ ກັບ​ໄພ​ຂົ່ມຂູ່​ຕ່າງໆ ທີ່ກໍ່​ຂຶ້ນ​ໂດຍ​ກຸ່ມ​ຫົວ​ຮຸນ​ແຮງ al-Shabab ທີ່ມີ​ຖານ​ທີ່​ໝັ້ນ​ຢູ່​ໃນ​ໂຊ​ມາ​ເລຍ ປະ​ເທດ​ເພື່ອນ​ບ້ານ​ຂອງ​ເຄັນ​ຢາ​ນັ້ນ.

ທ່ານ Kerry ປະກາດ ການຊ່ວຍເຫລືອຂອງສະຫະລັດ ແກ່ເຄັນຢາ:

ສະແດງຄວາມເຫັນໃຫ້ເບິ່ງ

XS
SM
MD
LG