ລິ້ງ ສຳຫລັບເຂົ້າຫາ

ທິມບານ​ບ້ວງ​​ແມ່ຍິງ Huskies ຄວ້າເອົາແຊ້ມ NCAA ມາຄອງ ສີ່ປີຊ້ອນ


ຫົວໜ້າທີມຄູຝຶກ ທ່ານ Geno Auriemma ກອດນາງ Morgan Tuck (3) ນາງ Moriah Jefferson (4) ແລະນາງ Breanna Stewart (30) ຫລັງຈາກໄດ້ຮັບໄຊຊະນະ.

ຫົວໜ້າທີມຄູຝຶກ ທ່ານ Geno Auriemma ກອດນາງ Morgan Tuck (3) ນາງ Moriah Jefferson (4) ແລະນາງ Breanna Stewart (30) ຫລັງຈາກໄດ້ຮັບໄຊຊະນະ.

ທິມບານ​ບ້ວງແມ່ຍິງ Huskies ຂອງ​ Connecticut ​ໄດ້​ຊະນະ​ຢ່າງ​ຂາດ​ລອຍ ​ທີ​ມ Orange ຂອງ Syracuse ດ້ວຍ​ຄະ​ແນນ 82 ຕໍ່ 51 ​ໃນແລງ​ວັນ​ອັງ ຄານ​ວານ​ນີ້ ຢູ່ທີ່ ເມືອງ Indianapolis ລັດ Indiana ​ເພື່ອ​ຄວ້າ​ເອົາ​ແຊ້ມປ້ຽນ ສະມາຄົມບານ​ບ້ວງ​ແມ່ຍິງ ມະຫາວິທະຍາ​ໄລ​ແຫ່ງ​ຊາດ ​ຂອງ​ສະຫະລັດ ຫລື NCAA ມາ​ຄອງ​ເປັນ​ປີ​ທີ​ສີ່​ລຽນຕິດ.

ທີ​ມ Huskies ​ໄດ້​ນຳພາ​ໂດຍ​ນັກ​ຫລິ້ນ​ປີ​ສຸດ​ທ້າຍ ນາງ Breanna Stewart ດ້ວຍ 24 ຄະແນນ​ ​ແລະ​ໄດ້ຍາດ​ບານ​ຄື​ນ 10 ​ເທື່ອ. ນີ້​ໄດ້​ເປັນ​ເທື່ອທີ່​ສີ່ຂອງ​ນາງ ​ແລະ​ການ​ແຂ່ງຂັນ ​ຄັ້ງສຸດ​ທ້າຍ​ຂອງ​ນັກ​ຫລິ້ນທີ່​ໄດ້​ຮັບ​ລາງວັນ​ດີ​ເລີດ ​ແລະ​ປິດ​ສາກ​ການ​ຫລິ້ນ​ຂອງ​ນາງວ່າ ​ເປັນນຶ່ງ​ຂອງ​ນັກ​ຫລິ້ນ​ທີ່​ຍິ່ງ​ໃຫຍ່ຢູ່​ໃນ​ໂຄງການ ທີ່​ເປັນ​ປະຫວັດສາດ. ນາງ ​ແລະ​ບັນດາ ​ເພື່ອນ​ຫລິ້ນ​ປີ​ສຸດ​ທ້າຍ ນາງ Morgan Tuck ​ທີ່​ໄດ້​ທຳ​ 19 ຄະ​ແນນ ​ແລະ​ນາງ Moriah Jefferson ຜູ້​ທີ່​ໄດ້​ທຳ​ 13 ຄະແນນ​ຕື່ມ​ ​ໄດ້​ນຳພາທີ​ມ Connecticut ຊະນະ​ຫຼາຍ​ເປັນ ​ປະຫວັດ​ການ 151 ຕໍ່ 5 ​ແລະ​ໄດ້​ຄວ້າ​ເອົາ​ແຊມ​ປ້ຽນ​ແຫ່ງ​ຊາດມາ​ຄອງ​ເປັນ​ປີ​ທີ​ສີ່​ລຽນຕິດ ລະຫວ່າງ​ສີ່​ປີ​ທີ່​ເຂົາ​ເຈົ້າຮຽນທີ່​ນັ້ນ.

​ໄຊຊະ​ນະໃນ​ວັນ​ອັງຄານວານ​ນີ້ ຍັງ​ໄດ້​ຮັກສາ​ສາສະຖານະ​ພາບ​ຂອງ​ທິມ Connecticut ວ່ າ​ເປັນ​ທິມຄອບ​ງຳ​ຢູ່​ໃນ​ໂຄງການ​ກິລາ​ບານ​ບ້ວງ ມະຫາວິທະຍາ​ໄລແມ່ຍິງມັນເປັນໄຊ ​ຊະນະລຽນຕິດ​ຄັ້ງ​ທີ 75 ຂອງທີ​ມ Huskies ​ແລະ​ເປັນ​ເທື່ອ ທີຫົກ​ທີ່ບໍ່ໄດ້ເສຍໄຊ​ໃນ​ລະດູ ​ການ​ທັງ​ໝົດ ​ແລະ​ເປັນ​ແຊມ​ປ້ຽນ NCAA ຄັ້ງ​ທີ 11 ນັບ​ແຕ່ທ່ານ​ Geno Auriemma ​ໄດ້​ ເປັນຫົວໜ້າ​ຄູ​ຝຶກໃນ​ປີ 1985. ທ່ານ ​Auriemma ບັດ​ນີ້​ໄດ້​ກາຍ​ທ່ານ John Wooden ຜູ້​ ທີ່​ໄດ້​ຊະນະການ​ແຂ່ງຂັນ NCAA ສິບເທື່ອ​ໃນ​ນາ​ມຫົວໜ້າຄູ​ຝຶກ​ໃຫ້​ແກ່ UCLA ຢູ່​ໃນ​ໂຄງ ການກິລາ​ບານ​ບ້ວງຜູ້​ຊາຍ ລະຫວ່າງ​ປີ 1964 ​ແລະ​ປີ 1975.

XS
SM
MD
LG