ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສະພາ ສຫລ ອະນຸມັດ ເງິນໃຊ້ຈ່າຍ ໃຫ້ ກ.ຊ. ຮັກສາ ຄວາມປອດໄພພາຍໃນ ຕື່ມນຶ່ງອາທິດ


ທ່ານ Steny Hoyer (ຂວາ) ຮອງຜູ້ນຳພັກເດໂມແຄຣັດ ຊຶ່ງເປັນພັກສຽງສ່ວນນ້ອຍ ໃນສະພາຕ່ຳ ກ່າວຕໍ່ບັນດານັກຂ່າວ.
ທ່ານ Steny Hoyer (ຂວາ) ຮອງຜູ້ນຳພັກເດໂມແຄຣັດ ຊຶ່ງເປັນພັກສຽງສ່ວນນ້ອຍ ໃນສະພາຕ່ຳ ກ່າວຕໍ່ບັນດານັກຂ່າວ.

ລັດຖະສະພາ​ສະຫະລັດ ​ໄດ້​ຮັບຜ່ານ​ຮ່າງ​ກົດໝາຍສະບັບນຶ່ງ
ທີ່ໃຫ້ເງິນສະໜັບ ສະໜຸນກະຊວງຮັກສາຄວາມປອດໄພພາຍ
ໃນຂອງສະຫະລັດ ​ແຕ່​ວ່າ​ພຽງ​ແຕ່ອາ ທິດ​ດຽວເທົ່ານັ້ນ ຢ່າງ​
ໜ້ອຍ​ກໍເປັນການ​ຫຼີກ​ລ່ຽງຊົ່ວຄາວບໍ່ໃຫ້ປິດກະຊວງດັ່ງກ່າວ
ຊຶ່ງມີຄວາມ​ສຳຄັນໃນການ​ຮັບຜິດຊອບ ຕໍ່ຕ້ານ​ພວກ​ກໍ່​ກາ​ນ
ຮ້າຍນັ້ນ.

ບັນດາ​ຜູ້ແທນ​ ຢູ່​ໃນສະພາ​ຕໍ່າ ​ ໄດ້​ຮັບຜ່ານ ​ມາດ​ຕະການ​ຊົ່ວ
ຄາວດັ່ງກ່າວໃນ​ຕອນ​ແລງ​ວັນ​ສຸກ​ວານ​ນີ້ ​ດ້ວຍຄະ​ແນນ​ສຽງ
ສອງ​ສ່ວນ​ສາມ ຄື 357 ຕໍ່ 60 ບໍ່ດົນຫຼັງຈາກ​ສະພາ​ສູງໄດ້ຮັບ​
ຜ່ານ​ຮ່າງ​ກົດໝາຍ​ດຽວ​ກັນນີ້.

ປະທານາທິບໍດີ Barack Obama ​ໃນ​ເວລາຕໍ່ມາກໍໄດ້​ເຊັນ​ຮ່າງ​ກົດໝາຍນີ້ ຢູ່ ທີ່​ທຳນຽບ
ຂາວ.

ບັດ​ນີ້​ ສະພາ ມີ​ເວລາ​ນຶ່ງ​ອາທິດສຳຫລັບດຳເນີນ​ງານ​ແກ້​ໄຂ​ຄວາມ​ແຕກ​ຕ່າງ​ກັນ ​ເພື່ອ
​ຫລີກ​ລ່ຽງ​ເສັ້ນ​ຕາຍ​ອີກ​ຄັ້ງ​ນຶ່ງ.

ການໃຫ້ເງິນສະໜັບສະໜຸນ​ແກ່​ພະ​ນັກ​ງາ​ນຂອງກະຊວງ ທີ່​ຮວມທັງ​ເຈົ້າ​ໜ້າ​ທີ່​ລາດຕະ​
ເວນ​ຊາຍ​ແດນ ພວກ​ກວດ​ຜູ້​ໂດ​ຍສານ​ທີ່​ສະໜາມບິນ ​ແລະ​ບັນດາ​ສະ ມາຊິກ​ໜ່ວຍຍາມ
​ຝັ່ງ​ສະຫະລັດທີ່​ມີ​ກຳນົດ​ໝົດ​ລົງ​ໃນ​ຕອນ​ທ່ຽງ​ຄືນວັນ​ສຸກທີ່​ຜ່ານ​ມາ​ນີ້ ນອກຈາກ​ວ່າ ສະພາ
​ຕໍ່າ ​ແລະ​ສະພາ​ສູງ ຮັບຜ່ານ​ຮ່າງ​ກົດໝາຍໃຫ້ເງິນ ສະໜັບສະໜຸນອັນດຽວ​ກັນ.

ຖ້າ​ຫາກ​ສະພາ ​ບໍ່ຮັບ​ຜ່ານ​ຮ່າງ​ກົດໝາຍນີ້ ພະນັກງານປະມານ 30,000 ຄົນ​ອາດ​ຈະ​ສັ່ງ
ໃຫ້ພັກການ ​ໃນ​ຂະນະ​ທີ່​ອີກ 240,000 ຄົນ​ອາດ​ຈະ​ເຮັດ​ວຽກໂດຍ ບໍ່ໄດ້ຮັບເງິນເດືອນ.

ຄວາມ​ພະຍາຍາມ​ເພື່ອຮັບຜ່ານ​ຮ່າງກົດໝາຍໃຫ້ເງິນສະໜັບສະໜຸນຕະຫຼອດປີ​ແກ່ກະ
ຊວງຮັກສາຄວາມປອດໄພພາຍໃນຂອງສະຫະລັດ ​ໄດ້​ກາຍ​ມາ​ເປັນການ​ຕໍ່ສູ້ກັນຂອງ​
ສອງ​ພັກ​ການ​ເມືອງ. ຢູ່​ໃນ​ບັນຫາ​ດັ່ງກ່າວກໍແມ່ນ​ຄວາມ​ພະຍາຍາມ​ຂອງ​ພັກ​ຣີພັບ​ບລິ​ກັນ
​ທີ່​ຄວບ​ຄຸມທັງສອງສະພາຂອງສະຫະລັດ ​ພະຍາຍາມທີ່​ຈະຕ່າວປິ້ນດຳລັດ​ຂອງປະທານ
​າທິບໍດີ Barack Obama ກ່ຽວ​ກັບ​ເລື້ອງ​ຄົ​ນ​ເຂົ້າ​ເມືອງ ຊຶ່ງຈະ​ຈຳກັດການ​ສົ່ງຜູ້​ຄົນ​ກັບ​
ຄືນປະເທດ ​ຈາກສະຫະລັດ.

US HOMELAND SECURITY VO
please wait

No media source currently available

0:00 0:00:46 0:00

XS
SM
MD
LG