ລິ້ງ ສຳຫລັບເຂົ້າຫາ

ຄອງໂກ ຍົກເລີກ ການເຊັນ ສັນຍາ ສັນຕິພາບ ກັບ ກຸ່ມກະບົດ M23


ເຈົ້າ​ໜ້າ​ທີ່ອູ​ການ​ດາ ​ກ່າວ​ວ່າ ສາທາລະນະ​ລັດ ປະຊາທິປະ​ໄຕ ຄອງ​ໂກ ໄດ້​ຍົກ​ເລີກການ​ເຊັນ​ສັນຍາສັນຕິພາບ ກັບ​ກຸ່ມ​ກະບົດ M23.
ເຈົ້າ​ໜ້າ​ທີ່ອູ​ການ​ດາຄົນ​ນຶ່ງ ​ກ່າວ​ວ່າ ສາທາລະນະ​ລັດ ປະຊາທິ
ປະ​ໄຕ ຄອງ​ໂກ ໄດ້​ຍົກ​ເລີກການ​ເຊັນ​ສັນຍາຂໍ້ຕົກລົງ​ສັນຕິພາບ
ກັບ​ກຸ່ມ​ກະບົດ M23.

ລັດ​ຖະບານ​ຄອງ​ໂກ ​ແລະ​ກຸ່ມ​ກະບົດ ​ໄດ້​ມີ​ໝາຍ​ກຳນົດທີ່​ຈະ​
ເຊັນ​ເອກ​ກະສາ​ນດັ່ງກ່າວ ທີ່ເມືອງ Entebbe ຂອງ​ອູ​ການ​ດາ
​ໃນ​ວັນ​ຈັນ​ວານ​ນີ້. ​ແຕ່​ໂຄສົກລັດ ຖະບານອູ​ການ​ດາ ທ່ານ
Ofwono Opondo ກ່າວໃນຄໍາ​ຖະ​ແຫລ​ງຜ່ານ​ທາງ Twitter
ວ່າ ຜູ້ຕາງໜ້າສາທາລະນະ​ລັດປະຊາທິປະ​ໄຕຄອງ​ໂກ ໄດ້
“ຍົກເລີກ ​ການ​ເຊັນ​ສັນຍາດັ່ງກ່າວ.”

ທ່ານ Opondo ​ໄດ້​ກ່າວ​ຕໍ່ວີ​ໂອ​ເອວ່າ ຜູ້ຕາງໜ້າ​ຄອງ​ໂກ ​ໄດ້​ປະຕິ​ເສດ​ບໍ່​ຍອມ ເຂົ້າ​ໄປ​ໃນ​ຫ້ອງ ບ່ອນ​ມີ​ພິທີ່ເຊັນ​ສັນຍາຈະ​ມີ​ຂື້ນ ​ແລະ​ຂໍ​ເວລາຕື່ມ ​ເພື່ອອ່ານ​ຂໍ້​ຕົກລົງນີ້.

ນຶ່ງ​ໃນ​ບັນດາ​ຜູ້​ນໍາ​ກຸ່ມກະບົດ M23 ທ່ານ Betrand Bisimwa ​ໄດ້​ກ່າວ​ຕໍ່ ວີ​ໂອ​ເອວ່າ ການ​ໂຕ້​ແຍ້​ງ​ເກີດ​ຂື້ນ​ມາ​ໃໝ່​ ກ່ຽວ​ກັບ​ຄວາມ​ຈິງ​ວ່າ ລັດຖະບານ ຕ້ອງການ​ຢາກ​ຮ້ອງ​ຂໍ້​ຕົກລົງ​ນີ້ວ່າ “ຄຳ​ປະກາດ” ​ໃນ​ຂະນະ​ທີ່​ພວກ​ກະບົດຕ້ອງ ການ​ຢາກ​ຮ້ອງວ່າ “ຂໍ້ຕົກລົງ​ສັນຕິພາບ.”

ທ່ານ Bisimwa ​ເວົ້າວ່າ “ຖ້າ​ຫາກ​ວ່າ ລັດຖະບານສາທາລະນະ​ລັດ ປະຊາທິ ປະ​ໄຕຄອງ​ໂກ
ຕ້ອງການ​ສົງ​ຄາມນັ້ນ ​ເຂົາ​ເຈົ້າ​ກໍ​ບໍ່​ຈຳ​ເປັນ​ທີ່​ຈະ​ລົງ​ນາມ​ໃນ​ເອກ​ກະສາ​ນ​ໃດໆ​ກັບ​ພວກ​ເຮົາ ​
ແຕ່ຖ້າ​ຫາກ​ເຂົາ​ເຈົ້າ ຕ້ອງການ​ໃຫ້​ພວກ​ເຮົາເຊັນ​ສັນ ​ແລ້ວ ພວກ​ເຮົາ​ກ່າວ​ວ່າ ​ເອກ​ກະສານ
ດັ່ງກ່າວ​ນີ້ ​ຕ້ອງໃຫ້ການ​ເຄົາລົບ​ນັບຖື ຕໍ່​ອັນທີ່​ເຮົາ​ໄດ້ຕົກລົງ​ກັນ ​ໃນ​ວັນ​ທີ 4 ​ພະຈິກຜ່ານ​ມາ.”
XS
SM
MD
LG