ລິ້ງ ສຳຫລັບເຂົ້າຫາ

ກອງປະຊຸມ ສິດທິມະນຸດ ຂອງ ປະຊາຄົມລາວ ແລະໄທ ອາເມຣິກັນ ທີ່ ວໍຊິງຕັນ


ບັນດາຜູ້ເຂົ້າຮ່ວມ ກອງປະຊຸມສິດທິມະນຸດ ຈາກປະຊາຄົມລາວ ແລະໄທ ທີ່ຕຶກ Rayburn ລັດຖະສະພາສະຫະລັດ ວັນທີ 26 ເມສາ ປີ 2017.

ທ່ານ​ຜູ້​ຟັງ​ທີ່​ເຄົາລົບ ​ໃນ​ລາຍການ​ຊີວິດ​ຊາວ​ລາວ​ໃນ​ຕ່າງ​ແດນ ແລງ​ວັນ​ພະຫັດມື້​ນີ້​ເຮົາ​
ຈະ​ນຳ​ເອົາ​ລາຍ​ງານ ແລະ​ການ​ສຳພາດກັບ​ບັນດາ​ນັກ​ເຄື່ອນ​ໄຫວທີ່​ໄປ​ຮ່ວມກອງປະຊຸມ
ສິດທິມະນຸດກ່ຽວກັບລາວ ແລະໄທ ​ຊຶ່ງໄດ້​ຈັດ​ຂຶ້ນ​ໃນວັນທີ 26 ​ເມສາ​ຜ່ານ​ມານີ້ຢູ່ທີ່ຕຶກ
Rayburn ຂອງລັດຖະສະພາສະຫະລັດ ທີ່ນະຄອນຫລວງວໍຊິງຕັນ ໂດຍ​ໄດ້​ຮັບ​ຄວາມ
ອຸບປະຖໍາຈາກສະມາຊິກສະພາຕໍ່າ Markwayne Mullin ຈາກລັດ Oklahoma. ລາຍ
ລະອຽດ​ຂອງ​ກອງ​ປະຊຸມ​ມີ​ຫຍັງ​ແດ່​ນັ້ນ ກິ່ງ​ສະຫວັນ ຈະ​ນຳ​ມາສະ​ເໜີ​ທ່ານ ​ໃນ​ອັນ​ດັບ​
ຕໍ່​ໄປ.

ສະບາຍດີທ່ານ​ຜູ້ຟັງ​ທີ່​ເຄົາ​ລົບ ​ໃນ​ລາຍການ​ຊີວິດ​ຊາວ​ລາວ​ໃນ​ຕ່າງ​ແດນ ​ມື້​ນີ້ ​ເຮົາຈະ​
ນຳ​ເອົາລາຍ​ງາຍ ແລະ​ການ​ສຳພາດ​ກັບ​ບັນດາ​ນັກ​ເຄື່ອນ​ໄຫວ ລາວ​ອາ​ເມຣິກັນ ທີ່​ໄດ້​
ເຂົ້າ​ຮ່ວມກອງ​ປະຊຸມ ​ສິດທິມະນຸ​ດ ​ລາວ ​ແລະ​ໄທ.

ກອງປະຊຸມດັ່ງກ່າວ​ໄດ້​ຈັດ​ຂຶ້ນເມື່ອວັນທີ 26 ​ເມສາ​ຜ່ານ​ມານີ້ ທີ່ຕຶກ Rayburn ຂອງ
ລັດຖະສະພາສະຫະລັດ ​ໃນນະຄອນຫຼວງວໍຊິງຕັນ ໂດຍ​ໄດ້​ຮັບ​ຄວາມອຸບປະຖໍາ​ໂດຍ
ສະມາຊິກສະພາຕໍ່າ Markwayne Mullin ຈາກລັດ Oklahoma.

ເຂົ້າຮ່ວມກອງ​ປະຊຸມ​ໃນ​ຄັ້ງນີ້ມີ​ບໍ່​ຕ່ຳ​ກວ່າ 45 ຄົນຈາກ 8 ອົງການສິດທິມະນຸດລາວ
ອາເມຣິກັນ ແລະ 9 ອົງການສິດທິມະນຸດໄທອາເມຣິກັນ ທີ່​ໄດ້​ເດີ​ນທາງ​ມາ​ຈາກທົ່ວ
ປະເທດ. ຜູ້ຕາງໜ້າຂອງແຕ່ລະອົງການ ໄດ້ສັບປ່ຽນກັນຂຶ້ນມາລາຍງານ ໂດຍສະ
ເພາະ ກ່ຽວ​ກັບການຫາຍສາບສູນໄປ ຂອງທ່່ານສົມບັດ ສົມພອນ ຄົນງານລາວສາມ
ຄົນ ທີ່ເຮັດວຽກຢູ່ປະເທດໄທ ກັບເມືອເມືອງລາວແລ້ວຖືກຈັບ ເພາະວ່າ ເຂົາເຈົ້າຕ້ອງ
ຕິລັດຖະບານ ສປປ ລາວ ທາງສື່​ສັງຄົມ ການ​ຂາດ​ສິ​ດເສຣີພາບທາງດ້ານສາສະໜາ
ຂອງຊາວຄຣິສ ການຄ້າຢາເສຍຕິດ ແລະການສໍ້ລາດບັງຫລວງເຫລົ່ານີ້ເປັນຕົ້ນ.

ບຸກຄົນ​ສຳຄັນ​ຄົນ​ນຶ່ງ​ທີ່​ໄດ້​ເຂົ້າ​ຮ່ວມກອງ​ປະຊຸມ​ກໍ​ຄື ທ່ານ​ສຸດ​ໃຈ ວົງ​ສະຫວັນ ອະດີດ
ນາຍ​ພົນ​ຈັດຕະວາ ຜູ້​ບັນຊາ​ການ​ທະຫານ​ພາກ​ສີ່ ​ແຫ່ງ​ພະ​ລາຊະ​ອານາ ຈັກລາວ ​ແລະ
​ອະດີດ​ເຈົ້າ​ໜ້າ​ທີ່​ພົນລະ​ເຮືອນ ປະ​ຈຳ​ກະຊວງ​ປ້ອງ​ກັນ​ປະ​ເທດ ສະຫະລັດມາ​ເປັນ
​ເວລາ 32 ປີ​ ໄດ້​ກ່າວ​ຕໍ່​ບັນ​ດາ​ຜູ້​ເຂົ້າ​ຮ່ວມ​ປະຊຸມ​ເປັນ​ພາສາ​ອັງກິດ​ວ່າ:

ທ່ານສຸດໃຈ ວົງສະຫວັນ (ທີສອງຈາກຊ້າຍ) ແລະຄະນະເຂົ້າຮ່ວມປະຊຸມ.
ທ່ານສຸດໃຈ ວົງສະຫວັນ (ທີສອງຈາກຊ້າຍ) ແລະຄະນະເຂົ້າຮ່ວມປະຊຸມ.

“ຂ້າພະ​ເຈົ້າ​ຊື່ວ່າ ສຸດ​ໃຈ ວົງ​ສະຫວັນ ຂ້າພະ​ເຈົ້າແມ່ນ​ອະດີດ ນາຍ​ພົນ​ຈັດຕະວາ
​ແຫ່ງ​ພະ​ລາຊະ​ອານາຈັກລາວ ລະຫວ່າງ​ສົງຄາມ ຫຼື​ວ່າ​ສົງຄາມ​ຫວຽດນາມ ຫລື​
ວ່າ​ສົງຄາມ​ລັບ​ຢູ່​ໃນ​ລາວ ບັດ​ນີ້​ບໍ່​ໄດ້​ເປັນຄວາມ​ລັບ​ອີກ​ແລ້ວ. ກ່ອນ​ອື່ນ​ຂ້າພະ​ເຈົ້າ​
ຂໍຂອບ​ໃຈ ດຣ. Richard ໄຊສົມມອນ ທີ່​ໄດ້​ຈັດກອງ​ປະຊຸມ​ມື້​ນີ້ ຂ້າພະ​ເຈົ້າ​ຂໍ​
ສະ​ແດງ​ຄວາມ​ຂອບ​ໃຈ​ຕໍ່ ດຣ. ໄຊສົມມອນ ທີ່​ໄດ້​ເຊີນ​ຂ້າພ​ະ​ເຈົ້າ​ມາ​ຮ່ວມ​ໃນ​ມື້​
ນີ້. ດຣ. ໄຊສົມມອນ​ ​ແມ່ນ​ທີ່​ປຶກສາ​ດ້ານ​ສິດທິ​ມະນຸດ​ ຢູ່​ໃນ​ສະຫະລັດ ຂ້າພະ​
ເຈົ້າ​ຢາກ​ຂໍ​ສະ​ແດງຄວາມ​ຂອບ​ໃຈ​ຕໍ່​ແຂກ​ພິ​ເສດ​ຄົນ​ນຶ່ງ ​ແຕ່ວ່າ​ທ່ານ​ບໍ່​ໄດ້​ມາ​ປາ
ກົດ​ໂຕ​ ໃນ​ມື້​ນີ້ ຈາກກະຊວງ​ການ​ຕ່າງປະ​ເທດ. ຕາງ​ໜ້າ​ຜູ້​ອາວຸໂສລາ​ວອາ​ເມຣິ
ກັນ ຂ້າພະ​ເຈົ້າ​ໄດ້​ຮັບ​ກຽດ​ອັນ​ສູງ ທີ່​ໄດ້​ມາ​ຮ່ວມ​ກັບ​ພວກ​ທ່ານ​ມື້​ນີ້ ​ແລະ​ໄດ້​ໂອ​
ກາດ​ມາຖະ​ແຫລ​ງຕໍ່​ກອງ​ປະຊຸມ. ຂ້າພະ​ເຈົ້າ​ສະໜັບສະໜູນ​ໃນຄວາມ​ພະຍາ​ຍາມ
​ຢ່າງ​ເຕັມທີ່ ຕໍ່​ອົງການ​ສິດທິ​ມະນຸດລາວ ​ເພາະວ່າ​ລາວ​ເປັນ​ສະມາຊິກ​ອົງການ​ສະ
ຫະ​ປະຊາ​ຊາດ ມາ​ແຕ່​ປີ 1949. ກອງ​ປະຊຸມ​ນີ້​ແມ່ນ​ກ່ຽວ​ກັບການລະ​ເມີດ​ສິດທິ​ມະ
ນຸດຢູ່​ໃນ​ລາວ ດັ່ງ​ໂຕ​ຢ່າງ​ຄະດີ​ຂອງ ທ່ານ​ສົມ​ບັດ​ ສົມ​ພອນ ຜູ້​ທີ່​ໄດ້​ຫາຍ​ສາບ​ສູນ​
ໄປ​ຢູ່​ໃນ​ນະຄອນ​ວຽງ​ຈັນ​ ​ເມື່ອ​ສີ່​ປີ​ກ່ອນຈົນ​ຮອດ​ມື້​ນີ້​ບໍ່​ມີໃຜ​ຮູ້​ວ່າ​ທ່ານ​ຢູ່​ໃສ ພວກ​ເຮົາ​
ບໍ່​ຮູ້​ວ່າ ທ່ານ​ຍັງ​ມີ​ຊີວິດ​ຢູ່​ຫລື​ບໍ່ ​ແລະ​ບໍ່ມີ​ໃຜ​ຮູ້. ອີກ​ຄະດີ​ນຶ່ງ​ກໍ​ຄື ເຂົາ​ເຈົ້າ​ໄດ້​ຈັບ​ຊາວ​
ຄຣິສ ຢູ່​ແຂວງ​ສະ​ຫວັນນະ​ເຂດ​ໃນ​ປະ​ເທດ​ ລາວ ​ແລະ ດຣ. ໄຊສົມນອນ ສາມ​າດ
ບອກ​ພວກ​ທ່ານ​ໄດ້​ກ່ຽວ​ກັບ​ກິດຈະການ​ ເຫລົ່າ​ນີ້ຢ່າງ​ລະອຽດ. ສຸດ​ທ້າຍນີ້ ​ເປົ້າ​ໝ​າຍ
ຂອງ​ພວກ​ເຮົາ​ກໍ​ຄື​ຢາກໃຫ້​ລາວ​ມີ​ປະ​ຊາ​ທິປະ​ໄຕ ສັນ​ຕິ​ພາບ ​ແລະເອກ​ກະລາດ​ຢ່າງ
ແທ້​ຈິງ ທີ່​ປາດ​ສະ​ຈາກ​ການ​ຄວບ​ຄຸ​ມຂອງ​ບັນດາ​ເພື່ອນ​ບ້ານ​ໃກ້​ຄຽງ. ​ປັດຈຸບັນ
ຫວຽດນາມ​ຄວບຄຸມ​ທາງ​ທະຫານ ​ແລະ​ການ​ເມືອງ​ຢູ່​ໃນ​ລາວ ​ແລະ​ຈີນ​ຄວບ​ຄຸມ​ດ້ານ​ເສດຖະກິດ​ຢູ່​ໃນ​ລາວ.”

ນັກ​ເຄື່ອນ​ໄຫວ​ອີກ​ຄົນ​ນຶ່ງ​ກໍ​ຄື ທ່ານຄຳຜຸຍ ສີສະ​ວັດ​ດີ ທີ່​ເປັນ​ນັກ​ເຄື່ອນ​ໄຫວ​ຮູ້​ກັນ​ດີ ຢູ່ໃນວົງ​ການໆ​ເມືອງ​ພັດ​ຖິ່ນຂອງ​ລາວ​ໃນ​ສະຫະລັດ ທ່ານ​ໄດ້​ກ່າວ​ຕໍ່ວີ​ໂອ​ເອ ກ່ຽວ​ກັບ​ຈຸດປະສົງ​ຂອງທ່ານ ​ໃນ​ການ​ມາ​ຮ່ວ​ມປະຊຸມ​ຄັ້ງ​ນີ້​ວ່າ:

ມະຫາຄຳຜຸຍ ສີສະວັດດີ ນັກເຄື່ອນໄຫວສິດທິມະນຸດ ໃນສະຫະລັດ
ມະຫາຄຳຜຸຍ ສີສະວັດດີ ນັກເຄື່ອນໄຫວສິດທິມະນຸດ ໃນສະຫະລັດ

ທ່ານ Richard ໄຊສົມມອນ ຜູ້ປະສານງານກອງປະຊຸມ ຈາກຂະບວນການປະຊາ
ທິປະໄຕຂອງຄົນລາວຍຸກໃໝ່ ໄດ້ກ່່າວສະຫລຸບຕໍ່ ວີໂອເອກ່ຽວກັບ ຈຸດປະສົງຂອງ
ກອງປະຊຸມຄັ້ງນີ້ວ່າ:

ທ່ານ Richard ໄຊສົມມອນ ນັກເຄື່ອນໄຫວ ສິດທິມະນຸດ ແລະຜູ້ປະສານງານກອງປະຊຸມ.
ທ່ານ Richard ໄຊສົມມອນ ນັກເຄື່ອນໄຫວ ສິດທິມະນຸດ ແລະຜູ້ປະສານງານກອງປະຊຸມ.

ສ່ວນບັນດາຊາວອາເມຣິກັນ ເຊື້ອສາຍໄທນັ້ນ ເຂົາເຈົ້າ​ໄດ້​ສົ່ງ​ຜູ້​ຕາງ​ໜ້າ​ຈາກ 9 ອົງ
ກາ​ນສິດທິ​ມະນຸດ ສັບ​ປ່ຽນ​ກັນ​ຂຶ້ນ​ມາ​ກ່າວອະທິບາຍ ​ໂດຍ​ສະ​ເພາະ​ໃນ​ຄວາມ​ເປັນ
ຫ່ວງກ່ຽວກັບ ອຳນາດການປົກຄອງຂອງລັດຖະບານທະຫານ ທີ່ບໍໍ່ມີສິດເສລີພາບດ້ານ
ຂ່າວສານ ​ແລະໂດຍສະເພາະຢ່າງຍິ່ງ ເຫດການທີ່ເກີດຂຶ້ນເມື່ອເດືອນມີນາທີ່ຜ່ານມາ
ກໍຄື ລັດຖະບານໄທ ໄດ້ໃຊ້ກຳລັງທະຫານ ທັບມ້າງວັດທຳມະກາຍ ໃນບາງກອກ.

ບັນດາແຂກຜູ້ມີກຽດ ທີ່ເຂົ້າຮ່ວມກອງປະຊຸມ ສິດທິມະນຸດ.
ບັນດາແຂກຜູ້ມີກຽດ ທີ່ເຂົ້າຮ່ວມກອງປະຊຸມ ສິດທິມະນຸດ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG