ລິ້ງ ສຳຫລັບເຂົ້າຫາ

ຊາວອາເມຣິກັນ ສະເຫລີມສະຫລອງ ວັນພັກໂຄລໍາບັສ

  • ທອງປານ ເທບວົງສາ

ຊາວອາເມຣິກັນ ສະເຫລີມສະຫລອງ ວັນພັກໂຄລໍາບັສ

ຊາວອາເມຣິກັນ ພາກັນສະເຫລີມສະຫລອງວັນ Columbus Day ​ໃນ​ວັນ​ຈັນ​ມື້​ນີ້.

ວັນໂຄລໍາບັສ ເປັນວັນພັກຂອງລັດຖະບານກາງ ທີ່ສະຫລອງການໃນວັນຈັນທີ່ສອງ
ຂອງເດືອນຕຸລາ ອັນເປັນຂີດໝາຍຂອງການເດີນທາງມາເຖິງ ພາກພື້ນອາເມຣິກາ
ຂອງທ່ານ ຄຣີສໂທເຟີ ໂຄລໍາບັສ.

ໃນປາງນັ້ນ ທ່ານ ໂຄລໍາບັສ ເປັນນັກສໍາຫລວດຊາວອີຕາລີ ທີ່ເດີນທາງດ້ວຍເຮືອໃບ
ທີ່ຕິດທຸງຊາດ​ຂອງ​ປະ​ເທດສະ​ເປ​ນ ນໍາພາການສໍາຫລວດສີ່ຄັ້ງມາຍັງໂລກໃໝ່ ກໍ​ຄື​ດິນ
​ແດນ​ອາ​ເມຣິກາ​ນີ້ ແຕ່ກໍບໍ່ປະສົບຜົນສໍາເລັດຕາມເປົ້າໝາຍເດີມຂອງທ່ານ ຄືເພື່ອຊອກ
ຫາເສັ້ນທາງທະເລກໍ້າຕາເວັນ ຕົກໄປຍັງຂົງເຂດເອເຊຍ. ກົງກັນຂ້າມ ທ່ານໂຄລໍາບັສ
ກັບໄດ້ເປີດສັກກະລາດໃໝ່ໃນປະວັດສາດໂລກ ໂດຍການຄົ້ນ​ພົບ​ພາກ​ພື້ນອາເມຣິກາ
​ແລະ​ເປີດທະວີບນີ້ ໃຫ້ແກ່​ການ​ສໍາ​ຫລວດ.

ວັນໂຄລໍາບັສ ໄດ້ກາຍເປັນວັນພັກປະຈໍາປີຂອງສະຫະລັດໃນປີ 1971 ຊຶ່ງໂດຍທົ່ວໄປ
ແລ້ວ ຈະສະເຫລີມສະຫລອງໂດຍພວກທະນາຄານ ຫ້ອງການລັດ ໄປສະນີ ແລະອົງ
ການຕ່າງໆຂອງລັດຖະບານກາງ ທີ່​ພາກັນ​ຢຸດພັກ. ຕະຫລາດພັນທະບັດກໍປິດໃນມື້ນີ້
ແຕ່ທຸລະກິດບາງ​ແຫ່ງ ແລະຕະຫລາດຫຸ້ນ ຍັງເປີດບໍລິການ.

XS
SM
MD
LG