ລິ້ງ ສຳຫລັບເຂົ້າຫາ

ທ່ານນາງ Hillary Clinton ຢ້ຽມຢາມ ຂົງເຂດອາຟຣິກາ


ລັດຖະມົນຕີ​ການ​ຕ່າງປະ​ເທດສະຫະລັດ ອາ​ເມຣິກາ ທ່ານ​ນາງ Hillary Clinton ກ່າວຄໍາປາໃສ ທີ່ມະຫາວິ ທະຍາໄລ Dakar ປະເທດ Senegal ໃນວັນທີ 1 ສິງຫາ, 2012.

ລັດຖະມົນຕີ​ການ​ຕ່າງປະ​ເທດສະຫະລັດ ອາ​ເມຣິກາ ທ່ານ​ນາງ Hillary Clinton ກໍາລັງ​
ເດີນທາງ​ໄປ​ຍັງ Uganda ​ເພື່ອ​ສົນທະນາ​ຫາລືກັບ ປ​ະທານາ​ທິບໍດີ Yoweri Museveni ​
ໃນ​ຂະນະ​ທີ່ ​ທ່ານ​ນາງສືບ​ຕໍ່ການ​ຢ້ຽ​ມຢາມ​ຫລາຍ​ປະ​ເທດ​ໃນ ອາ​ຟຣິກາ.

ທ່ານ​ນາງ Clinton ຈະໃຊ້ການ​ປະ​ຊຸ​ມ​ໃນ​ວັນ​ສຸກມື້​ອື່ນ​ນີ້ ​ເພື່ອ​ສົນທະນາ​ເຖິງບົດບາດຂອງ
Uganda ​ໃນ​ຖານະ​ເປັນ​ພາຄີ​ທີ່​ສໍາ​ຄັນ​ຂອງສະຫະລັດ ​ໃນ​ດ້ານຄວາມ​ໝັ້ນຄົງ​ຂອງ​ຂົງ​ເຂດ
ພ້ອມ​ທັງຊຸກ​ຍູ້​ໃຫ້ມີ​ການ​ສ້າງ​ຕັ້ງ​ສະ​ຖາ​ບັນປະຊາທິປະ​ໄຕ ທີ່ເຂັ້ມ​ແຂງຂຶ້ນ ​ແລະ​ເລື່ອງ​ສິດທິ​
ມະນຸດ.

​ໃນ​ວັນ​ພຸດວານ​ນີ້ ທ່ານ​ນາງ Clinton ​ໄດ້​ເຕືອນ ບັນດາ​ຜູ້​ນໍາ ອາ​ຟຣິກາ ວ່າ ​ເຂົາ​ເຈົ້າ​
ຕ້ອງນັບຖື​ສິດທິຂອງ​ປະຊາຊົນຂອງ​ເຂົາ​ເຈົ້າ ຫລື​ບໍ່​ດັ່ງ​ນັ້ນ​ຈະ​ສ່ຽງ​ຕໍ່​ການ​ສູນເສຍ​ອໍານາດ.

​ໃນ​ຄໍາ​ປາ​ໄສບັ້ນ​ນຶ່ງ ​ທີ່ Senegal ນັ້ນ ທ່ານ​ນາງ​ກ່າວ​ວ່າ ປະຊາຊົນອາ​ຟຣິກາ ກໍາລັງ
​ຮຽກຮ້ອງ​ໃຫ້​ມີ​ການ​ປ່ຽນ​ແປງ​ໃນ​ປະ​ເທດຕ່າງໆ ​ບ່ອນ​ທີ່ພວກ​ຄົນ​ຊັ້ນ​ສູງຮັ່ງມີຈໍານວນ​ນຶ່ງ
ນ້ອຍໆ​ນຶ່ງ ກໍາລັງ​ຈະ​ເລີ​ນຮຸ່ງ​ເຮືອງ ​ໃນ​ຂະ​ນະ​ທີ່​ປະ​ຊາ​ຊົນ​ສ່ວນ​ໃຫ່ຍ ພາກັນ​ຕົກຄ້າງ​ຢູ່​ໃນ
​ຄວາມທຸກ​ຍາກ.

ທ່ານ​ນາງ ຍັງ​ໄດ້​ສົ່ງ​ເສີມ​ຍຸດ​ທະ​ສາດ​ໃໝ່​ຂອງສະຫະລັດ ​ສໍາລັບອາ​ຟຣິກາ ຊຶ່ງທ່ານ​ນາງ
ກ່າວ​ວ່າ ​ແມ່ນອີງໃສ່​ເປົ້າ​ໝາຍ ໃນ​ການ​ກະຕຸກຊຸກຍູ້​ການພັດ​ທະນາ ​ແລະ​ການ​ເຕີບ​ໂຕ
ທາງເສດຖະກິດ ການ​ສົ່ງ​ເສີມ​ສັນຕິພາບ ​ແລະ​ຄວາມ​ໝັ້ນຄົງ​ໃຫ້​ກ້າວ​ໄກ​ໄປ​ໜ້າ ​ແລະສ້າງ​
ຄວາມ​ແຂ້​ມ​ແຂງ​ໃຫ້​ແກ່​ພວກສະ​ຖາ​ບັນ​ປະຊາທິປະໄຕທັງຫລາຍ.

ນີ້​ແມ່ນ​ການ​ເດີນທາງ​ຄັ້ງ​ທໍາ​ອິດ​ຂອງ ທ່ານ​ນາງ Clinton ​ໄປຍັງ​ເຂດ​ໃຕ້​ທະ​ເລ​ຊາຍ
Sahara ຂອງ​ອາ​ຟຣິກາ ນັບ​ຕັ້ງ​ແຕ່ ປະທານາທິບໍດີ Barak Obama ​ໄດ້​ປະກາດ​ຍຸດ​
ທະ​ສາດ​ໃໝ່​ຂອງ​ທ່ານ ​ໃນ​ເດືອນ​ມິຖຸ​ນາຜ່ານ​ມາ.

ລາຍການຢ້ຽມຢາມ​ຂອງ​ທ່ານ​ນາງ ມີ​ໂຮ​ມທັງ ​ປະ​ເທດຊູ​ດານ​ໃຕ້ ​ເຄັນ​ຍາ ມາລາ​ວີ ​ແລະ
ອາ​ຟຣິກາ​ໃຕ້.


View Clinton's Africa trip in a larger map

XS
SM
MD
LG