ລິ້ງ ສຳຫລັບເຂົ້າຫາ

ອີສຣາແອລ ຍັງສືບຕໍ່ ໂຈມຕີ ເຂດກາຊາ (ສະໄລດ໌ 2 ອັນ)


ລົດເມຄັນນຶ່ງ ທີ່ໄດ້ຮັບຄວາມເສຍຫາຍ ຈາກການຖືກວາງລະເບີດ ທີ່ນະຄອນຫລວງ Tel Aviv ຂອງອີສຣາແອລ, ວັນທີ 21 ພະຈິກ 2012.
ການ​ໂຈມ​ຕີ​ທາງ​ອາກາດ ​ແມ່ນ​ໄດ້​ສັ່ນ​ສະ​ເທືອ​ນທັງ​ສອງ​ຟາກ​
ຂອງເຂດ​ຊາຍ​ແດນລະຫວ່າງ​ອີສຣາ​ແອ​ລແລະກາຊາ​ໃນ​ຕອນ
​ເຊົ້າວັນ​ພຸດ​ມື້​ນີ້ ​ເຖິງ​ແມ່ນ​ໄດ້​ມີການ​ດຳ​ເນີນ​ຄວາມ​ພະຍາຍາມ
ທາງ​ການ​ທູດ​ຢ່າງ​ຂຸ້ນຂ້ຽວຢູ່​ກໍ​ຕາມ ​ເພື່ອ​ຍຸຕິ​ຄວາມ​ຮຸນ​ແຮງ​ດັ່ງ
ກ່າວ​ລະຫວ່າງ​ອີສຣາ​ແອ​ລ ​ແລະ​ກຸ່ມ​ຫົວ​ຮຸນ​ແຮງ​ຮາ​ມາສ ທີ່​ໄດ້​
ສັງຫານ​ຊາວ​ປາ​ແລັສ​ໄຕໄປ​ແລ້ວ ຫຼາຍກ່າ 130 ຄົນ ນັ້ນ.

ດ້ານສະຖານະການຢູ່ພາຍໃນປະເທດອີສຣາແອລ ລະເບີດລູກ
ນຶ່ງໄດ້ແຕກ ຂຶ້ນເທິງລົດເມ ທີ່​ນະຄອນ Tel Aviv ເຮັດໃຫ້ມີຜູ້
ບາດເຈັບຢ່າງໜ້ອຍ 10 ຄົນ. ເຈົ້າໜ້າທີ່ອີສຣາແອລເອີ້ນເຫດ
ການນີ້ວ່າ ເປັນການໂຈມຕີຂອງພວກກໍ່ການຮ້າຍ.

ທີ່ເມືອງ Ramallah ໃນເຂດ West Bank ໃກ້ໆກັນນັ້ນ ທ່ານ
ພັນ ຄີມູນ ເລຂາທິການໃຫຍ່ອົງການສະຫະປະຊາຊາດ ໄດ້ປຶກສາຫາລືກ່ຽວ ກັບກໍລະນີ
ພິພາດນີ້ກັບທ່ານ Mahmoud Abbas ປະທານາທິບໍດີປາແລັສໄຕນ໌ ຊຶ່ງທ່ານ Abbas ເວົ້າ
ວ່າ ທ່ານກໍາລັງດຳ​ເນີນ​ງານຮ່ວມກັບ ສະຫະ​ປະຊາ​ຊາດ ຈໍແດນ ແລະສະຫະລັດ ເພື່ອແກ້ໄຂ
ບັນຫາດັ່ງກ່າວ ຢ່າງສັນຕິ ແຕ່ທ່ານພັນ ຄີມູນ ໄດ້ຮຽກຮ້ອງໃຫ້ຍຸຕິເຫດການນອງເລືອດນີ້ ໂດຍກ່າວຍໍ້າເຖິງ​ຄວາມ​ເຊື່ອ​ໝັ້ນຂອງ​ທ່ານວ່າ ການແກ້ໄຂບັນຫາແບບສອງລັດນີ້ຖືວ່າ ຈໍາເປັນທີ່ສຸດເພື່ອຍຸຕິຄວາມຮຸນແຮງຢ່າງ​ເປັນ​ການຖາວອນ ລະຫວ່າງອີສຣາແອລ ແລະ ກຸ່ມຫົວຮຸນແຮງປາແລັສໄຕນ໌ນັ້ນ.

ທ່ານ Abbas ບໍ່ມີອິດທິພົນໃດໆໃນເຂດກາຊາທີ່ປົກຄອງໂດຍກຸ່ມຮາມາສນັ້ນ ແຕ່ລັດຖະ
ບານ West Bank ຂອງທ່ານອາດເປັນເຄຶ່ອງມືສໍາຄັນ ເພື່ອຈັດຕັ້ງປະຕິບັດສັນຍາຢຸດຍິງ
ຂອງຝ່າຍເຂດກາຊາ.

ເບິ່ງພາບຄວາມເສຍຫາຍຈາກການໂຈມຕີຂອງອິສຣາແອລຕໍ່ເຂດກາຊາ
ພ້ອມກັບຄໍາບັນລະຍາຍເປັນພາສາອັງກິດ:


ໃນຕອນເຊົ້າວັນພຸດມື້ນີ້ ທ່ານ​ນາງ ຮິ​ລ​ແລ​ຣີ ຄຼິນຕັນ ລັດຖະມົນ​ຕີ​ຕ່າງປະ​ເທດ​ສະຫະລັດ ຈະ​ພົບ​ປະ​ກັບ​ບັນດາ​ຜູ້​ນໍາ​ປາ​ແລັສ​ໄຕນ໌​ທີ່​ເມືອງ Ramallah ກ່ອນທ່ານນາງຈະເດີນທາງ ຕໍ່ໄປຍັງນະຄອນຫຼວງ Yerusalem ເພື່ອເຈລະຈາກັບບັນດາຜູ້ນໍາອີສຣາແອລຢູ່ທີ່ນັ້ນ. ນອກນີ້ແລ້ວ ທ່ານນາງຍັງມີ ແຜນການທີ່ຈະພົບປະກັບ​ທ່ານ Mohammed Morsi ປະທານາທິບໍດີ ອີຈິບ ທີ່ນະຄອນຫຼວງໄຄໂຣໃນວັນພຸດມື້ນີ້.

ໃນຕອນບ່າຍວັນອັງຄານວານນີ້ ທ່ານນາງຄຼິນຕັນໄດ້ປຶກສາຫາລືກັນກ່ຽວ ກັບສະຖານະ ການທີ່ຫຼໍ່​ແຫຼມດັ່ງກ່າວ ເປັນເວລາສອງຊົ່ວໂມງກັບນາຍົກລັດ ຖະມົນຕີອີສຣາແອລ ທ່ານ Benjamin Netanyahu ພ້ອມກັບບັນດາເຈົ້າໜ້າທີ່ອາວຸໂສຂອງອີສຣາແອລນໍາ.

ທ່ານນາງຄຼິນຕັນ ກ່າວວ່າ: “ສະຫະລັດຈະດຳ​ເນີນງານກັບປະເທດພາຄີ ຂອງພວກ ເຮົາໃນອີສຣາແອລ ແລະທົ່ວຂົງເຂດນີ້ ໄປສູ່ຜົນຮັບທີ່ ​ເສີມ​ຂະຫຍາ​ຍຄວາມໝັ້ນຄົງ
ສໍາລັບຊາວອີສຣາແອລ ປັບປຸງສະພາບຄວາມເປັນຢູ່ ຂອງປະຊາຊົນ ເຂດກາຊາ ​ແລະກ້າວໄປສູ່ສັນຕິພາບທີ່ຄົບຖ້ວນສົມບູນສໍາລັບປະຊາຊົນທັງໝົດ ຢູ່ໃນຂົງເຂດນີ້.”


ທ່ານເນຕັນຢາຮູ ກ່າວກ່ອນໜ້າພົບປະກັບທ່ານນາງຄຼິນຕັນວ່າ ທ່ານຢາກໃຫ້ມີການ ເຈລະຈາກັນທາງການທູດ ເພື່ອຍຸຕິການໂຈມຕີຂ້າມຊາຍແດນກັນນັ້ນ ແຕ່ທ່ານກໍກ່າວ
ເນ້ນວ່າ ອີສຣາແອລຈະປະຕິບັດການທຸກຢ່າງ ເພື່ອພິທັກປົກປ້ອງປະຊາຊົນຂອງຕົນ ແລະກ່າວຕື່ມວ່າ ບໍ່ມີປະເທດໃດທີ່ຈະທົນ ຫຼືເມີນເສີຍຕໍ່ການໂຈມຕີໃສ່ປະຊາຊົນຂອງ ຕົນນັ້ນໄດ້.

ເບິ່ງປະມວນພາບ ສະພາບການໃນອິສຣາແອລ ແລະເຂດກາຊາ
XS
SM
MD
LG