ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທ່ານນາງ Clinton ຢ້ຽມຢາມ ເຄັນຢາ (ສະໄລດ໌)


ລັດຖະມົນຕີການຕ່າງປະເທດ ສະຫະລັດ ອາເມຣິກາ ທ່ານນາງ Hillary Clinton ໄດ້ເດີນທາງມາເຖິງ ເຄົນຢາ ໃນວັນເສົານີ້ ບ່ອນຢຸດແວ່ແຫ່ງສຸດ ທ້າຍໃນການຢ້ຽມຢາມ ອາຟຣິກາ ເປັນເວລາ 11 ວັນ.
ລັດຖະມົນຕີການຕ່າງປະເທດ ສະຫະລັດ ອາເມຣິກາ ທ່ານນາງ Hillary Clinton ໄດ້ເດີນທາງມາເຖິງ ເຄົນຢາ ໃນວັນເສົານີ້ ບ່ອນຢຸດແວ່ແຫ່ງສຸດ ທ້າຍໃນການຢ້ຽມຢາມ ອາຟຣິກາ ເປັນເວລາ 11 ວັນ.

ລັດຖະມົນ​ຕີການ​ຕ່າງປະ​ເທດສະຫະລັດ​ ທ່ານ​ນາງ Hillary Clinton ​ໄດ້​ເດີນທາງໄປເຖິງ
​ເຄັນ​ຢາ ໃນ​ວັນ​ເສົາ​ນີ້ ຊຶ່ງ​ເປັນ​ບ່ອນຢຸດແວ່​ແຫ່ງສຸດ​ທ້າຍ​ຂອງທ່ານນາງ ​ໃນ​ການ​ຢ້ຽ​ມຢາມ
ອາ​ຟຣິກາ ​ເປັນ​ເວລາ 11 ວັນ.

ທ່ານ​ນາງ Clinton ຈະກົດ​ດັນ ​ໃຫ້​ບັນດາ​ຜູ້​ນໍາຂອງເຄັນ​ຢາ ຈັດ​ການ​ເລືອກ​ຕັ້ງ​ຢ່າງ​ເສລີ
​ແລະຍຸດຕິ​ທໍາ​ຂຶ້ນ ຕາມ​ທີ່​ໄດ້​ວາງ​ແຜນ​ຈະ​ຈັດ​ຂຶ້ນໃນ​ທ້າຍ​ປີນັ້ນ. ການ​ເລືອກ​ຕັ້ງ​ທີ່​ເຄັນ​ຢາ
​ໃນ​ປີ 2007 ​ໄດ້ນໍາ​ໄປ​ສູ່​ການ​ກໍ່​ຄວາມ​ຮຸນ​ແຮງ​ຢ່າງແຜ່​ຫລາຍ.

ນອກ​ນີ້​ແລ້ວ ທ່ານ​ນາງ Clinton ຍັງຈະພົບ​ປະກັບ​ບັນດາຜູ້​ນໍາຂອງ​ໂຊ​ມາ​ເລຍ ​ເພື່ອນບ້ານ​
ຂອງ​ເຄັນ​ຢາ​ນັ້ນ ​ເພື່ອ​ຮຽກຮ້ອງໃຫ້ພວກເຂົາ​ເຈົ້າ ປະຕິບັດ​ໃຫ້​ສໍາ​ເລັດ ​ການ​ຫັນປ່ຽນ​ທາງ​
ການ​ເມືອງ​ໄປ​ສູ່​ການຈັດ​ຕັ້ງ​ລັດຖະບານ​ຊຸດ​ໃໝ່​ຂຶ້ນ​ມາ ​ໃຫ້​ທັນ​ກັບ​ກໍາໜົດທີ່​ໄດ້​ວາງ​ໄວ້. ລັດ
ຖະບານ​ໄລຍະ​ຂ້າມ​ຜ່ານ​ແມ່ນ​ຈະ​ພົ້ນ​ຈາກ ຕໍາ​ແໜ່​ງ​ໄປ​ໃນ​ວັນ​ທີ 20 ເດືອນສິງຫານີ້ ​ເວລາ​
ທີ່​ສິດອໍານາດ​ທີ່ອົງການສະຫະ​ປະຊາ​ຊາດມອບ​ໃຫ້ ໝົດ​ກໍານົດ​ລົງ.

ໃນວັນ​ພະຫັດຜ່ານ​ມາ​ນີ້ ຫລັງ​ຈາກ​ທີ່​ໂຊ​ມາ​ເລຍ​ໄດ້​ຮັບ​ຮອງ​ເອົາ​ລັດຖະທໍາ​ມະນູນ ຊົ່ວ​ຕໍ​ຄາວ​
ສະບັບ​ໃໝ່​ນັ້ນ ທ່ານ​ນາງ Clinton ​ໄດ້ຮຽກຮ້ອງ​ໃຫ້​ບັນດາ​ຜູ້​ນໍາ​ໂຊ​ມາ​ເລຍ ໃຫ້ປະຕິບັດ​ວຽກ​
ງານ​ທີ່​ຍັງເຫ​ລື​ອຢູ່​ນັ້ນ “​ໂດຍໄວ​ແລະດ້ວຍ​ຄວາມ​ໂປ່​ງ​ໄສ.” ບັນດາ​ຜູ້​ນໍາ​ໂຊ​ມາ​ເລຍຍັງ​ຈະ​ຕ້ອງ
ໄດ້ເລືອກຕັ້ງ​ເອົາສະມາຊິກ​ສະພາ​ຊຸດ​ ຕໍ່​ໄປ ​ແລະ ປະທານາທິບໍດີ​ຄົນໃໝ່ນໍາ.

​ຂະນະ​ທີ່ຢ້ຽມຢາມຊູ​ດານ​ໃຕ້ໃນ​ວັນ​ສຸກ​ວານ​ນີ້ ທ່ານ​ນາງ Clinton ໄດ້ຮຽກຮ້ອງໃຫ້​ປະ​ເທດ
ນັ້ນ ພ້ອມ​ດ້ວຍ​ເພື່ອນບ້ານຊູ​ດານ ຈົ່ງ​ແກ້​ໄຂການ​ຜິດ​ຖຽງ​ກັນ​ທີ່​ຂົມ​ຂື່ນ ທີ່​ໄດ້​ຜັກ​ດັນ​ໃຫ້​ປະ​
ເທດ​ທັງ​ສອງເກືອບ​ທໍາ​ສົງຄາມກັນ ໃນ​ຕົ້ນ​ປີ​ນີ້.

ໃນ​ວັນ​ສຸກວານ​ນີ້​ເຊ່ນ​ກັນ ລັດຖະມົນຕີ​ຕ່າງປະ​ເທດ​ສະຫະລັດ ໄດ້​ພົບ​ປະ​ກັບປະທານາທິ
ບໍດີ ​ອູການ​ດາ ທ່ານ Yoweri Museveni ຢູ່​ນະຄອນຫລວງ Kampala ​ແລະ ຮຽກຮ້ອງ​
ໃຫ້ ອູ​ການ​ດາ ສືບ​ຕໍ່​ນໍາພາ​ຄວາມ​ພະຍາຍາມ​ໃນ​ການ​ຕາມລ່າໂຕ ພວກ​ນັກ​ລົບ​ຂອງ​ກຸ່ມ
ກະບົດ Lord’s Resistance Army ຢູ່​ພາ​ກກາງອາ​ຟຣິກາ ​ແລະ​ຕໍ່ສູ້​ກັບກຸ່ມກໍ່​ການ​ຮ້າຍ
ມຸສລິ​ມ ​ໃນ​ໂຊ​ມາ​ເລຍ.

ຫລັງ​ຈາກ​ການ​ຢ້ຽ​ມຢາມ​ທີ່​ເຄັນ​ຢາ ທ່ານ​ນາງ Clinton ມີ​ກໍານົດ​ຢ້ຽ​ມຢາມ ປະ​ເທດມາລາ​ວີ ​
ແລະ ອາ​ຟຣິກາ​ໃຕ້ ຕໍ່​ໄປ.

XS
SM
MD
LG