ທ່ານນາງ Hillary Clinton ລັດຖະມົນຕີການຕ່າງປະເທດສະຫະລັດ ກໍາລັງເດີນ
ທາງໄປຈີນ ເພື່ອສົນທະນາຫາລືລະດັບສູງ ຊຶ່ງຄາດວ່າຈະ ໄດ້ຮັບການບົດບັງ ຈາກ
ຄວາມວິຕົກກັງວົນກ່ຽວກັບຊະຕາກໍາຂອງນັກ ເຄື່ອນໄຫວຕາບອດ ທີ່ໄດ້ຫລົບໜີ
ຈາກການກັກບໍລິເວນໃຫ້ຢູ່ໃນເຮືອນ ແລະມີລາຍງານວ່າ ຜູ້ກ່ຽວໄດ້ຢູ່ໃນຄວາມຄຸ້ມ
ຄອງຂອງສະຫະລັດແລ້ວ
ທ່ານນາງ Clinton ບໍ່ໄດ້ໃຫ້ຄວາມເຫັນໃດໆກ່ຽວກັບເລື່ອງຂອງທ່ານ Chen
Guangcheng ກ່ອນອອກເດີນທາງຈາກກຸງວໍຊິງຕັນໃນຕອນ ແລງວັນຈັນວານນີ້.
ແຕ່ທ່ານນາງໄດ້ກ່າວຕໍ່ບັນດານັກຂ່າວວ່າ ເລື່ອງສິດ ທິມະນຸດກໍຈະຖືກຍົກຂຶ້ນມາຫາ
ລືກັນ ໃນການເຈລະຈາຄັ້ງນີ້.
ໃນຕອນເຊົ້າຂອງວັນຈັນວານນີ້ ປະທານາທິບໍດີ ບາຣັກ ໂອບາມາ ກໍ່ໄດ້ປະຕິເສດຕໍ່
ຄໍາຖາມເຊ່ນດຽວກັນ ກ່ຽວກັບວ່າທ່ານ Chen ຢູ່ໃສແທ້ ຊຶ່ງມີຂ່າວລືວ່າ ທ່ານໄດ້
ໂຕນໜີເຂົ້າໄປຢູ່ ສະຖານທູດສະຫະລັດ ໃນ ກຸງປັກກິ່ງ.
ທ່ານໂອບາມາກ່າວວ່າ “ທີ່ຈິງແລ້ວ ຂ້າພະເຈົ້າກໍໄດ້ຍິນຂ່າວກ່ຽວກັບສະຖານະການ
ໃນປະເທດຈີນ. ແຕ່ວ່າຂ້າພະເຈົ້າຈະບໍ່ໃຫ້ຄວາມເຫັນໃດໆຕໍ່ເລື້ອງດັ່ງກ່າວ. ສິ່ງທີ່ຂ້າ
ພະເຈົ້າຢາກເນັ້ນໜັກເຖິງນັ້ນກໍຄືທຸກໆ ຄັ້ງທີ່ເຮົາພົບພໍ້ກັນກັບຈີນ ເລື້ອງສິດທິມະນຸດ
ແມ່ນມີການຫາລືກັນ.”
ທ່ານ Kurt Cambell ນັກການທູດຂັ້ນສູງຂອງສະຫະລັດຮັບຜິດຊອບ ກ່ຽວກັບເອ
ເຊຍຕາເວັນອອກ ໄດ້ເດີນທາງໄປເຖິງປັກກິ່ງ ໃນວັນອາທິດຜ່ານມາແລະຄາດວ່າຈະ
ໄດ້ສົນທະນາກັນກັບພວກເຈົ້າໜ້າທີ່ຈີນກ່ຽວກັບ ເລື່ອງທ່ານ Chen ກ່ອນໜ້າກອງ
ປະຊຸມປະຈໍາປີ ວ່າດ້ວຍຍຸດທະສາດ ແລະການສົນທະນາຫາລືດ້ານເສດຖະກິດທີ່
ຈະເລີ້ມຂຶ້ນໃນວັນພະຫັດນີ້.
ທ່ານ Bob Fu ແມ່ນຫົວໜ້າຫ້ອງກຸ່ມປົກປ້ອງສິດທິມະນຸດ China Aid ທີ່ມີສຳນັກ
ງານຢູ່ສະຫະລັດ ຊຶ່ງເປັນແຫຼ່ງຂ່າວທີ່ສຳຄັນກ່ຽວກັບ ເລື່ອງຂອງທ່ານ Chen. ທ່ານ
Fu ກ່າວໃນວັນຈັນວານນີ້ວ່າ ເຈົ້າໜ້າທີ່ສະຫະລັດແລະຈີນ ກຳລັງດຳເນີນງານຫາ
ທາງຕົກລົງກັນ ເພື່ອອະນຸຍາດໃຫ້ທ່ານ Chen ໜີມາຢູ່ສະຫະລັດ ພ້ອມດ້ວຍຄອບ
ຄົວຂອງລາວ.