ລິ້ງ ສຳຫລັບເຂົ້າຫາ

ສຫລ ວ່າ ຈີນຍິນດີ ທີ່ຈະເຈລະຈາ ເພື່ອແກ້ໄຂ ຂໍ້ຂັດແຍ່ງ ໃນທະເລຈີນໃຕ້

  • ດຣ. ສິມມາລາ

ທ່ານນາງ ຮິລແລຣີ ຄຼິນຕັນລັດຖະມົນຕີການຕ່າງປະເທດ ແລະຄູ່ຕໍາແໜ່ງຂອງທ່ານນາງຈາກຈີນ ທ່ານ Yang Jiechi ຈັບມື ກັນແລະຖ່າຍຮູບຮ່ວມກັນກ່ອນການພົບປະໂອ້ລົມກັນ ນອກກອງປະຊຸມ ຂອງອາຊ່ຽນ

ບັນດາເຈົ້າໜ້າທີ່ສະຫະລັດເວົ້າວ່າ ຈີນອາດກະກຽມທີ່ຈະພົບປະສົນທະນາກັບປະເທດ ເພື່ອນບ້ານຂອງຕົນກ່ຽວກັບກົດປະພຶດ ເພື່ອແກ້ໄຂຂໍ້ຂັດແຍ່ງ ເລື້ອງເຂດນໍ້າແດນດິນ
ໃນທະເລຈີນໃຕ້.

ໃນວັນພະຫັດມື້ນີ້ ທີ່ກໍາປູ​ເຈຍ ທ່ານ​ນາງ ຮິ​ລ​ແລ​ຣີ ຄຼິນຕັນ ໄດ້ຈັດການ ພົບປະໂອ້ລົມກັບ ລັດຖະມົນຕີການຕ່າງປະເທດຈີນ ທ່ານ Yang Jiechi ທີ່ພວກເຈົ້າໜ້າທີ່ສະຫະລັດເວົ້າວ່າ ໄດ້ສົ່ງສັນຍານຢ່າງລະມັດລະວັງ ໃຫ້ເຫັນເຖິງຄວາມຍິນດີຂອງປະເທດທ່ານ ໃນການເຂົ້າ
ຮ່ວມການເຈລະຈາ ຕ່າງໆ. ການພົບປະເຈລະຈາດັ່ງກ່າວ ອາດ​ຈະ​ມີ​ຂຶ້ນ ໃນເດືອນກັນຍາຈະ ມາເຖິງນີ້ ກໍ​ເປັນ​ໄດ້.

ທ່ານ​ນາງ ຄຼິນຕັນ ແລະທ່ານ Yang ໄດ້ພົບປະກັນນອກກອງປະຊຸມຂອງ​ສະມາຄົມບັນດາ ປະຊາຊາດ​ໃນ​ເຂດ​ເອ​ເຊຍຕາເວັນອອກສຽງໃຕ້ ຫລື​ອາ​ຊ່ຽນ

ຢູ່ໃນຄໍາປາ​ໄສທີ່ກຽມກ່າວໃນ​ກອງ​ປະຊຸມອາ​ຊ່ຽນນັ້ນ ທ່ານນາງໄດ້ ເນັ້ນໜັກ ເຖິງຄວາມ​
ຈຳ​ເປັນ​ຂອງຂໍ້ຕົກລົງສະບັບ​ນີ້ ກ່ຽວກັບ ຂັ້ນຕອນ ອັນຈະແຈ້ງ ເພື່ອແກ້ໄຂຂໍ້ຂັດແຍ່ງກັນນັ້ນ. ນອກນັ້ນທ່ານນາງຍັງໄດ້ຊຸກຍູ້ໃຫ້ລັດຖະບານ ປະເທດຕ່າງໆ ຊອກ​ຫາ​ຊ່ອງ​ທາງ​ໃນ​ການ​
ດຳ​ເນີນ​ງານຮ່ວມກັນທີ່ເປັນໄປໄດ້ ເພື່ອຈະນໍາໃຊ້ເຂດທະເລ ທີ່ອຸດົມສົມບູນໄປດ້ວຍຊັບພະ ຍາກອນທໍາມະຊາດ ດັ່ງກ່າວ.

ບຣູໄນ, ຈີນ, ມາເລເຊຍ, ຟີລິບປິນ, ໄຕ້ຫວັນ ແລະຫວຽດນາມ ຕ່າງກໍໄດ້ອ້າງເອົາກໍາມະສິດ
ທັງໝົດ ຫລືບໍ່ກໍສ່ວນໃດສ່ວນນຶ່ງຂອງທະເລຈີນໃຕ້ ​ທີ່ມີ ເຂດທີ່ຫາປາອັນກວ້າງ​ໃຫຍ່ ແລະອາດ​ຈະອຸດົມສົມບູນໄປດ້ວຍນໍ້າມັນ ແລະ ອາຍແກັສທໍາມະຊາດ​ນັ້ນ.

XS
SM
MD
LG