ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ພວກລັກລອບ ຄ້າຢາສູບ ອາດພົວພັນ ກັບ ກຸ່ມຫົວຮຸນແຮງ


ຜູ້ບັນຊາການຕໍາຫລວດ ນະຄອນ New York ທ່ານ Ray Kelly ກໍາລັງຖະແຫລງຂ່າວ ຕໍ່ສື່ມວນຊົນ ກ່ຽວກັບ ກຸ່ມຄ້າຢາສຸບເຖື່ອນ.
ຜູ້ບັນຊາການຕໍາຫລວດ ນະຄອນ New York ທ່ານ Ray Kelly ກໍາລັງຖະແຫລງຂ່າວ ຕໍ່ສື່ມວນຊົນ ກ່ຽວກັບ ກຸ່ມຄ້າຢາສຸບເຖື່ອນ.
ບັນດາ​ເຈົ້າ​ໜ້າ​ທີ່​ໃນນະຄອນ​ນິວ​ຢອກ ​ໄດ້​ຈັບ​ພວກ​ຜູ້​ຊາຍ 15
ຄົນ​ທີ່​ຖືກ​ກ່າວ​ຫາ​ວ່າ ​ເປັນ​ກຸ່ມລັກ​ລອບ​ຄ້າ​ຢາ​ສູບ​ເຖື່ອນ ​ແລະ
​ກ່າວ​ວ່າ ຜູ້​ຕ້ອງ​ຫາ​ຈໍານວນ​ນຶ່ງອາດ​ ຈະ​ມີ​ຄວາມ​ສຳພັນ​ກັບ​ກຸ່​ມ
ຫົວ​ຮຸນ​ແຮງອິສລາ​ມ.

ພວກ​ເຈົ້າ​ໜ້າ​ທີ່​ ກ່າວ​ໃນ​ວັນ​ພະຫັດ​ວານ​ນີ້​ວ່າ ຜູ້​ຕ້ອງ​ສົງໄສ​ຖືກ​
ກ່າວ​ຫາລັກ​ລອບ ຢາສູບ​ຫລາຍ​ກວ່າ​ນຶ່ງ​ລ້ານ​ຕຸ​ດ ​ຈາກລັດ​ເວີ​ຈີ
​ເນຍ ໄປ​ຍັງນະຄອນ​ນິວຢອກ ​ໂດຍ ຫລີກ​ລ່ຽງການ​ເສຍ​ພາສີ​ ​
ໃຫ້​ແກ່ທັງເມືອງ​ ​ແລະ​ລັດ.

​ເຂົາ​ເຈົ້າກ່າວ​ວ່າ ​ເຖິງ​ແມ່ນ​ວ່າ​ການ​ລັກລອບ​ຄ້າຂາຍ​ນີ້ມີ​ຜົນ​ກໍາ
​ໄລ​ຢ່າງ​ງາມ​ ແຕ່ ຜູ້​ຕ້ອງ​ສົງໄສ​ກໍພາກັນ​ຢູ່​ແບບ​ທໍາ​ມະ​ດາ ​ຈຶ່ງ​ພາ
ໃຫ້​ມີ​ຄວາມ​ສົງໄສ​ວ່າ ​ເຂົາ​ເຈົ້າ​ໄດ້​ສົ່ງ​ເງິນ​ໄປ​ບ່ອນໃດ​ບ່ອນ​ນຶ່ງ.

ເຈົ້າ​ໜ້າ​ທີ່​ຍັງ​ກ່າວ​ອີກ​ວ່າ ຜູ້​ຕ້ອງ​ສົງໄສ​ຄົນ​ນຶ່ງ ມີ​ຄວາມ​ສຳພັນກັບ
ອາຈານສອນ ສາດສະໜາ​ອິສລາມຕາບອດທີ່​ຊ່ວຍ​ວາງ​ແຜນ​ໃນ
​ການວາງລະ​ເບີດ​ໃສ່ຕຶກ​ສູນກາງການຄ້າໂລກ​ທີ່ນະຄອນ​ນິວຢອກ ​
ໃນ​ປີ 1993. ສ່ວນຜູ້​ຕ້ອງ​ສົງໄສ​ອີກ​ຄົນ​ນຶ່ງກໍ ພົວພັນ​ກັບ​ຊາວ​ຕ່າງ​ດ້າວ​ເລ​ບາ​ນອນ ທີ່​ຖືກຕິ​ດຄຸກ​ໃນ​ການ​ສັງຫານນັກຮຽນຊາວ ​ຢິວ ​ທີ່ເມຶ​ອງ Brooklyn ​ໃນ​ປີ 1994.

​ເຈົ້າ​ໜ້າ​ທີ່​ສືບສວນກ່າວ​ວ່າ ​ເຂົາ​ເຈົ້າ​ກໍາ​ລັງ​ເຮັດ​ວຽກ​ຕິດຕາມເບິ່ງເງິນ​ຂາຍ​ຢາສູບ.
XS
SM
MD
LG