ລິ້ງ ສຳຫລັບເຂົ້າຫາ

ທ່ານ Christie ປະກາດສະມັກ ເຂົ້າແຂ່ງຂັນ ເປັນ ປ. ສຫລ ໃນປີ 2016


ຜູປົກຄອງລັດ New Jersey ທ່ານ Chris Christie ປະກາດ ເຂົ້າແຂ່ງຂັນ ປະທານາທິບໍດີ ສະຫະລັດ ປີ 2016.

ຜູ້​ປົກຄອງ​ລັດ New Jersey ທ່ານ Chris Christie ຈະ​ເຂົ້າ
ຮ່ວມບັນດາ​ຜູ້​ສະມັກເປັນປະທານາທິບໍດີ ຂອງພັກຣີພັບບລີ
ກັນ ​ທີ່​ໜາ​ແໜ້ນ​ຢູ່​ແລ້​ວ ​ເວລາ​ທ່ານ​ປະກາດການ​ສະມັກ​ເລືອກ
​ຕັ້ງ​ເປັນ​ປະທານາທິບໍດີ ຂອງພັກ ໃນປີ 2016 ຢ່າງ​ເປັນ​ທາງ​
ການ​ໃນ​ວັນ​ອັງຄານ​ມື້​ນີ້ ​ຢູ່​ທີ່​ໂຮງຮຽນ​ມັດທະຍົມ ທີ່ທ່ານເຄີຍ
ສຶກ ສາມາກ່ອນ ຢູ່​ເມືອງ Livingston.

ທ່ານ Christie ​ໄດ້​ຖືກ​ເລື​ອກ​ເທຶ່ອທຳ​ອິດໃນ​ປີ 2009 ຢູ່​ໃນ
ລັດ ທີ່ສ່ວນ​ໃຫຍ່​ສັງກັດ​ພັກເດ​ໂມແຄຣັດ​ ​ແລະ​ທ່ານໄດ້​ຮັບ​ຊື່​
ສຽງ ຢູ່ໃນ​ທົ່ວ​ປະ​ເທດ​ຍ້ອນຄວາມ​ກົງ​ໄປ​ກົງ​ມາ​ຂອງທ່ານ ​ແລະ
​ມັກ​ຈະ​ໂຕ້​ຖຽງ​ກັບ​ປະຊາຊົນ ​ແລະ​ບັນດາ​ນັກ​ຂ່າວ​ຢູ່​ໃນກອງ​
ປະຊຸມ​ເມືອງແລະການຖະແຫຼງຂ່າວຕ່າງໆ.ທ່ານ​ໄດ້​ຖືກ​ເລືອກຕັ້ງ​ຄື​ນ​ອີກດ້ວຍຄະແນນ
ສຽງຖ້ວມ​ລົ້ນໃນ​ປີ 2013 ​ແລະ​ໄດ້​ຖືກພິຈາລະນາ​ຢ່າງ​ກວ້າງ​ຂວາງວ່າ ​ເປັນ​ຜູ້ນຳ​ໜ້າໝູ່
ຂອງບັນດາ​ຜູ້​ສະມັກເປັນ ​ປະທານາທິບໍດີຂອງພັກໃນ​ປີ 2016.

ແຕ່​ວ່າຄະແນນນິຍົມທາງ​ການ​ເມືອງ​ຂອງ​ທ່ານ Christie ​ໄດ້​ຄ່ອຍຫລຸດລົງ​ນັບ​ແຕ່​ເກີດ
ເລື້ອໃນອັນ​ທີ່ຮ້ອງວ່າ “Bridgegate” ທີ່ເປັນຂ່າວນອງນັນ ເວລາ​ຜູ້​ຊ່ວຍຂອງ​ທ່ານ
ສາມ​ຄົນ ​ໄດ້​ສັ່ງ​ໃຫ້​ປິດບາງສ່ວນຂອງ​ຂົວ ​ທີ່ມີ​ການ​ສັນຈອນໄປມາຢ່າງ​ໜາ​ແໜ້ນ​ເພື່ອ
ເປັນ​ການ​ຕອບ​ໂຕ້​ຕໍ່ ເຈົ້າຄອງກຳແພງໃນເຂດທ້ອງ​ຖິ່ນ ທີ່​ປະຕິ​ເສດ​ບໍ່ຍອມ​ໃຫ້ການສະ
ໜັບສະໜູນຕໍ່ທ່ານ Christie ໃນການເລື​ອກຕັ້ງ​ເຂົ້າຮັບຕຳແໜ່ງຕື່ມອີກນັ້ນ. ຄະແນນນິ
ຍົມ​ຂອງ​ທ່ານໄດ້​ຫລຸດລົງໃນ​ລັດ New Jersey ​ແລະ​ໂອກາດ​ທີ່ບັນດາ​ຜູ້​ໃຫ້​ເງິນສະໜັບ
ສະໜູນການ​ໂຄສະນາ​ຫາສຽງ​ລາຍໃຫຍ່ໆໄປ​ສູ່ທຳນຽບຂາວນັ້ນ ແມ່ນໄດ້ພາກັນຕື່ນຕົກ
ໃຈກ່ຽວກັບເຫດການ​ດັ່ງກ່າວນີ້.

XS
SM
MD
LG