ລິ້ງ ສຳຫລັບເຂົ້າຫາ

ຈີນຈະສ້າງດອນຈັນ ໃຫ້ເປັນສູນກາງເມືອງ ທັນສະໄໝ ຂອງວຽງຈັນ

  • ຊົງຣິດ ໂພນເງິນ

ເຮືອບິນ MA-60 ທີ່ລາວເຊັນສັນຍາ ຊື້ຈາກຈີນ ຈໍານວນ 2 ລໍາ ພາຍໃຕ້ເງິນກູ້ທີ່ບໍ່ມີດອກເບ້ຍ

ບໍລິສັດເອກກະຊົນຈາກຈີນ ລົງທຶນຫຼາຍກວ່າ 600 ລ້ານໂດລາ ເພື່ອກໍ່ສ້າງເມືອງໃໝ່ ທີ່ທັນສະໄໝຢູ່ດອນຈັນ ພາຍໃຕ້ເປົ້າໝາຍເພື່ອພັດທະນາໃຫ້ເປັນເຂດສູນກາງຂອງ ນະຄອນວຽງຈັນພາຍໃນ 8 ປີຕໍ່ໜ້າ.

ບໍລິສັດ CAMCE ຈາກປະເທດຈີນ ໄດ້ຈັດງານເປີດຕົວໂຄງການ Vientiane New
World ຊຶ່ງເປັນໂຄງການລົງທຶນໃນມູນຄ່າລວມຫຼາຍກວ່າ 600 ລ້ານໂດລາ ຢ່າງເປັນ
ທາງການເມື່ອອາທິດທີ່ຜ່ານມາ ໂດຍມີທ່ານທອງລຸນ ສິສຸລິດ ຮອງນາຍຍົກລັດຖະມົນ
ຕີ ແລະລັດຖະມົນຕີວ່າການຕ່າງປະເທດ ພ້ອມດ້ວຍລັດຖະມົນຕີ ແລະເຈົ້າໜ້າທີ່ຂັ້ນ
ສູງຂອງລັດຖະບານລາວອີກຫຼາຍທ່ານ ທີ່ໄດ້ເຂົ້າຮ່ວມເປັນກຽດໃນງານຄັ້ງນີ້ດ້ວຍ.

ໂຄງການ Vientiane New World ດັ່ງກ່າວນີ້ ຈະເປັນການພັດທະນາພື້ນທີ່ 46 ເຮັກ
ຕາ ຢູ່ດອນຈັນ ໃຫ້ເປັນເມືອງທີ່ທັນສະໄໝ ແລະເປັນສູນກາງທາງເສດຖະກິດການຄ້າ
ແລະບໍລິການຢ່າງຄົບຊຸດຂອງ ນະຄອນວຽງຈັນພາຍໃນ 6-8 ປີຕໍ່ໜ້າ ຫຼືພາຍໃນປີ
2020 ເປັນຢ່າງຊ້າ.

ບໍລິສັດ CAMCE ຈາກຈີນຈັດງານເປີດຕົວໂຄງການ Vientiane New World ຢ່າງເປັນທາງການໃນກາງເດືອນພຶດສະພາ, 2012 ທີ່ຜ່ານມານີ້
ບໍລິສັດ CAMCE ຈາກຈີນຈັດງານເປີດຕົວໂຄງການ Vientiane New World ຢ່າງເປັນທາງການໃນກາງເດືອນພຶດສະພາ, 2012 ທີ່ຜ່ານມານີ້

ທັ້ງນີ້ໂດຍບໍລິສັດ CAMCE
ຈາກປະເທດຈີນ ກໍ່ໄດ້ຈັດ
ແບ່ງການດໍາເນີນງານໃນ
ໂຄງການອອກເປັນ 3 ສ່ວນ
ດ້ວຍກັນຄືສູນວັດທະນາທໍາ
ແລະທ່ອງທ່ຽວນາໆຊາດ
ສູນກາງທາງທຸລະກິດນາໆ
ຊາດ ແລະເຂດທີ່ຢູ່ອາໄສ
ນາໆຊາດ ໂດຍທັງ 3 ສ່ວນ
ດັ່ງກ່າວນີ້ ຈະຕັ້ງຢູ່ບົນເນື້ອ
ທີ່ລວມກັນທີ່ກວ້າງກວ່າ 7
ແສນຕາແມັດ ຊຶ່ງຈະປະກອບ
ດ້ວຍສູນສັບພະສິນຄ້າ, ໂຮງແຮມ, ໂຮງພາບພະຍົນ, ອາຄານສໍານັກງານ, ອາຄານທີ່ພັກ
ອາໄສ, ບ້ານພັກ, ສູນອາຫານນາໆຊາດ, ຮ້ານຄ້າຕ່າງໆ, ສູນຄວາມບັນເທິງຄົບວົງຈອນ, ແລະທີ່ຖືວ່າເປັນສ່ວນນຶ່ງໃນໂຄງການ ທີ່ໄດ້ລົງມືກໍ່ສ້າງແລ້ວໃນເວລານີ້ກໍ່ຄື ບ້ານພັກຮັບ
ຮອງສໍາລັບຜູ້ນໍາລັດຖະບານ ທີ່ຈະເຂົ້າຮ່ວມກອງປະຊຸມສຸດຍອດເອເຊຍ-ຢູໂຣບ (ASEM)
ຄັ້ງທີ່ 9 ທີ່ລັດຖະບານລາວຈະເປັນເຈົ້າພາບຈັດຂຶ້ນຢ່າງເປັນທາງການໃນວັນທີ່ 5-6 ພະຈິກ
ປີນີ້ ນັ້ນເອງ.

ການກໍ່ສ້າງບ້ານພັກຮັບຮອງແຂກສໍາລັບກອງປະຊຸມສຸດຍອດ ເອເຊຍ -ຢູໂຣບ (ASEM) ຄັ້ງທີ 9 ທີ່ຈະຈັດຂຶ້ນໃນວັນທີເດືອນພະຈິກປີນີ້
ການກໍ່ສ້າງບ້ານພັກຮັບຮອງແຂກສໍາລັບກອງປະຊຸມສຸດຍອດ ເອເຊຍ -ຢູໂຣບ (ASEM) ຄັ້ງທີ 9 ທີ່ຈະຈັດຂຶ້ນໃນວັນທີເດືອນພະຈິກປີນີ້

ໃນປັດຈຸບັນນີ້ ເຖິງແມ່ນວ່າ
ຈີນຈະຖືກຫວຽດນາມແຊງ
ໜ້າຂຶ້ນມາເປັນປະເທດທີ່ມີ
ມູນຄ່າລົງທຶນໃນລາວຫຼາຍ
ທີ່ສຸດເປັນອັນດັບທີ 1 ແລ້ວ
ກໍ່ຕາມ ຫາກແຕ່ວ່າ ຈີນກໍ່
ຍັງມີໂອກາດທີ່ຈະກັບຂຶ້ນ
ໄປເປັນອັນດັບນຶ່ງໄດ້ຄືກັນ
ເນື່ອງຈາກວ່າ ຈີນກໍ່ໄດ້ມີ
ການລົງທຶນໃນລາວເພີ່ມຂຶ້ນ
ຕະຫຼອດເວລາ ດັ່ງທີ່ທ່ານສົມ
ດີ ດວງດີ ລັດຖະມົນຕີວ່າການ
ກະຊວງແຜນການ ແລະການລົງທຶນຂອງລາວ ໄດ້ຖະແຫຼງວ່າ:

“ສໍາລັບການລົງທຶນຂອງ ສປ.ຈີນ ຮອດປັດຈຸບັນນີ້ມີ ມູນຄ່າເຖິງ 3.3 ຕື້ໂດລາ ມີ
742 ໂຄງການ ທີ່ນອນຢູ່ໃນຂະແໜງບໍ່ແຮ່, ອຸດສາຫະກໍາ, ແລະຫັດຖະກໍາ, ກະສິ
ກໍາ, ການບໍລິການ ພະລັງງານໄຟຟ້ານໍ້າຕົກ, ອຸດສະຫະກໍາໄມ້, ອຸດສະຫະກໍາຕັດ
ຫຍິບ ແລະອື່ນໆ ໃນຈໍານວນ 742 ໂຄງການມີ 557 ໂຄງການທີ່ເປັນການລົງທຶນ
ຂອງນັກທຸລະກິດ ສປ.ຈີນ 100%.”

ຍິ່ງໄປກວ່ານັ້ນ ການ​ຮ່ວມ​ມື​ລະຫວ່າງລາວ​ກັບ​ຈີນ​ໄດ້​ມີ​ການພັ​ດທະນາ​ຂຶ້ນ​ໃນ​ທຸກໆດ້ານ.
ໂດຍ​ສະ​ເພາະ​ແມ່ນ​ນັບ​ຈາກ​ປີ 2000 ທີ່​ຜູ້​ນໍາ​ຂອງ​ທັງສອງ​ປະ​ເທດ​ໄດ້​ເລີ່​ມການ​ເດີນທາງ
ຢ້ຽມຢາມ​ກັນ​ຢ່າງເປັນ​ທາງ​ການ​ເປັນ​ຕົ້ນ​ມາ​ນັ້ນ ກໍ່ເປັນ​ການ​ເຮັດໃຫ້​ມີ​ການ​ຕົກລົງ​ໃນຖະ
​ແຫຼງການ​ຮ່ວມ ວ່າ​ດ້ວຍ​ການ​ເປັນ​ຮຸ່ນສ່ວນ​ຍຸດ​ທະ​ສາດ​ໃນ​ການ​ພັດທະນາ​ຮ່ວມ​ກັນ​ຢ່າງ
ຮອບດ້ານ​ເມື່ອ​ປີ 2009 ​ເຊິ່ງ​ເຮັດ​ໃຫ້ການ​ຮ່ວມ​ມື​ລະຫວ່າງ​ສອງ​ປະ​ເທດ​ໄດ້​ຖືກ​ຍົກ​ສູງ​
ຂຶ້ນ​ສູ່​ລະດັບ​ສູງ​ສຸດ​ນັບແຕ່ນັ້ນມາ​ອີກດ້ວຍ.

ການເຊັນສັນຍາສ້າງເມືອງໃໝ່ ທັນສະໄໝ ຢູ່ດອນຈັນ
ການເຊັນສັນຍາສ້າງເມືອງໃໝ່ ທັນສະໄໝ ຢູ່ດອນຈັນ

ປັດຈຸ​ບັນ​ນີ້​ຈີນ​ນັບ​ເປັນ​ປະ​ເທດນຶ່ງທີ່​ໄດ້​ໃຫ້
ການ​ຊ່ວຍເຫຼືອ​ແກ່​ລາວ​ເພີ່ມຫຼາຍຂຶ້ນ​ນັບ​ມື້
​ເຊິ່ງຖ້າ​ນັບ​ຈາກ​ປີ 1990 ຈົນ​ເຖິງ​ທ້າ​ຍປີ
2011 ທີ່ຜ່ານມານັ້ນ ​ກໍ່ປະກົດ​ວ່າ​ລັດຖະ
ບານ​ຈີ​ນ ​ໄດ້​ໃຫ້ການ​ຊ່ວຍ​ເຫຼືອທາງ​ດ້ານ
​ງົບ​ປະມານ​ແກ່​ລັດຖະບານ​ລາວ ​ຄິດ​ເປັນ
​ມູນ​ຄ່າ​ລວມຫຼາຍກວ່າ 3,000 ລ້ານໂດລາ
ແລ້ວ ແລະຫລ້າສຸດກໍມີລາຍງານວ່າ ທາງ
ການຈີນໂດຍທ່ານນາງ ປູ້ ຈຽນກົວ ເອກ
ອັກຄະລັກຖະທູດຈີນ ປະຈໍານະຄອນຫຼວງ
ວຽງຈັນ ກໍໄດ້ລົງນາມໃນສັນຍາໃຫ້ການຊ່ວຍເຫຼືອແກ່ທາງການລາວໃນ 3 ໂຄງການດ້ວຍ
ກັນ ກໍຄືສັນຍາວ່າດ້ວຍການສະໜອງເງິນ ທີ່ບໍ່ມີດອກເບ້ຍສໍາລັບເຊື້ອເຮືອບິນ MA-60
ຈາກຈີນ ຈໍານວນ 2 ລໍາ, ສັນຍາວ່າດ້ວຍການສະໜອງເງິນກູ້ພິເສດ ໃຫ້ກັບກະຊວງປ້ອງ
ກັນຄວາມສະຫງົບ ແລະສັນຍາວ່າດ້ວຍການສະໜອງເງິນກູ້ພິເສດ ສໍາລັບຫັນປ່ຽນຂະ
ແໜງການເງິນຂອງລາວໄປສູ່ທັນຄວາມສະໄໝ.

ສ່ວນໃນດ້ານການຄ້າລະຫວ່າງລາວກັບຈີນ ກໍມີມູນຄ່າລວມ ເກີນ 1,000 ລ້ານໂດລາ
ນັບຈາກປີ 2010 ເປັນຕົ້ນມາ ຊຶ່ງກໍເປັນຜົນມາຈາກການທີ່ກຸ່ມທຸລະກິດຈາກຈີນໄດ້ພາ ກັນຫຼັ່ງໄຫຼເຂົ້າໄປລົງທຶນໃນລາວຫຼາຍຂຶ້ນຢ່າງຕໍ່ເນື່ອງ. ໂດຍສະເພາະໃນຊ່ວງປີ 2000-
2011 ນັ້ນ ກໍ່ປາກົດວ່າກຸ່ມທຸລະກິດຈີນ ໄດ້ເຂົ້າມາລົງທຶນໃນລາວ ຄິດເປັນມູນຄ່າລວມ
ເກືອບເຖິງ 4,000 ລ້ານໂດລາ ແລະເຊື່ອວ່າຈະເພີ້ມຂຶ້ນຕໍ່ໄປຢ່າງບໍ່ຢຸດຢັ້ງອີກດ້ວຍ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG