ລິ້ງ ສຳຫລັບເຂົ້າຫາ

ຈີນ ຈະລົງໂທດ ຢ່າງໜັກ ຕໍ່ພວກຈັດແຈງ ການປະທ້ວງ (ສະໄລດ໌)


ຊາວບ້ານທ້ອງຖິ່ນເຕົ້າໂຮມກັນຢູ່ຕໍ່ໜ້າ ຕຶກໂຮງການລັດຖະບານ ທີ່ເມືອງ Shifang ແຂວງ Sichuan ວັນທີ່ 2, ກໍລະກົດ 2012.

ບັນດາເຈົ້າ​ໜ້າ​ທີ່​ຈີນປະກາດວ່າ ຈະ​ລົງໂທດຢ່າງ​ໜັກ​ຕໍ່​ພວກຈັດຕັ້ງການ​ປະ​ທ້ວງ
​ເປັນ​ເວລາ​ສອງ​ວັນ ​ທີ່​ມີ​ຄວາມ​ເປັນ​ຫ່ວງກັງວົ​ນ ກ່ຽວ​ກັບຜົນ​ສະທ້ອນ ຕໍ່​ສິ່ງ​ແວດ
ລ້ອມ ​ຈາກການສະ​ເໜີ​ຕັ້ງ​ໂຮງງານ​ຜະລິດ​ເຫລັກ​ ຢູ່​ໃນ​ເມືອງ​ຂອງ​ເຂົາ​ເຈົ້າ.

​ເຈົ້າ​ໜ້າ​ທີ່​ກ່າວ​ວ່າ ຄວາມ​ບໍ່​ສະ​ງົບ​ໄດ້​ເກີ​ດຂື້ນ​ ໃນ​ວັນ​ຈັນວານ​ນີ້ ເວລາ​ພວກ​ປະທ້ວງ
​ຫລາຍ​ພັນ​ຄົນ​ ປະ​ທະ​ກັນກັບ​ເຈົ້າ​ໜ້າ​ທີ່​ຕໍາຫລວດ ຢູ່​ນອກ​ຕຶກໂຮງການ​ລັດຖະບານ ​
ທີ່​ເມືອງ Shifang ຊຶ່ງ​ເປັນ​ເມືອງ​ນ້ອຍໆ ​ໃນ​ເຂດ​ພາກ​ກາງຂອງ​ຈີນ​. ​ເຈົ້າ​ໜ້າ​ທີ່​ໄດ້​
ຕອບໂຕ້ດ້ວຍການ​ໃຊ້​ລະ​ເບີດນໍ້າຕາ ​ແລະ​ຮູບ​ພາບທີ່​ນຳ​ອອກ​ເຜີຍ ​ແຜ່​ທາງຕາໜ່າງ
ສະ​ແດງ​ໃຫ້​ເຫັນ​ວ່າຕໍາຫລວດ​ໄດ້​ທຸບ​ຕີພວກ​ປະ​ທ້ວງ​. ​ເຈົ້າ​ໜ້າ​ທີ່​ກ່າວ​ວ່າ 13 ຄົນ​ໄດ້
​ຮັບບາດ​ເຈັບ.

ໃນ​ວັນ​ອັງຄານ​ມື້ນີ້ ຕຳຫຼວດ​ໃນ​ເມືອງ Shifang ​ໄດ້ສັ່ງໃຫ້ພວກ​ຈັດ​ຕັ້ງ​ການ​ປະ​ທ້ວງ
ຈົ່ງ​ພາກັນ​ເຂົ້າມອບ​ໂຕ ໂດຍ​ເວົ້າວ່າ ຜູ້ໃດ​ທີ່ໃຊ້ອິນ​ເຕີ​ແນ​ດຫລື​ສົ່ງຂໍ້ຄວາມທາງ​ໂທລະ
ສັບ​ມື​ຖື ເພື່ອ​ຈັດ “ການ​ປະ​ທ້ວງ​ທີ່​ຜິດ​ກົດໝາຍ" ນັ້ນ ຕ້ອງ​ຢຸດເຊົາ ການ​ເຄື່ອນ​ໄຫວ​
ຂອງ​ເຂົາ​ເຈົ້າໃນທັ​ນທີ.

ລັດຖະບານ​ເມືອງ Shifang ກ່າວ​ໃນ​ວັນ​ຈັນວານ​ນີ້​ວ່າ ຕົນ​ໄດ້ໂຈະ​ການ​ກໍ່ສ້າງ ​ໂຮງ
ງາ​ນຜະລິດ molybdenum ​ແລະ​ທອງ​ແດງ ຊຶ່ງ​ປະຊາ​ຊົນກ່າວ​ວ່າ​ຈະ​ສ້າງ ຄວາມ
​ເປື້ອນ​ເປິະ​ຢ່າງ​ໃຫ່ຍຫລວງ​ໃຫ້​ແກ່​ສິ່ງ​ແວດ​ລ້ອມ.

ການ​ປະ​ທ້ວງ​ໃນ​ເຂດ​ທ້ອງ​ຖິ່ນແບບ​ນີ້​ມັກ​ຈະ​ເກີດຂື້ນ​ຢູ່​ເປັນ​ປົກກະ​ຕິ​ໃນ​ປະ​ເທດຈີນ
ຊຶ່ງ​ພວກເຈົ້າ​ໜ້າ​ທີ່ຂອງ​ເມືອງ​ຕ່າງໆ ໄດ້​ພະຍາຍາມດີ້ນ​ຮົນຫາ​ທາງໃຫ້ມີ​ຄວາມກໍ້າ
ເກິ່ງ ລະຫວ່າງການ​ພັດ​ທະນາຢ່າງ​ວ່ອງ​ໄວ ຢູ່​ໃນ​ເຂດ​ເທດສະບານ ​ແລະ​ຄວາມໂກດ
ແຄ້ນຂອງ​ປະຊາຊົນ​ທີ່​ມີ​ເພີ່ມ​ຂຶ້ນ​ ກ່ຽວ​ກັບໄພ​ຂົ່ມຂູ່​ຕໍ່ສິ່ງ​ແວດ ລ້ອມ.

XS
SM
MD
LG