ລິ້ງ ສຳຫລັບເຂົ້າຫາ

ສື່ມວນຊົນຈີນເຕືອນກ່ຽວກັບ ທູດສະຫະລັດຄົນໃໝ່

  • ສິງ ບູຣົມມະວົງ

ທ່ານ Gary Locke ເອກອັກຄະລັດຖະທູດສະຫະລັດຄົນໃໝ່ປະຈໍາຈີນ ພ້ອມດ້ວຍສະມາຊິກຄອບຄົວ ຖະແຫລງຕໍ່ສື່ມວນຊົນ ຫລັງຈາກເດີນທາງໄປຮອດປັກກິ່ງ, ວັນທີ 15 ສິງຫາ 2011.

ສື່​ມວນ​ຊົນ​ແຫ່ງ​ລັດ​ຂອງ​ຈີນ​ເຕືອນ​ໃນ​ວັນ​ຈັນ​ມື້​ນີ້​ວ່າ ການ​ຕ້ອນຮັບ​ທີ່​ມ່ວນ​ຊື່ນ​ເບີກບານ​ໃຈ​ທີ່ໃຫ້​ແກ່​ເອກ​ອັກຄະ​ລັດຖະທູດ​ຄົນ​ໃໝ່​ຂອງ​ສະຫະລັດ​ປະ​ຈໍາກຸງ​ປັກ​ກິ​ງ ບໍ່​ຄວນ​ຖືກ​ເຂົ້າ​ໃຈ
ຜິດ​ ຄິດ​ວ່າ​ເປັນ​ການ​ແກ້​ໄຂ​ບັນຫາ​ລະຫວ່າງສອງ​ປະ​ເທດ.

ທ່ານ Gary Locke ຊຶ່ງຄົນອະ​ເມຣິກັນ​ເຊື້ອສາຍ​ຈີນ​ຄົນ​ທໍາ​ອິດ ທີ່​ໄດ້ເປັນ​ເອກ​ອັກຄະ​ລັດຖະທູດ​ສະຫະລັດ​ປະ​ຈໍາ​ປະ​ເທດ​ຈີນ ​ໄດ້​ເປັນ​ຂ່າວ​ດັງ​ແລະ​ໄດ້​ຮັບການ​ຕ້ອນຮັບ​ຢ່າງ​ຕື່ນ​ເຕ້ນ​ຈາກສື່​ມວນ​ຊົນຈີນ ​ເວລາ​ທ່ານ​ເດີນທາງ​ໄປ​ຮອດ​ກຸງ​ປັກ​ກິ່ງ​ໃນວັນ​ສຸກ​ຜ່ານ​ມາ​ ໂດຍ​ຫີ້ວຫີບເດີນທາງ​ຂອງ​ທ່ານເອົາ​ເອງ​ ແລະ​ເດີນທາງ​ຈາກ​ສະໜາມ​ບິນ​ໃນ​ລົດ​ເກ໋ງ​ທໍາ​ມະ​ດາ​
ແບ​ບຖ່ອມຕົວ.

ແຕ່​ອົງການ​ຂ່າວ​ຊິນ​ຫົວ​ທາງ​ການ​ຈີນ ທີ່​ໄດ້​ເອີ້ນ​ທ່ານ​ວ່າ ​ຜູ້​ພາຍຖົງ​ເປ້ນັ້ນ ​ໃຫ້​ຂໍ້​ສັງ​ເກດເຖິງ​ບັນຫາ​ຕ່າງໆ​ຈໍານວນ​ນຶ່ງ​ທີ່ປະ​ເຊີນ​ໜ້າ​ທ່ານ Locke ທີ່​ຮວມທັງຄວາມ​ເຄັ່ງ​ຕຶງ​ທາງ​ດ້ານ​ການ​ຄ້າ ສາຍ​ພົວພັນ​ທາງທະຫານ​ແລະ​ເລື້ອງ​ໜີ້​ສິນ​ຂອງ​ສະຫະລັດ​ນັ້ນ. ຊີ​ນຫົວເວົ້າ​ວ່າ ​ພາລະ ກິດຂອງ​ທ່ານ Locke ນັ້ນ ​ແມ່ນຈະ​ໜັກ​ກວ່າຖົງ​ເປ້​ທີ່​ທ່ານ​ຖື​ມາ​ນໍາ​ ເວລາ​ເດີນທາງ​ມາ​ຈີນ​ນັ້ນອີກ.

ໜັງສືພິມ The Global Times ຂອງ​ຈີນ ກໍ​ໃຫ້​ຂໍ້​ສັງ​ເກດ​ເຊ່ນ​ກັນ​ກ່ຽວ​ກັບການ​ເດີນທາງ​
ມາ​ຮອດ​ຈີນ​ແບບ​ຖ່ອມຕົວ​ຂອງ​ທ່ານ Locke ​ແລະ​ບັນລະ​ຍາຍ​ທ່ານ​ວ່າ ອາດ​ຈະ​ເປັນ​ເອກ
ອັກຄະ​ລັດຖະທູດ​ອະ​ເມຣິກັນປະ​ຈໍາປະ​ເທດ​ຈີນ ຜູ້​ທີ່​ມີຄົນຮັບ​ຮູ້​ຫລາຍ​ທີ່​ສຸດ​ໃນ​ປະວັດ​ສາດ.
ແຕ່ໜັງສືພິມ​ສະບັບ​ນີ້​ເວົ້າ​ຕື່ມ​ວ່າ ​ເຊື້ອສາຍ​ຈີນ​ຂອງ​ທ່ານ​ຈະ​ບໍ່ໝາຍຄວາມເຖິງທ່າ​ທີ​ທີ່ອ່ອນ​
ລົງຂອງ​ທ່ານ ​ເວລາ​ເວົ້າ​ເຖິງ​ການ​ປ້ອງ​ກັນ​ຜົນ​ປະ​ໂຫຍ​ດຂອງ​ສະຫະລັດ​ນັ້ນ.

ໃນ​ກອງ​ປະຊຸມ​ນັກ​ຂ່າວ​ທີ່​ກຸງ​ປັກ​ກິ​ງ​ໃນ​ວັນ​ອາທິດ​ວານ​ນີ້ ທ່ານ Locke ໄດ້​ໃຫ້​ຄໍາໜັ້ນສັນຍາ​ວ່າ​ຈະ​ເສີມ​ສ້າງສາ​ຍພົວພັນ​ລະຫວ່າງ​ສອງ​ຝ່າຍ​ໃຫ້ເຂັ້ມ​ແຂງ​ຂຶ້ນ ​ໂດຍ​ກ່າວ​ວ່າ ຄວາມ​ຮ່ວມ
ໄມ້​ຮ່ວມ​ມື​ກັນ​ລະຫວ່າງ​ຈີນ​ກັບສະຫະລັດ​ໃນ​ດ້ານ​ທຸລະ​ກິດ ວິທະຍາສາດ​ແລະ​ດ້ານວິຊາ​ການ
ອາດສາມາດ​ນໍາ​ໄປ​ສູ່ການ​ແກ້​ໄຂ​ກັນ​ໄດ້​ຕໍ່​ຫລາຍ​ບັນຫາ​ທີ່​ກໍາລັງ​ປະ​ເຊີນ​ໜ້າໂລກ​ທັງ​ປວງ​ໃນ
ເວລາ​ນີ້.

ທ່ານ Locke ທີ່​ມີສະມາຊິກ​ຄອບຄົວ​ຂອງ​ທ່ານ​ຢືນ​ອ້ອມ​ຂ້າງ​ ຢູ່ທີ່​ບ້ານພັກ​ທາງ​ການ​ຂອງ​
ທ່ານ​ໃນ​ກຸງ​ປັກ​ກິ່ງ​ນັ້ນ ​ໄດ້​ບອກບັນດາ​ນັກ​ຂ່າວ​ວ່າ ສະຫະລັດ​ກໍາລັງ​ດໍາ​ເນີນ​ງານ​ເພື່ອແກ້​
ໄຂ​ບັນຫາ​ດ້ານການ​ເງິນ​ຂອງ​ຕົນ​ຢູ່. ຈີນ​ເປັນ​ເຈົ້າ​ໜີ້​ລາຍ​ໃຫຍ່​ທີ່​ສຸດ​ຂອງ​ກະຊວງ​ການ​ເງິນ​
ຂອງສະຫະລັດ.

ລາຍຊື່ບັນດາປະເທດທີ່ເປັນເຈົ້າໜີ້ ຖືພັນທະບັດຂອງກະຊວງການເງິນສະຫະລັດ:

WHO WASHINGTON OWES

  • Major holders of U.S. Treasury Securities (in U.S. billions)
    As of May 2011

  • China 1150 - ຈີນ 1,150 ຕື້ໂດລາ
  • Japan 912 ຍີ່ປຸ່ນ 912 ຕື້
  • Britain 347 ອັງກິດ 347 ຕື້
  • Oil Exporters 230 ກຸ່ມປະເທດສົ່ງອອກນໍ້າມັນ 230 ຕື້
  • Brazil 211 ບຣາຊິລ 211 ຕື້
  • Taiwan 153 ໃຕ້ຫວັນ 153 ຕື້
  • Caribbean Banking Centers 148 ສູນກາງທະນາຄານແຄຣິບບຽນ 148 ຕື້
  • Hong Kong 122 ຮົງກົງ 122 ຕື້
  • Russia 115 ຣັດເຊຍ 115 ຕື້
  • Switzerland 108 ສະວິດເຊີແລນດ໌ 108 ຕື້
  • Thailand 60 ໄທ 60 ຕື້
  • Singapore 57 ສິງກະໂປ 57 ຕື້
  • India 41 ອິນເດຍ 41 ຕື້
  • Turkey 39 ເທີກີ 39 ຕື້
  • Ireland 34 ໄອແລນດ໌ 34 ຕື້
  • South Korea 33 ເກົາຫລີໃຕ້ 33 ຕື້
  • Mexico 28 ເມັກຊິໂກ 28 ຕື້
  • Colombia 20 ໂຄລໍາເບຍ 20 ຕື້
  • Chile 19 ຊີເລ 19 ຕື້

    ກຸ່ມປະເທດສົ່ງອອກນໍ້າມັນ ແມ່ນໂຮມທັງ ເອກົວດໍ, ເວເນຊູເອລາ, ອິນໂດເນເຊຍ, ບາເຣນ, ອິຣ່ານ, ອິຣັກ, ຄູເຫວດ, ໂອມານ, ກາຕາ, ຊາອຸດີ ອາເຣເບຍ, ສະຫະລັດດາຣັບ ເອມິເຣດສ໌, ອາລຈີເຣຍ, ກາບອນ, ລີເບຍ, ແລະ ໄນຈີເຣຍ.(Oil exporters include Ecuador, Venezuela, Indonesia, Bahrain, Iran, Iraq, Kuwait, Oman, Qatar, Saudi Arabia, the United Arab Emirates, Algeria, Gabon, Libya, and Nigeria.)

    ສູນກາງທະນາຄານແຄຣິບບຽນ ແມ່ນໂຮມທັງໝູ່ເກາະຕ່າງໆເຫລົ່ານີ້: ບາຣາມັສ, ເບີມິວດາ, ເວີຈິນອັງກິດ, ເຄມັນ. ແອນຕີຂອງເນເທີແລນດ໌ ແລະ ປະເທດປານາມາ. (Caribbean Banking Centers include Bahamas, Bermuda, British Virgin Islands, Cayman Islands, Netherlands Antilles, and Panama.)

    Source: U.S. Department of the Treasury(ແຫລ່ງຂໍ້ມູນ: ກະຊວງການເງິນຂອງສະຫະລັດ)

XS
SM
MD
LG