ລິ້ງ ສຳຫລັບເຂົ້າຫາ

ບໍ່ມີຄວາມກ້າວໜ້າ ທີ່ສຳຄັນ ໃນການເຈລະຈາ ລະຫວ່າງ ສະຫະລັດ ກັບເກົາຫຼີເໜືອ

  • ໄພສານ ວໍຣະຈັກ

ທ່ານ Glyn Davies ທູດພິເສດຂອງສະຫະລັດ ຮັບຜິດຊອບກ່ຽວກັບກິດຈະການເກົາຫຼີເໜືອ (ຂວາ) ກ່າວຕໍ່ ພວກນັກຂ່າວຫຼັງຈາກກັບມາແຕ່ເຈລະຈາກັບຄູ່ຕຳແໜ່ງ ຝ່າຍເກົາຫຼີເໜືອ (23 ກຸມພາ 2012)

ທູດ​ພິ​ເສດ​ຂອງ​ສະຫະລັດກ່າວ​ໃນ​ວັນສຸກ​ມື້ນີ້ວ່າທ່ານ​ໄດ້​ປະສົບ​ຄວາມ​ກ້າວໜ້າ​ພຽງ​ເລັກ​ນ້ອຍ
ໃນ​ການ​ເຈລະຈາ​ກັບ​ເກົາຫຼີ​ເໜືອ ​ເພື່ອ​ເລີ່​ມການ​ປົດ​ອາວຸດ​ນິວເຄຼຍແຕ່ບໍ່ແມ່ນ​ຄວາມ​ກ້າວໜ້າ​
ແບບ​ໃຫຍ່​ຫຼວງ​.

ທ່ານ Glyn Davies ທູດ​ພິ​ເສດ​ຂອງ​ສະຫະລັດຮັບຜິດຊອບ​ກ່ຽວ​ກັບ​ນະ​ໂຍບາຍ​ເກົາຫຼີ​ເໜືອ
ກ່າວ​ຕໍ່​ພວກ​ນັກ​ຂ່າວ​ວ່າ ການ​ເຈລະຈາ​ເປັນ​ເວລາ ​2 ມື້ທີ່​ນະຄອນ​ຫຼວງປັກ​ກິ່ງໄດ້​ກວມ​ລວມ
ທັງເລື່ອງ​ຫ້າມ​ແຜ່ຜາຍ​ອາວຸດ​ນິວ​ເຄລຍ ການຊ່ອຍ​ເຫຼືອທາງ​ດ້ານ​ມະນຸດສະທຳ​ ແລະ​ບັນຫາ​
ອື່ນໆ​ທີ່​ເປັນ​ແກນ​ກາງຂອງ​ຄວາມເຄັ່ງ​ຕຶງ​ຢູ່​ໃນ​ຂົງ​ເຂດ. ​ແຕ່​ແນວ​ໃດ​ກໍ​ຕາມທ່ານ​ເວົ້າວ່າວໍ​ຊິ​ງ
ຕັນ​ແລະປະ​ເທດພັນທະ​ມິດຊຶ່ງ​ມີ​ຍີ່ປຸ່ນ​ແລະ​ເກົາຫຼີ​ໃຕ້ຈຳ​ເປັນ​ຈະ​ຕ້ອງ​ໄດ້​ຊັ່ງຊາ​ຕີ​ລາຄາເບິ່ງ​ອີກ
ໃນສິ່ງ​ທີ່​ ຄະນະ​ເຈລະຈາ​ຂອງ​ເກົາຫຼີ​ເໜືອ ​ໄດ້ແຈ້ງ​ໃຫ້​ທ່ານ​ຊາບໄປນັ້ນ.

ນີ້​ແມ່ນ​ການ​ພົບ​ປະ​ຮອບ​ທີ 3 ລະຫວ່າງ​ສະຫະລັດ​ກັບ​ເກົາຫຼີ​ເໜືອ ນັບ​ແຕ່​ເດືອນກໍລະກົດ​ປີ​
ກາຍ​ນີ້​ເປັນຕົ້ນມາ ​ແຕ່​ເປັນ​ເທື່ອ​ທຳ​ອິດ​ນັບ​ແຕ່​ຜູ້ນຳ​ຄົນ​ໃ​ໝ່ຂອງ​ເກົາຫຼີ​ເໜືອ ທ່ານ​ກິມຈົງ​ອຸນ​
ເຂົ້າຮັບ​ຕຳ​ແໜ່​ງແທນ​ມື້ລາງ​ບິດາ​ຂອງ​ທ່ານ​ໃນ​ທ້າຍ​ປີ​ກາຍນີ້.

ທ່ານ Davies ກ່າວ​ໃນຕົ້ນອາທິດ​ນີ້ວ່າທ່ານ​ມີີກຳລັງ​ໃຈ​ກ່ຽວ​ກັ​ບການ​ທີ່​ພຽງ​ຢາງ​ເຕັມ​ໃຈ​ຈະ
ເປີດ​ການ​ສົນທະນາ​ຫາລື​ກັນ​ຄືນ​ໃໝ່ ​ແລະ​ມີ​ຄວາມ​ກະຕືລືລົ້ນຢາກ​ເຫັນ​ວ່າ ການ​ປ່ຽນ​ແປງ​ຜູ້
ນຳ​ຂອງ​ເກົາຫຼີ​ເໜືອ ມີ​ຜົນ​ແນວ​ໃດ​ຕໍ່​ທ່າ​ທີ​ຂອງປະ​ເທດ​ດັ່ງກ່າວ.

XS
SM
MD
LG