ລິ້ງ ສຳຫລັບເຂົ້າຫາ

ຈີນຮຽກຮ້ອງໃຫ້ສະຫະລັດ ຫລີ້ນບົດບາດອັນສ້າງສັນ ໃນຂົງເຂດເອເຊຍ

  • Stephanie Ho
  • ບົວສະຫວັນ

ລັດຖະມົນຕີກະຊວງການຕ່າງປະເທດສະຫະລັດ ທ່ານນາງ Hillary R. Clinton ຖະແຫລງກ່ຽວກັບການເຂົ້າ ໄປພົວພັນຂອງສະຫະລັດຢູ່ໃນຂົງເຂດເອເຊຍປາຊີຟິກອີກ ເມື່ອວັນທີ 28, 2010 ທີ່ໂຮໂນລູ່ລູ່, ລັດຮາວາຍ, ຊຶ່ງເປັນສິ່ງນຶ່ງທີ່ອົງການຂ່າວຊິນຫົວເວົ້າວ່າ ​ໄດ້​ສ້າງ​ຄວາມ​ຫຍຸ້ງຍາກສັບສົນ​ໃຫ້​ແກ່

ເຈົ້າໜ້າທີ່ຈີນຜູ້ນຶ່ງເວົ້າວ່າ ສະຫະລັດມີອິດທິພົນຕໍ່ຂົງເຂດເອເຊຍຢ່າງ​ໃຫຍ່ຫລວງ ແລະຮຽກ ຮ້ອງໃຫ້ສະຫະລັດດໍາ​ເນີນອັນ​ທີ່​ຜູ້ກ່ຽວ​ເອີ້ນ​ວ່າ ບົດບາດໃນທາງ​ບວກຢູ່ໃນຂົງເຂດດັ່ງກ່າວ.

ອົງການຂ່າວທາງການຈີນລາຍງານວ່າ ຂ່າວນຶ່ງ​ໃນ​ບັນດາ
ຂ່າວຕ່າງປະເທດທີ່​ເດ່​ນໆ​ແຫ່ງ ປີ 2010 ກໍແມ່ນຂ່າວການ
ກັບຄືນມາມີບົດບາດຂອງສະຫະລັດ ຢູ່ໃນຂົງເຂດເອເຊຍປາ
ຊີຟິກອີກ ຊຶ່ງອົງການຂ່າວຊິນຫົວເວົ້າວ່າ ໄດ້​ສ້າງ​ຄວາມ
ຫຍຸ້ງຍາກສັບສົນ​ໃຫ້​ແກ່ສາຍພົວພັນລະຫວ່າງບັນດາປະ
ເທດຢູ່ໃນຂົງ​ເຂດ.

ໃນ​ການຖະແຫລງຂ່າວ​ປະ​ຈໍາ​ວັນ​ເມື່ອວັນພະຫັດແລ້ວນີ້ ໂຄສົກປະຈໍາກະຊວງການຕ່າງປະເທດຈີນ ທ່ານນາງ Jiang Yu ໄດ້ປະຕິເສດທີ່ຈະສະແດງຂໍ້ຄິດເຫັນໂດຍກົງ ກ່ຽວກັບລາຍງານດັ່ງກ່າວຂອງອົງການຂ່າວຊິນຫົວ ​ແຕ່ໄດ້
ຖະແຫລງດັ່ງນີ້:

ໂຄສົກປະຈໍາກະຊວງການຕ່າງປະເທດຈີນ, ທ່ານນາງ Jiang Yu
ໂຄສົກປະຈໍາກະຊວງການຕ່າງປະເທດຈີນ, ທ່ານນາງ Jiang Yu

ທ່ານນາງ Jiang ເວົ້າວ່າ “ຈີນເຊື່ອວ່າສະຫະລັດມີ
ອິດທິພົນຢ່າງ​ໃຫຍ່ຫລາຍ
ຕໍ່ຂົງເຂດເອເຊຍ ແລະຫວັງ
ວ່າສະຫະລັດຈະສາມາດຫລີ້ນ
ບົດບາດແບບທີ່ທ່ານນາງບັນ
ລະ​ຍາຍວ່າ “ມີລັກສະນະ
ສ້າງສັນໃນການພິທັກຮັກສາ
ສັນຕິພາບ ແລະສະເຖຍລະ
ພາບຢູ່ໃນພາກພື້ນ.”

ແຕ່ທ່ານນາງກໍບໍ່ໄດ້ໃຫ້ລາຍລະ
ອຽດກ່ຽວ​ກັບ​ອັນທີ່ຈີນຖືວ່າເປັນ
ແບບສ້າງສັນນັ້ນແມ່ນຄືແນວໃດ
ແທ້.

ລາຍ​ງານຂອງອົງການຂ່າວຊິນຫົວ ທີ່ພິມອອກເຜີຍແຜ່ໃນວັນພະຫັດຜ່ານມານັ້ນ ໄດ້ຊີ້​ໄປ​ໃສ່
ອັນທີ່ຊິນ​ຫົວເອີ້ນວ່າ ການແຊກແຊງເລື້ອຍໆຂອງລັດຖະບານວໍຊິງຕັນ ເຂົ້າໃນກໍລະນີຜິດຖຽງ
ກັນລະຫວ່າງບັນດາປະເທດເອເຊຍ ຊຶ່ງໃນນັ້ນລວມມີ ຄວາມເຄັ່ງຕຶງທີ່ເພີ້ມທະວີຂຶ້ນນັບມື້ລະ
ຫວ່າງເກົາຫລີເໜືອແລະເກົາຫລີໃຕ້, ແລະເລື້ອງໝູ່ເກາະ Diaoyu ຊຶ່ງທັງຈີນແລະຍີ່ປຸ່ນຕ່າງ
ກໍອ້າງເອົາກໍາມະສິດນັ້ນ. ນອກນີ້ ລາຍ​ງານດັ່ງກ່າວຍັງໄດ້​ເວົ້າ​ເຖິງການ​ເຂົ້າ​ພົວພັນຂອງສະ
ຫະລັດໃນກໍລະນີຜິດຖຽງ​ກັນ​ລະຫວ່າງຫລາຍຊາດ ​ເລື້ອງ​ເຂດ​ນໍ້າ​ແດນ​ດິນຢູ່ໃນເຂດທະເລຈີນ
ໃຕ້ນັ້ນ.

ແຜນທີ່ເຂດທະເລຈີນໃຕ້ຊຶ່ງເປັນຂົງ ເຂດນຶ່ງທີ່ຈີນກ່າວວ່າມີການແຊກແຊງ ເລື້ອຍໆຂອງສະຫະລັດເຂົ້າໃນກໍລະນີ ຜິດຖຽງ​ກັນ​ລະຫວ່າງຫລາຍຊາດ ​
ແຜນທີ່ເຂດທະເລຈີນໃຕ້ຊຶ່ງເປັນຂົງ ເຂດນຶ່ງທີ່ຈີນກ່າວວ່າມີການແຊກແຊງ ເລື້ອຍໆຂອງສະຫະລັດເຂົ້າໃນກໍລະນີ ຜິດຖຽງ​ກັນ​ລະຫວ່າງຫລາຍຊາດ ​

ສະຫະລັດໄດ້ເປັນປະເທດທີ່ມີອໍານາດຢູ່
ໃນເຂດເອເຊຍປາຊີຟິກ ມາໄດ້ດົນກວ່າ
ສັດຕະວັດນຶ່ງແລ້ວ ແລະກໍໄດ້ຮັກສາສໍາ
ພັນທະມິດອັນແໜ້ນແກ່ນກັບຫລາຍປະ
ເທດເອເຊຍ ລວມທັງຍີ່ປຸ່ນແລະໄທ.

ໂຄສົກຍິງຂອງລັດຖະບານຈີນທ່ານນີ້
ບໍ່ຍອມເວົ້າກ່ຽວກັບວ່າ ຈະມີການຍົກ
ເອົາບັນຫາການມີໜ້າຂອງສະຫະລັດ
ໃນເອເຊຍ ຂຶ້ນມາສົນທະນາກັນຫລືບໍ່
ໃນເວລາທີ່ປະທານປະເທດຈີນ ທ່ານ
Hu Jintao ໄປຢ້ຽມຢາມສະຫະລັດ
ໃນເດືອນມັງກອນນີ້.

ເຖິງຢ່າງໃດກໍຕາມ ລັດຖະບານປັກກິ່ງ
ກໍໄດ້ກ່າວອອກ​ມາຢ່າງຈະແຈ້ງວ່າ ຕົນບໍ່
ດີໃຈນໍາການຊ້ອງລົບຮ່ວມກັນລະຫວ່າງ
ສະຫະລັດກັບເກົາຫລີໃຕ້ຢູ່ເຂດທະເລເຫລືອງ ແລະວ່າ ຈີນບໍ່ຄິດວ່າສະຫະລັດ ມີບົດບາດ
ອັນໃດໃນກໍລະນີຜິດຖຽງແຍ່ງຊິງດິນແດນກັນໃນເຂດທະເລຈີນໃຕ້ນັ້ນ.

ກໍລະນີຄັດ​ແຍ້​ງກັນອີກອັນນຶ່ງລະຫວ່າງສະຫະລັດ ແລະຈີນ ແມ່ນກ່ຽວຂ້ອງກັບຄຳປະ
ກາດຂອງລັດຖະບານປັກກິ່ງເມື່ອໝໍ່ໆມານີ້ ທີ່ເວົ້າວ່າ ຕົນຈະຫລຸດລົງການສົ່ງອອກແຮ່
ທາດດິນຫາຍາກທີ່ມີຄວາມສໍາຄັນໃນການຜະລິດ ຜະລິດຕະພັນອີເລັກໂທຣນິກຫລາຍໆ
ຢ່າງ ແລະ ໃຊ້ໃນເທັກໂນໂລຈີທີ່ສະອາດ ຫລືບໍ່ມີຜົນກະທົບຕໍ່ສະພາບແວດລ້ອມນັ້ນ.

ການຂຸດຄົ້ນແຮ່ທາດດິນຫາຍາກໃນ ແຂວງ Jiangxi, ຂອງຈີນໃນເດືອນ ຕຸລາ 2010
ການຂຸດຄົ້ນແຮ່ທາດດິນຫາຍາກໃນ ແຂວງ Jiangxi, ຂອງຈີນໃນເດືອນ ຕຸລາ 2010

ຈີນມີປະມານ 1 ສ່ວນ 3 ຂອງບໍ່ແຮ່ທາດ
ດິນຫາຍາກຂອງໂລກ ແຕ່ວ່າຜະລິດແຮ່
ທາດດັ່ງກ່າວ ຫລາຍກວ່າ 90% ຂອງ
ປະລິມານ​ທີ່​ຜະລິດ​ອອກ​ທັງ​ໝົດ​ໃນ​ໂລກ.
ໃນຕົ້ນອາທິດຜ່ານມານີ້ຈີນໄດ້ປະກາດວ່າ
ຈະຫລຸດການສົ່ງອອກແຮ່ທາດດັ່ງກ່າວລົງ
11% ໃນໄລຍະຫົກເດືອນຕົ້ນປີ 2011ນີ້.

ທ່ານນາງ Jiang ເວົ້າວ່າ ຈີນໄດ້ເຮັດໃນ
ສິ່ງທີ່ທ່ານນາງເອີ້ນວ່າ “ເປັນການປະກອບ
ສ່ວນຢ່າງ​ຫລວງຫລາຍ​ ໃນ​ການສະໜອງ
ແລະ​ເຮັດໃຫ້ຕະຫລາດແຮ່ທາດດິນທີ່ຫາ
ຍາກຂອງໂລກ ມີສະເຖຍລະພາບ” ແຕ່ວ່າ
ດຽວນີ້ຈີນຈໍາເປັນຕ້ອງໄດ້ມີການປ່ຽນແປງ
ການປະກອບສ່ວນດັ່ງກ່າວນັ້ນ.

ທ່ານນາງ Jiang ເວົ້າວ່າ “ດຽວນີ້ ຈີນກໍາລັງດໍາເນີນ “ບັນດາມາດຕະການຄຸ້ມ​
ຄອງຕ່າງໆ” ເພື່ອປົກປ້ອງສະພາບແວດລ້ອມແລະແຫລ່ງຊັບພະຍາກອນທີ່
ມີຈໍານວນຈຳກັດອັນນຶ່ງໄວ້
.”

ທ່ານນາງຍັງກ່າວເພີ້ມວ່າ ລັດຖະບານປັກກິ່ງ ເຊື່ອວ່າການເຄື່ອນໄຫວເຫລົ່ານີ້ແມ່ນ
ສອດຄ່ອງກັບລະບຽບການຕ່າງໆ ຂອງອົງການການຄ້າໂລກ. ເມື່ອບໍ່ນານມານີ້ເຈົ້າ
ໜ້າທີ່ສະຫະລັດໄດ້ຂູ່ວ່າຈະນໍາເອົາບັນຫານີ້ຂຶ້ນ​ສະ​ເໜີຕໍ່ອົງການການຄ້າໂລກ.

ໄດ້ມີການຊັກຊ້າລົງຢ່າງມີປະສິດທິຜົນ ​ໃນການສົ່ງອອກແຮ່ທາດດິນຫາຍາກ ຈາກ
ຈີນໄປຍັງຍີ່ປຸ່ນ ໃນປີ 2010 ທີ່ຜ່ານມານັ້ນ ລຸນ​ຫລັງການລະ​ເບີດ​ຂຶ້ນ​ມາ​ໃໝ່ ​ໃນ
ການຜິດຖຽງກັນກ່ຽວກັບໝູ່ເກາະ Diaoyu ທີ່ທັງ​ສອງ​ຝ່າຍ​ຍາດ​ແຍ່ງ​ກັນນັ້ນ.

ໃນວັນພະຫັດຜ່ານມານີ້ ໂຄສົກຍິງຂອງລັດຖະບານຈີນຍັງ​ໄດ້ເວົ້າວ່າ ການພັດທະນາ
ທາງເສດຖະກິດນັ້ນ ໝາຍຄວາມວ່າຄວາມຕ້ອງການແຮ່ທາດດິນທີ່ຫາຍາກໃນຕະຫລາດ
ສາກົນຈະເພີ້ມຂຶ້ນ ແລະທ່ານນາງໄດ້ຮຽກຮ້ອງໃຫ້ປະເທດອື່ນໆພັດທະນາ ແລະຂຸດຄົ້ນ
ບໍ່ແຮ່ທາດດິນຫາຍາກທີ່ພວກ​ເຂົາ​ເຈົ້າມີນັ້ນ.

ບໍລິສັດຂຸດຄົ້ນບໍ່ແຮ່ຫລາຍບໍລິສັດໃນປະເທດອື່ນໆ ໄດ້ປິດກິດຈະການຂຸດຄົ້ນແຮ່ທາດດິນ
ຫາຍາກຂອງພວກ​ເຂົາ​ເຈົ້າລົງໃນໄລຍະ 20 ປີ ຜ່ານມານີ້. ທັງນີ້ ພວກນັກຊ່ຽວຊານເວົ້າ
ວ່າ ກໍເປັນຍ້ອນແຮ່ທາດສົ່ງອອກຂອງຈີນນັ້ນໄດ້ຂາຍໃນລາຄາຕໍ່າກວ່າລາຄາຕະຫລາດຊຶ່ງ
ໄດ້ພັກດັນໃຫ້ພວກເຂົ້າເຈົ້າອອກໄປຈາກຕະຫລາດແຮ່ທາດນີ້.

ແຕ່ມາບັດນີ້ ເນື່ອງຈາກລາຄາຂອງແຮ່ທາດ ດິນຫາຍາກ ກໍາລັງຖີບຕົວສູງຂຶ້ນນັບ​ມື້, ກໍກໍາ
ລັງ​ມີ​ການພັດທະນາ ຫລືຂຸດຄົ້ນບໍ່ແຮ່ດັ່ງກ່າວຫລາຍໆແຫ່ງຢູ່ໃນອອສເຕຣເລຍ, ການາດາ,
ອາຟຣິກາ​ໃຕ້ ແລະ​ໃນສະຫະລັດ.

XS
SM
MD
LG