ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຈີນ ເຕືອນ ອັງກິດ ເລື້ອງອົງດາໄລ ລາມະ


ອົງດາໄລ ລາມະ ພົບປະກັບນາຍົກລັດຖະມົນຕີ David Cameron ແຫ່ງອັງກິດ
ທີ່ກຸງລອນດອນ.
ວັນທີ 15 ພຶດສະພາ 2012.
ອົງດາໄລ ລາມະ ພົບປະກັບນາຍົກລັດຖະມົນຕີ David Cameron ແຫ່ງອັງກິດ ທີ່ກຸງລອນດອນ. ວັນທີ 15 ພຶດສະພາ 2012.

​ໃນ​ວັນ​ພຸດ​ມື້​ນີ້ ສື່​ມວນ​ຊົນ​ທາງ​ການ​ຈີນ​ເຕືອນ​ວ່າ ຈະ​ທໍາ​ການ​ຕອບ​ໂຕ້ທາງ​ການ​ທູດ​ຕໍ່
​ອັງກິດຫຼັງ​ຈາກ​ນາຍົກລັດຖະມົນຕີ David Cameron ທໍາ​ການ​ພົບ​ປະຢ່າງ​ເປັນ​ການ
ສ່ວນ​ຕົວ​ກັບ​ອົງ​ດາ​ໄລລາ​ມະ ທີ່​ກຸງລອນ​ດອນ.

ບົດ​ບັນນາທິການບົດ​ນຶ່ງ​ທີ່​ນຳ​ອອກ​ເຜີຍ​ແຜ່​ໂດຍອົງການ​ຂ່າວ​ຊິນ​ຫົວ​ຂອງທາງ​ການ​ຈີນ
​ເອີ້ນການ​ພົບ​ປະ​ຂອງ​ທ່ານ David Cameron ​ໃນ​ວັນ​ຈັນ​ຜ່ານ​ມາ​ນີ້ວ່າ ​ເປັນ​ເວລາ​ທີ່​
ມືດ​ມົນ​ໃນ​ສາຍ​ພົວພັນ​ລະຫວ່າງ​ຈີນ​ແລະ​ອັງກິດແລະ​ກ່າວ​ຕໍ່​ໄປ​ວ່າມັນ​ເປັນ​ເທົ່າ​ກັບ​ການ​
ເຂົ້າ​ແຊກ​ແຊງ​ຢ່າງ​ໂຈ່ງແຈ້ງ​ໃນ​ກິດຈະການ​ພາຍ​ໃນ​ຂອງ​ຈີນ.

ກຸງ​ປັກ​ກິ່ງ ​ເຄີຍ​ຕໍາ​ໜິຕິຕຽນ​ມາ​ເປັນ​ປະ​ຈໍາ ຕໍ່​ປະ​ເທດ​ໃດ​ກໍ​ຕາມ​ທີ່​ໃຫ້ການ​ຕ້ອນຮັບ​ອົງ
​ດາ​ໄລລາ​ມະຜູ້​ນໍາ​ດ້ານ​ຈິດ​ໃຈ​ຂອງຊາວທິ​ເບ​ດທີ່ລີ້​ໄພ​ຢູ່​ໃນ​ຕ່າງປະ​ເທດ​ນັ້ນ. ຈີນ​ໄດ້
​ກ່າ​ວຫາອົງ​ດາ​ໄລລາ​ມະ​ ມາ​ເປັນ​ເວລາ​ດົນ​ນານ​ແລ້ວ​ວ່າ​ ພະຍາຍາມ​ແຍກ​ທິ​ເບ​ດອອກ
ເປັນ​ເອກ​ກະລາດຈາກ​ຈີນ ຊຶ່ງເປັນ​ການ​ກ່າວ​ຫາ​ທີ່​ອົງ​ດາ​ໄລລາ​ມະ​ປະຕິ​ເສດ​ນັ້ນ.

ໃນ​ວັນ​ພຸດມື້​ນີ້ ໜັງສືພິມ Global Times ຂອງ​ພັກ​ຄອມ​ມີ​ວນິດ​ຈີນ​ຍັງ​ໄດ້​ຮຽກຮ້ອງ
​ໃຫ້​ທໍາ​ການ​ລົງ​ໂທດ​ຕ່າງໆ​ຕໍ່​ອັງກິດແລະ​ສະ​ເໜີ​ແນະ​ໃຫ້​ກຸງ​ປັກ​ກິ່ງ​ຕອບ​ໂຕ້​ ໂດຍ​ໂຈະ​
ການຕິດ​ຕໍ່​ໃນ​ລະດັບ​ສູງ​ກັບ​ອັງກິດ ຕະຫຼອດ​ທັງ​ໂຄງການ​ຮ່ວມ​ມື​ຕ່າງໆ​ທາງ​ດ້ານ​ເສດ
ຖະກິດ​ທີ່​ບໍ່​ເຈາະ​ຈົງ​ຈຳນວນ​ນຶ່ງນໍາ.

​ໃນ​ວັນ​ອັງຄານ​ວານ​ນີ້ ທ່ານ Hong Lei ​ໂຄສົກ​ປະ​ຈໍາ​ກະຊວງ​ການຕ່າງປະ​ເທດ​ຈີນ​
ກ່າວ​ວ່າ ທ່ານ Cameron ​ໄດ້​ເຮັດ​ໃຫ້​ປະຊາຊົນ​ຈີນມີ​ຄວາມ​ຮູ້ສຶກ​ບໍ່ພໍ​ໃຈ ​ໃນ​ການ
​ເດີນ​ໜ້າ​ທໍາ​ການ​ພົບ​ປະກັບ​ອົງ​ດາໄລລາ​ມະ ​ເຖິງ​ແມ່ນ​ປະຊາຊົນ​ຈີນ​ຄັດຄ້ານ​ກໍ​ຕາມ
​ນັ້ນ.

XS
SM
MD
LG