ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ການໄດ້ປຽບທາງການຄ້າຂອງຈີນ


ທະນາຄານກາງຂອງຈີນ
ທະນາຄານກາງຂອງຈີນ

ການໄດ້ປຽບທາງດ້ານການຄ້າຂອງຈີນ ມີຍອດເຖິງ 20 ພັນລ້ານໂດລາໃນເດືອນແລ້ວນີ້ຊຶ່ງເປັນເດືອນທີ 3 ລຽນ ຕິດ ທີ່ການໄດ້ປຽບ ທາງດ້ານການຄ້າຂອງຈີນ ມີຍອດ ເຖິງຈຳນວນດັ່ງກ່າວ.

ລາຍງານສະບັບນຶ່ງທີ່ນຳອອກເຜີຍແຜ່ໂດຍຜະແນກພາສີ ຂອງລັດຖະບານຈີນແຈ້ງວ່າ ໂຕເລກການໄດ້ປຽບ ທາງ ດ້ານການຄ້າໃນເດືອນສິງຫາຂອງຈີນ ໄດ້ຫຼຸດລົງຈາກ 29 ພັນລ້ານໂດລາ ທີ່ໄດ້ມີການປະກາດ ໃນເດືອນກໍລະກົດ. ຜະແນກພາສີຂອງຈີນ ຍັງເວົ້າວ່າ ການນຳເຂົ້າປະຈຳປີ ໄດ້ເພີ້ມຂຶ້ນກາຍ 35% ໃນເດືອນແລ້ວ ສົມທຽບໃສ່ 22.7% ຈາກເດືອນກ່ອນ. ສ່ວນການ ສົ່ງອອກ ແມ່ນຢູ່ໃນລະຫວ່າງ 34% ໃນເດືອນສິງຫາ ໄດ້ຫຼຸດລົງຢ່າງຫຼວງຫຼາຍ ຈາກໂຕ ເລກ 38.1% ຂອງເດືອນກໍລະກົດ.

ນັກເສດຖະສາດ Ben Simpfendorfer ກ່າວວ່າ ໂຕເລກການໄດ້ປຽບທາງດ້ານການຄ້າ ຈຳນວນມະຫາສານຂອງຈີນ ມີທ່າທາງວ່າ ຈະພາໃຫ້ເກີດການບໍ່ລົງຮອຍກັນເພີ້ມຂຶ້ນກັບສະ ຫະລັດ. ສະມາຊິກລັດຖະສະພາສະຫະລັດຫຼາຍໆຄົນ ໄດ້ກ່າວຫາປັກກິ່ງວ່າ ຕັ້ງໃຈທີ່ຈະຮັກ ສາຄ່າເງິນຢວນຂອງຕົນໄວ້ ຕໍ່າກວ່າສະພາບທີ່ເປັນຈິງ ເພື່ອເຮັດໃຫ້ສິນຄ້າຂອງຈີນມີລາຄາ ຖືກຢູ່ໃນຕະຫຼາດໂລກ.

ແຕ່ທ່ານ Ken Peng ນັກເສດຖະສາດອີກຄົນນຶ່ງ ເວົ້າວ່າ ການໄດ້ປຽບ ທາງດ້ານການ ຄ້າຂອງຈີນ ທີ່ຫຼຸດລົງໃນເດືອນສິງຫາ ຜ່ານມານີ້ ແມ່ນໝາຍຄວາມວ່າ ປັກກິ່ງຈະຢືນຢັດ ຢ່າງໜັກແໜ້ນ ກ່ຽວກັບບັນຫາເລື່ອງເງິນຕາ.

XS
SM
MD
LG