ຈີນ ຕັດສິນໂທດ ຊາວທິເບດ ສອງຄົນ ໃນຂໍ້ຫາ ຍຸຍົງໃຫ້ ເຜົາຕົນເອງ

ຈີນໄດ້ຕັດສິນລົງໂທດຊາວທິເບດສອງຄົນໃນຂໍ້ຫາ “ຄາດຕະ
ກໍາໂດຍເຈດຕະນາ” ທີ່ໄດ້ປຸກລະດົມໃຫ້ມີການເຜົາຕົນເອງ ເພື່ອເປັນການປະທ້ວງຕໍ່ການປົກ ຄອງຂອງຈີນ.

ອົງການຂ່າວຊິນຫົວຂອງທາງການຈີນ ເວົ້າວ່າ ທ້າວ Lorang
Konchock ອາຍຸ 40 ປີ ໄດ້ຖືກຕັດສິນປະຫານຊີວິດ ໂດຍໃຫ້
ລໍຖ້າການລົງໂທດ 2 ປີ ຊຶ່ງເປັນການຕັດສິນໂທດທີ່ຕາມປົກ
ກະຕິແລ້ວ ແມ່ນເທົ່າກັນກັບການຈໍາຄຸກ ຕະຫລອດຊີວິດ. ນອກ
ນັ້ນ ສານຢູ່ໃນເຂດເທດສະບານ Aba ຂອງແຂວງ Sichuan ທາງພາກຕາເວັນຕົກສຽງໃຕ້ຂອງປະເທດຍັງໄດ້ຕັດສິນໂທດ
ຫຼານຊາຍຂອງລາວ ທ້າວ Lorang Tsering ອາຍຸ 31 ປີ ໃຫ້
ຈໍາຄຸກ 10 ປີ.

ອົງການຂ່າວຊິນຫົວຍັງເວົ້າອີກວ່າ ຜູ້ຊາຍສອງຄົນ “ໄດ້ປຸກລະ
ດົມແລະບັງ ຄັບ” ໃຫ້ 8 ຄົນ ເອົາໄຟຈູດເຜົາຕົນເອງ ຊຶ່ງອົງການ
ຂ່າວດັ່ງກ່າວເວົ້າວ່າ 3 ຄົນໃນນັ້ນແມ່ນໄດ້ເອົາໄຟເຜົາຕົນເອງ
ແລະເສຍຊີວິດໄປໃນປີ 2012 ໃນຂະ ນະທີ່ຈໍານວນທີ່ເຫລືອ
ນັ້ນ “ໄດ້ ເລີກລົ້ມໂດຍເຈດຕະຕໍ່ແຜນຂອງຕົນ” ຫລືບໍ່ກໍ ໄດ້ຖືກ
ສະກັດກັ້ນໂດຍຕໍາຫລວດ. ມີຊາວ ທິເບດເກືອບຮອດ 100 ຄົນ ໄດ້ເອົາໄຟເຜົາຕົນເອງນັບແຕ່ປີ 2009 ເປັນຕົ້ນມາເພື່ອປະທ້ວງ ຕໍ່ສິ່ງທີ່ພວກເຂົາເຈົ້າເຫັນວ່າ ເປັນການປົກຄອງທີ່ກົດຂີ່ຂູດຮີດ
ຂອງຈີນຢູ່ໃນເຂດຕ່າງໆ ທີ່ຊາວທິເບດອາໄສຢູ່ໃນຈີນ.