ລິ້ງ ສຳຫລັບເຂົ້າຫາ

ຈີນສັ່ງໃຫ້ ຄວບຄຸມ ການໃຊ້ອິນເຕີແນັດ ໃນທິເບດ

  • ໄພສານ ວໍຣະຈັກ

ການເຜົາໂຕເອງປະທ້ວງ ຂອງພວກພະສົງແລະນາງຊີ ໃນທິເບດ

ເຈົ້າໜ້າ​ທີ່​ອະ​ວຸ​ໂສ​ສຸດ​ຂອງ​ຈີນ​ໃນ​ທິ​ເບ​ດ ​ຮຽກຮ້ອງ​ໃຫ້​ພວກ​ເຈົ້າໜ້າ​ທີ່​ທ້ອງ​ຖິ່ນ ຄວບ​ຄຸມ​ການ​
ໃຊ້​ອິນ​ເຕີ​ແນັດ​ແລະ​ໂທລະສັບ​ເຄື່ອນ​ທີ່ ຢູ່​ໃນ​ທິ​ເບ​ດ ຂະນະ​ທີ່​ປັກກິ່ງ​ກະກຽມ​ເປີດ​ກອງ​ປະຊຸມ
ສະພາ​ປະຊາຊົນ​ແຫ່ງ​ຊາດ​ແລະ​ຊາວ​ທິ​ເບ​ດ​ໄວ້ອາ​ໄລ​ໃຫ້​ແກ່​ພວກ​ທີ່​ເສຍ​ຊີວິດ​ໃນ​ການ​ປະ​ທ້ວງ
ຕໍ່ຕ້ານ​ການ​ປົກຄອງ​ຂອງ​ຈີນ.

ໜັງສືພິມທິ​ເບ​ດລາຍ​ວັນ​ຂອງ​ທາງ​ການ​ຈີນ ​ໄດ້​ອ້າງ​ຄຳ​ເວົ້າຂອງ​ທ່ານ Chen Quangguo
ຫົວໜ້າ​ພັກ​ຄອມ​ມູນິສ​ໃນ​ທິ​ເບ​ດ ທີ່​ກ່າວ​ວ່າ ການ​ຮັກສາ​ສະຖຽນ​ລະພາບ ​ຢູ່​ໃນ​ທິ​ເບ​ດ ​ແມ່ນ​
ໝາຍເຖິງ​ທຸກ​ສິ່ງ​ຢ່າງ. ອົງ​ປະກອບ​ທີ່​ພາ​ໃຫ້​ເກີດຄວາມ​ບໍ່​ທຸ່ນ​ທ່ຽງ​ ຈະ​ຕ້ອງ​ຖືກ​ຄວບ​ຄຸມ​ແລະ
ທຸກວຽກ​ງານ​ໃນ​ການ​ຮັກສາ​ສະຖຽນລະ​ພາບ​ຈະ​ຕ້ອງ​ໄດ້​ລົງ​ເລິກ.

ນອກ​ນັ້ນທ່ານ​ຍັງ​ກ່າວ​ວ່າ ກຳລັງ​ຮັກສາ​ຄວາມ​ສະຫງົບ​ຕ້ອງ​ທັບ​ມ້າງ​ກຳລັງ​ທີ່​ເປັນປໍ​ລະ​ປັກ​ນຳ
ພາ​ໂດຍ​ອົງ​ດາ​ໄລລາ​ມະ ຜູ້ນຳ​ທາງ​ດ້ານ​ຈິດ​ໃຈ​ຂອງ​ຊາວ​ທິ​ເບ​ດທີ່​ລີ້​ໄພ​ຢູ່​ໃນ​ຕ່າງປະ​ເທດ ຊຶ່ງ​
ເປັນ​ທີ່​ເຄົາລົບ​ນັບຖືຢ່າງ​ກວ້າງຂວາງ​ຢູ່​ນອກ​ປະ​ເທດ​ຈີນ ຂະນະ​ທີ່​ປັກ​ກິ່ງ​ກ່າວ​ຫາ​ພະ​ອົງ​ວ່າຍຸ
ແຍ່​ໃຫ້​ມີ​ການ​ກໍ່​ກະບົດ​ຢູ່​ໃນ​ເຂດ​ທິ​ເບ​ດນັ້ນ.

ໃນ​ໄລຍະ​ສອງ​ສາມ​ອາທິດ​ຜ່ານ​ມານີ້ ຈີນ​ໄດ້​ສົ່ງ​ທະຫານ​ ແລະ​ຕຳຫຼວດຈຳນວນຫຼາຍພັນ​ຄົນ​
ໄປ​ຍັງ​ເຂດ​ທິ​ເບ​ດ ​ໃນ​ຄວາມ​ພະຍາຍາມ ​ເພື່ອ​ປ້ອງ​ກັນ​ບໍ່​ໃຫ້​ພວກ​ນັກເຄື່ອນ​ໄຫວຊາວ​ທິ​ເບ​ດ
ຈູດ​ເຜົາ​ໂຕ​ເອງຕາຍ ເພື່ອ​ປະ​ທ້ວງ​ການ​ມີໜ້າ​ຂອງ​ຈີນຢູ່​ໃນ​ເຂດດັ່ງກ່າວ.

XS
SM
MD
LG