ລິ້ງ ສຳຫລັບເຂົ້າຫາ

ຈີນ​ຕອບ​ໂຕ້ ຢ່າງ​ແຮງ ຕໍ່​ຄວາມ​ເຫັນ ​ສຫລ ກ່ຽວກັບ ວັນ​ຄົບ​ຮອບ ທຽນ​ອັນ​ເໝິນ (ສະໄລດ໌/ວີດີໂອ)


ຈີນ​ໄດ້​ຕອບ​ໂຕ້ຢ່າງ​ຄຽດ​ແຄ້ນ ຕໍ່​ຄວາມ​ເຫັນຂອງ​ສະຫະລັດ ​
ໃນ​ວັນ​ຄົບ​ຮອບ 25 ປີ​ ຂອງ​ການປາບປາມຢ່າງຮ້າຍແຮງ​ທີ່
ຈະ​ຕຸ​ລັດທຽນ​ອັນ​ເໝິນ.

ທຳນຽບຂາວ ໄດ້​ກ່າວໃນ​ວັນ​ພຸດວານ​ນີ້ວ່າ ຕົນ “ຈະກ່າວຢູ່​
ສະ​ເໝີ ເພື່ອໃຫ້ການ​ສະໜັບສະໜຸນ​ຕໍ່ສິດ​ເສລີພາບຂັ້ນ​
ພື້ນຖານ ທີ່ພວກປະ​ທ້ວງ​ ຢູ່ຈະ​ຕຸ​ລັດ
ທຽນ​ອັນ​ເໝີ​ນ ໄດ້​
ຮຽກຮ້ອງ​ນັ້ນ.”


ນອກນັ້ນ ສະຫະລັດ​ຍັງຮຽກຮ້ອງ​ໃຫ້ປັກ​ກິ່ງ “ໃຫ້ການອະທິ
ບາຍ ກ່ຽວກັບພວກທີ່ຖືກ​ສັງຫານ ຈັບ​ກຸມ ຫຼືຫາຍ​ສາບ​
ສູນ ທີ່ພົວພັນກັບການປາບປາມ ໃນ​ຄັ້ງ​ວັນ​ທີ 4 ມິຖຸນາ ປີ 1989 ນັ້ນ​ນຳ.”


ກະຊວງ​ການ​ຕ່າງປະ​ເທດ​ຂອງ​ຈີນ ກ່າວວ່າ “ຕົນ​ບໍ່ພໍ​ໃຈ​ເປັນ​ຢ່າງ​ຍິ່ງ ຕໍ່​ຖະ​ແຫຼ​ງການ​
ສະ​ບັບນີ້ ທີ່​ໄດ້​ສະ​ແດງ​ອອກເຖິງອັນທີ່​ທາງ​ຈີນ​ເອີ້ນ​ວ່າ ການມອງຂ້າມຫຼືບໍ່ຄຳນຶງ ເຖິງຄວາມ​ເປັນ​ຈິງ​ທັງ​ໝົດ​ນັ້ນເລີຍ.”


​ໃນ​ບົດຂຽນບົດນຶ່ງ​ຂອງ​ອົງການ​ຂ່າວ​ຊິນຫົວ ຂອງທາງ​ການ​ຈີນນັ້ນ ​ໂຄສົກກະຊວງການ ຕ່າງປະເທດຈີນ ທ່ານ Hong Lei ​ກ່າວ​ວ່າ ຈີນ​ “ໄດ້ຍື່ນການສະແດງຄວາມບໍ່ພໍໃຈ
ຢ່າງ ເຄັ່ງຂຶມ”
ຕໍ່ຄວາມ​ເຫັນ​ດັ່ງກ່າວ. ​

ວັນ​ຄົບ​ຮອບການສັງຫານໝູ່ຂອງປັກ​ກິ່ງ ທີ່ຈະຕຸລັດທຽນອັນເໝິນ ໃນວັນ​ພຸດ​ວານ​ນີ້ ​ໄດ້​ຜ່ານ​ໄປແບບງຽບໆ ໃນຈີນ​ ບ່ອນ​ທີ່​ການ​ໂອ້​ລົມ​ສົນທະນາ​ຂອງປະຊາຊົນກ່ຽວກັບເລື່ອງນີ້ ​ແມ່ນໄດ້​ຖືກ​ຫ້າ​ມນັ້ນ.
XS
SM
MD
LG