ຈີນ ກຳລັງທຳການຊ້ອມລົບເປັນລຳດັບມາ ຢູ່ໃນທະເລຈີນໃຕ້
ທີ່ຍັງເປັນ ບັນຫາໂຕ້ຖຽງກັນໃນອາທິດແລ້ວນີ້ ແລະນຶ່ງໃນນັ້ນ
ແມ່ນການຊ້ອມລົບທີ່ໃຊ້ລູກ ປືນແທ້ທີ່ມີກຳປັ່ນລົບຫລາຍກວ່າ
100 ລຳເຂົ້າຮ່ວມ ຮວມທັງຈຳນວນນຶ່ງແມ່ນ ມີຄວາມສາມາດ
ທາງດ້ານນິວເຄລຍນຳດ້ວຍ. Simone Orendain ມີປະຕິກິ
ລິຍາກ່ຽວກັບເລື້ອງນີ້ ຈາກນະຄອນຫຼວງມະນີລາ ຊຶ່ງ
ກິ່ງສະຫວັນ ຈະນຳມາ ສະເໜີທ່ານ.
ໂຄສົກ ກອງທັບຟິລິບປີນ ທ່ານ Restituto Padilla ກ່າວວ່າ ບໍ່
ວ່າປະເທດໃດກໍຕາມມີສິດທີ່ຈະທຳການຊ້ອມລົບທາງທະຫານ
ໂດຍສະເພາະແລ້ວ ຖ້າ ຫາກການຊ້ອມລົບ ມີຂື້ນຢູ່ໃນເຂດນ່ານ
ນຳ້ສາກົນ. ທ່ານກ່າວວ່າ ກອງທັບຟິລິບປີນ “ບໍ່ມີບັນຫາ” ກັບຈີນ ທີ່ທຳການຊ້ອມລົບ.
ທ່ານ Padilla ກ່າວວ່າ “ແຕ່ວ່າ ຈຸດໝາຍຢູ່ທີ່ນີ້ກໍຄື ເຂົາເຈົ້າຄວນຖືກສິດສອນໃຫ້ຮູ້ເຖິງ
ຄວາມໂປ່ງໃສ ກ່ຽວກັບສິ່ງເຫລົ່ານີ້ ເພາະວ່າ ພວກເຮົາພະຍາຍາມທີ່ຈະຫລີກລ່ຽງ. ແລະ
ສິ່ງທີ່ພວກເຮົາພະຍາຍາມ ເຮັດນັ້ນກໍຄື ເພີ້ມການສົນທະນາ ໂອ້ລົມລະຫວ່າງບັນດາ
ກອງທັບທີ່ຢູ່ໃນຂົງເຂດ ເພື່ອຄຳ້ປະກັນວ່າ ພວກເຮົາສາ ມາດຫລີກລ່ຽງຄວາມເຂົ້າໃຈ
ຜິດກັນ.”
ສື່ມວນຊົນຂອງທາງການຈີນ ລາຍງານວ່າ ນອກເໜືອໄປຈາກຈຳນວນກຳປັ່ນລົບທີ່ຫລວງຫລາຍ ຢູ່ໃນການຊ້ອມລົບໃຊ້ລູກປືນແທ້ ທີ່ກຳນົດໃສ່ວັນອັງຄານ ນັ້ນ ຍັງມີເຮືອ
ບິນຫລາຍສິບລຳ ແລະ “ກອງພັນຍິງລູກສອນໄຟ ຈຳນວນນຶ່ງ” ພ້ອມດ້ວຍ “ກຳລັງ
ທະຫານສູ້ລົບ ທີ່ບໍ່ຮູ້ຈຳນວນໜ້ອຍຫຼາຍປານໃດ” ໄດ້ເຂົ້າຮ່ວມນຳ. ແຕ່ລາຍງານບໍ່ໄດ້
ກ່າວວ່າ ການຊ້ອມລົບນັ້ນມີຂື້ນຢູ່ບ່ອນໃດກັນແທ້.
ທ່ານ Padilla ແລະໂຄສົກກະຊວງປ້ອງກັນປະເທດ ກ່າວວ່າ ເຂົາເຈົ້າບໍ່ຮູ້ຈັກກ່ຽວກັບ
ສະຖານທີ່ໃນການຊ້ອມລົບດັ່ງກ່າວ.
ໃນວັນທີ 20 ກໍລະກົດຜ່ານມານີ້ ກະຊວງປ້ອງກັນປະເທດຈີນ ໄດ້ຕິດປະກາດເຕືອນ ກ່ຽວ
ກັບການຊ້ອມລົບທະຫານທາງທະເລຂອງຕົນ. ເຂດທີ່ກຳນົດໄວ້ ຢູ່ໃນຄຳປະກາດ ສະແດງໃຫ້ເຫັນວ່າ ເປັນບໍລິເວນທີ່ຢູ່ທາງພາກຕາເວັນອອກສຽງໃຕ້ຂອງເກາະ Hainan ພາຍໃນ
ລັດສະໝີຂອງໝູ່່ເກາະ Paracel ທີ່ຫວຽດ ນາມໄດ້ອ້າງເອົາກຳມະສິດ ແລະຢູ່ທາງພາກ
ເໜືອຂອງໝູ່ເກາະ Spratly.
ໂຄສົກກະຊວງປ້ອງກັນປະເທດ ທ່ານ Peter Paul Gavez ກ່າວຕໍ່ ວີໂອເອ ຢູ່ໃນຂໍ້
ຄວາມທີ່ສົ່ງມານັ້ນວ່າ ການຊ້ອມລົບ ເປັນໄປດ້ວຍ “ດີ” ເພາະວ່າ ມີຂຶ້ນຢູ່ໃນເຂດນ່ານ
ນາໍ້ສາກົນ. ແຕ່ທ່ານຍັງໄດ້ເວົ້າເຖິງຄວາມເປັນຫ່ວງ ກ່ຽວກັບວ່າ “ຂາດຄວາມໂປ່ງໃສ ແລະຄວາມຈິງໃຈ.”
ທ່ານ Galvez ຊີ້ໄປໃສ່ການກໍ່ສ້າງ ເຈັດເກາະທຽມຢ່າງວອງໄວຂອງຈີນ ຢູ່ ໃນເຂດໝູ່
ເກາະ Sprately ທີ່ຍັງເປັນບັນຫາໂຕ້ຖຽງກັນໃນທະເລ. ຟິລິບປີນ ໄດ້ອ້າງກຳມະສິດ
ເອົາຫົກເກາະດັ່ງກ່າວ ແລະບັນດານັກວິເຄາະ ດ້ານຄວາມ ປອດໄພກ່າວວ່າ ຢ່າງໜ້ອຍ
ນຶ່ງໃນຈຳນວນເກາະທຽມ ທີ່ມີການຖົມດິນໃສ່ນັ້ນ ຈະມີຄວາມສາມາດໃຫ້ເຮືອບິນ ແລະ
ກຳປັ່ນທະຫານໃຊ້ການໄດ້. ການສ້າງເກາະ ທຽມ ໄດ້ກໍ່ໃຫ້ເກີດມີຄວາມເປັນຫ່ວງຢູ່ ວໍຊິງ
ຕັນ ທີ່ໄດ້ຮຽກຮ້ອງໃຫ້ຢຸດເຊົາການ ກໍ່ສ້າງນັ້ນ.
ທ່ານ Galvez ກ່າວວ່າ ຈີນກຳລັງດຳເນີນການ ທີ່ປາດສະຈາກ “ການຄຳນຶງ ເຖິງຜົນກະ
ທົບຕໍ່ບັນດາປະເທດເພື່ອນບ້ານ.”
ທ່ານກ່າວວ່າ “ການກະທຳແບບຮຸກຮານທີ່ຕໍ່ເນື່ອງກັນມານັ້ນ ບັດນີ້ໄດ້ສະແດງ
ໃຫ້ເຫັນເປັນຮູບພາບ ກ່ຽວກັບກິດຈະການເຂົາເຈົ້າທັງໝົດດ້ວຍຄວາມເປັນຫ່ວງ
ແລະ ສົງໄສ.”
ຈີນ ໄດ້ອ້າງກຳມະສິດເອົາທະເລຈີນໃຕ້ເກືອບທັງໝົດ. ຟິລິບປີນ ບຣູນາຍ ມາເລເຊຍ
ໃຕ້ຫວັນ ແລະຫວຽດນາມ ຕ່າງກໍອ້າງເອົາກຳມະສິດກວມກັນຢູ່ໃນເຂດ ທະເລທີ່ອຸດົມສົມ
ບູນໄປດ້ວຍຊັບພະຍາກອນທຳມະຊາດ ທີ່ມີເຮືອຂົນສົ່ງສິນຄ້າຜ່ານໄປມາໃນມູນຄ່າ
ຫຼາຍໆພັນລ້ານໂດລາຕໍ່ປີ.
ເຈົ້າເມືອງຂອງເກາະນ້ອຍເກາະນຶ່ງ ໃນເຂດໝູ່ເກາະ Spratly ທີ່ຟິລິບປີນຄວບຄຸມ ຍັງ
ຮູ້ໜ້ອຍໄປກວ່ານັ້ນອີກ ກ່ຽວກັບການຊ້ອມລົບທີ່ຈະເກີດຂື້ນ. ເຈົ້າເມືອງ Kalayaan
ທ່ານ Eugenio Bito-onon ກ່າວວ່າ ທະເລຈີນໃຕ້ແມ່ນມີເນື້ອທີ່ 3 ລ້ານ 5 ແສນກິໂລແມັດ
ມົນທົນນັ້ນ “ເປັນເຂດທີ່ໃຫຍ່ອີ່ຫລີ.”
“ພວກເຮົາບໍ່ສົນໃຈເລີຍ. ພວກເຮົາບໍ່ເປັນຫ່ວງ ເພາະວ່າພວກເຮົາບໍ່ຮູ້ ຖ້າຫາກວ່າມັນບໍ່ໄດ້ຢູ່ໃນຂ່າວ. ຊີວິດຂອງພວກເຮົາແມ່ນສະຫງົບທີ່ສຸດ. ຊີວິດດຳເນີນໄປຕາມປົກກະຕິ.”
ທ່ານ Bito-onon ໃຫ້ຂໍ້ສັງເກດວ່າ ໂຕຢ່າງ ເກາະ Thitu ທີ່ບໍ່ມີຄົນຢູ່ ຫ່າງຈາກເກາະ Fiery Cross Reef ປະມານ 185 ກິໂລແມັດ ບ່ອນທີ່ຈີນກຳລັງມີໂຄງການກໍ່ສ້າງ ທີ່
ປະກົດວ່າຮວມທັງທາງແລ່ນຂອງເດີ່ນບິນນຳດ້ວຍ. ທ່ານກ່າວວ່າ ຖ້າຫາກວ່າມີຫຍັງເກີດ
ຂື້ນຢູ່ທີ່ນັ້ນ ບໍ່ມີໃຜຢູ່ເກາະ Thitu ຈະຮູ້ກ່ຽວກັບມັນ ນອກຈາກວ່າມັນຢູ່ໃນຂ່າວ. ແລະນອກຈາກນັ້ນ ທ່ານຍັງກ່າວວ່າ ພວກຫາປາ ບໍ່ຄ່ອຍທີ່ຈະຫລົງເຂົ້າໄປ ໃນລັດສະໝີຫ້າ
ກິໂລແມັດຫ່າງຈາກຝັ່ງຂອງເກາະ Thitu.
ທ່ານ Sam Bateman ທີ່ປຶກສາດ້ານໂຄງການຄວາມປອດໄພທາງທະເລ ທີ່ສະຖາບັນ
ສຶກສານາໆຊາດ S. Rajaratnam ໃນສິງກະໂປກ່າວວ່າ ຄວາມຈິງແລ້ວການເຝິກຊ້ອມ
ທີ່ໄດ້ສີ້ນສຸດລົງພຽງແຕ່ມື້ດຽວ ແມ່ນໝາຍຄວາມວ່າ ເຂົາເຈົ້າບໍ່ໄດ້ອອກໄປໄກສູ່ທ້ອງ
ທະເລ.
ທ່ານ Bateman ກ່າວວ່າ ມີບັນຫາ “ຄວາມປອດໄພທີ່ບໍ່ໄປບໍ່ມາ” ຢູ່ໃນທະເລ ຈີນໃຕ້ ໂດຍມີການປະຕິບັດງານ ແລະປະຕິກິລິຍາຕອບໂຕ້ເກີດຂຶ້ນ.
“ພວກເຮົາໄດ້ມີບັນຫາກັບກອງທັບເຮືອສະຫະລັດ ໃນການຊ້ອມລົບກັບຟິລິບປີນຫວ່າງມໍ່ໆມານີ້ ແລະແນ່ນອນເຂົາເຈົ້າ ສາມາດສ້າງຄວາມບໍ່ພໍໃຈແກ່ຈີນ ແລະ ມີ
ທ່າທາງວ່າ ອາດເປັນການທ້າທາຍໃນທຳນອງນີ້ ຊຶ່ງຈະມີປະຕິກິລິຍາຕອບໂຕ້ ຈາກຈີນ ນັທີ່ມີການຊ້ອມລົບຂອງຕົນເອງນັ້ນ."
ໂຄສົກກະຊວງປ້ອງກັນປະເທດຈີນ ກ່າວໃນຕົນອາທິດແລ້ວນີ້ວ່າ ການຊ້ອມລົບ ທີ່ກຳລັງດຳເນີນໄປຢູ່ນັ້ນບໍ່ຄວນຈະຕີຄວາມໝາຍໃຫ້ເກີນຂອບເຂດ.
ທ່ານ Liang Yang ກ່າວ ໂດຍບໍ່ໄດ້ບົ່ງຊື່ສະຫະລັດວ່າ “ປະເທດມະຫາອຳ ນາດບາງປະເທດ ທີ່ຢູ່ນອກຂົງເຂດ ໄດ້ລໍ້” ບັນດາປະເທດຕ່າງໆທີ່ຢູ່ໃນເຂດເຂົ້າມາຮ່ວມການຊ້ອມລົບທາງທະຫານ ໂດຍຖື “ຈີນວ່າເປັນສັດຕູທີ່ຢູ່ໃນຄວາມຝັນ.”
ຈີນ ໄດ້ປະກາດກ່ຽວກັບກຳນົດການຊ້ອມລົບທາງທະຫານອີກເທື່ອນຶ່ງ ທີ່ໄດ້ເລີ້ມໃນວັນເສົາທີ່ຜ່ານມາ ຢູ່ໃນເຂດພາກຕາເວັນອອກຂອງເກາະ Hainan.