ລິ້ງ ສຳຫລັບເຂົ້າຫາ

ທາງການຈີນ ພວມຊອກຫາ ຜູ້ຕ້ອງສົງໄສ 2 ຄົນ ຈາກເຂດ Xinjiang (ສະໄລດ໌/ວີດີໂອ)


ມີ​ລາຍ​ງານ​ວ່າ ຕໍາຫລວດ​ຈີນ ກໍາລັງ​ຊອກ​ຫາ​ຜູ້​ຕ້ອງ​ສົງ​ໄສ​ສອງ
​ຄົນ ຈາກເຂດ Xinjiang ທີ່​ວຸ້ນວາຍ ຫຼັງ​ຈາກ​ລົດ sport utility
​ຄັນນຶ່ງ ໄດ້​ເຂົ້າ​ໄປ​ຕໍາຜູ້​ຄົນຢູ່​ໃນ​ບໍລິ​ເວນ​ຈະຕຸ​ລັດ​ທຽນ​ອັນ​ເໝິນ
​ທີ່​ມີ​ຊື່​ສຽງ​ຂອງ ​ກຸງ​ປັກ​ກິ່ງ ​ແລະ​ລະ​ເບີດຂຶ້ນ​ເປັນແປວໄຟ​ໃນ​ວັນ​
ຈັນ​ວານ​ນີ້ ​ເຮັດ​ໃຫ້​ມີຜູ້ເສຍ​ຊີວິດ​ຫ້າ​ຄົນ ​ແລະ​ໄດ້​ຮັບ​ບາດ​ເຈັບ
ອີກ 38 ຄົນ.

ບໍ່​ເທົ່າ​ໃດຊົ່ວໂມງ​ຫລັງ​ຈາກ​ການ​ໂຈມ​ຕີ ບັນດາໂຮງ​ແຮມ​ທ້ອງ​
ຖິ່ນ​ກ່າວ​ວ່າ ​ເຂົາ​ເຈົ້າ​ໄດ້ຮັບແຈ້ງ​ການ​ຈາກຕໍາຫລວດ​ກຸງ​ປັກ​ກິ່ງ
ວ່າ ​ມີຜູ້​ຕ້ອງ​ສົງ​ໄສ​ສອງ​ຄົນໄປ​ພັກ​ເຊົາ ​ຢູ່​ໂຮງ​ແຮມ​ເຂົາເຈົ້າຫຼືບໍ່
ທີ່​ມີ​ຊື່​ຄ້າຍຄື​ກັນ​ກັບ​ຊື່ ຂອງ​ພວກ​ທີ່​ມາ​ຈາກປະຊາ​ຄົ​ມ​ Uighur​.
ຍັງບໍ່​ເປັນ​ທີ່​ແຈ້ງ​ຂາວເ​ທື່ອ​ວ່າ ຜູ້​ຕ້ອງ​ສົງ​ໄສ ​ແມ່ນ​ຮວມຢູ່​ໃນ​ຈໍາ
ນວນ​ຜູ້​ເສຍ​ຊີວິດ​ 5 ຄົນຫຼື​ບໍ່ ຊຶ່ງສາມຄົນ​ແມ່ນ​ຢູ່​ໃນ​ລົດ ​ແລະອີກ​
ສອງ​ຄົນ ເປັນ​ຄົນ​ຍ່າງ.

ຕໍາຫລວດ​ກ່າວ​ວ່າ ລົດ​ຄັນດັ່ງ​ກ່າວ ​ໄດ້​ແລ່ນ​ຢູ່ໃນຖະໜົນ ​ທີ່​ມີ​
ການ​ສັນ ຈອນ​ໄປມາ​ຢ່າງ​ໜາ​ແໜ້ນ ​ໃກ້​ກັບ​ຈະ​ຕຸ​ລັດ​ທຽນ ອັນ
​ເໝິນ ​ເວລາ​ລົດ​ເຈືອກ​ອອກ​ໄປ​ໃສ່​ທາງ​ຄົນ​ຍ່າງ ​ແລະ​ແລ່ນຕໍາເຂົ້າ​ໄປຕຳ ເຮັດ​ໃຫ້​ເກີດ
​ໄຟ​ໄໝ້ ​ໃກ້ໆ​ຮູບ​ປັ້ນຂອງ​ທ່ານ MaoZedong ຜູ້ນຳ​ທີ່​ຍິ່ງ​ໃຫຍ່​ຂອງ ຈີນ. ບັນດາ​ຜູ້​ເຫັນ​ເຫດການ​ຫລາຍ​ຄົນ​ກ່າວ​ວ່າ ​ເຂົາ​ເຈົ້າ​ໄດ້​ຍິນສຽງ​ລະ​ເບີດ​ດັງ​ ກ່ອນຈະ​ເຫັນ​ຄວັນ ​ແລະ
​ແປວ​ໄຟລຸກ​ຂຶ້ນ.

ບັນດາ​ເຈົ້າ​ໜ້າໄດ້​ໄປ​ເຖິງ​ບ່ອນ​ເກີ​ດ​ເຫດ ບໍ່​ເທົ່າ​ໃດ​ນາ​ທີຫລັງ​ຈາກ​ໄດ້ເກີດ​ເຫດຮ້າຍ​ດັ່ງ
ກ່າວ​ໂດຍ​ໄດ້ຕັ້ງ​ເຄື່ອງ​ກີດຂວາງ​ປ້ອງ​ກັນບໍ່​ໃຫ້​ຄົນ​ເບິ່ງ ​ແລະ​ຍົກຍ້າຍ​ຜູ້​ຄົນອອກ​ຈາກບໍລິ​ເວນທີ່ມີ​ຄວາມ​ຫຼໍ່​ແຫຼມສໍາຄັນນີ້.

ບໍ່​ມີການ​ໃຫ້​ຄວາ​ມ​ເຫັນ​ໃດໆ ກ່ຽວ​ກັບ​ສາ​ເຫດ​ທີ່​ອາດ​ເປັນ​ໄປ​ໄດ້ ​ແລະ​ບັນດາ​ຮູບ​ພາບ​ເຫດຮ້າຍດັ່ງ​ກ່າວໄດ້​ຖືກ​ລຶບ​ຢ່າງ​ໄວ​ວາອອກ​ຈາກເວັບ​ໄຊຂ່າວ Weibo ຂອງ​ຈີນ.

XS
SM
MD
LG