ລິ້ງ ສຳຫລັບເຂົ້າຫາ

ຈີນ ສົ່ງເຮືອບິນຮົບ ໄປເກາະ Woody ທີ່ມີຄວາມຂັດແຍ້ງກັນ ໃນທະເລຈີນໃຕ້


ໜ່ວຍລາດຕະເວນທາງທະເລ ກອງທັບປົດປ່ອຍ ປະຊາຊົນຈີນ ທີ່ເກາະ Woody ໃນໝູ່ເກາະ Paracel ເຂດທະເລຈີນໃຕ້ ເຊິ່ງເປັນທີ່ຮູ້ຈັກກັນ ໃນຊື່ເກາະ Xisha ໃນປະເທດຈີນ. 29 ມັງກອນ, 2016.

ໜ່ວຍລາດຕະເວນທາງທະເລ ກອງທັບປົດປ່ອຍ ປະຊາຊົນຈີນ ທີ່ເກາະ Woody ໃນໝູ່ເກາະ Paracel ເຂດທະເລຈີນໃຕ້ ເຊິ່ງເປັນທີ່ຮູ້ຈັກກັນ ໃນຊື່ເກາະ Xisha ໃນປະເທດຈີນ. 29 ມັງກອນ, 2016.

ປະເທດ ຈີນ ອີກຄັ້ງໜຶ່ງໄດ້ສົ່ງເຮືອບິນຮົບຂອງພວກເຂົາເຈົ້າໄປ ເກາະທີ່ຄວາມຂັດແຍ້ງກັນ, ບ່ອນທີ່ໃນຕົ້ນເດືອນນີ້ ພວກເຂົາເຈົ້າ ໄດ້ສົ່ງລູກ ສອນ​ໄຟທີ່ຍິງຈາກພື້ນດິນສູ່ອາກາດ ແລະ ປະກົດວ່າ ຈະສ້າງລະບົບ ເຣດາ ທີ່ມີຄວາມທັນສະໄໝດ້ວຍ, ອີງຕາມເຈົ້າ ໜ້າທີ່ ສະຫະລັດ.

ບັນດາເຈົ້າໜ້າທີ່ໃນນະຄອນຫຼວງ ວໍຊິງຕັນ ໄດ້ກ່າວຕໍ່ບັນດານັກ ຂ່າວໂດຍບໍ່ຂໍອອກຊື່ ໃນຕອນຄ່ຳຂອງວັນອັງຄານວານນີ້ວ່າເຮືອ ບິນຮົບເກືອບ 10 ລຳ ທີ່ປະກອບດ້ວຍເຮືອບິນ Shenyan J-11 ແລະ ເຮືອບິນ Xian JH-7 ໄດ້ຖືກພົບເຫັນຢູ່ເກາະ Woody ໃນໝູ່ ເກາະParacel ​ໃນ​ເຂດທະເລ ຈີນໃຕ້ ນັ້ນ.

ການວິເຄາະຮູບພາບຖ່າຍຈາກດາວທຽມ ໂດຍບໍລິສັດ ສືບລັບດ້ານພູມ ສາດການເມືອງ Stratfor ສະແດງໃຫ້ເຫັນທີ່ດິນທັງໝົດ, ຕຶກອາຄານ ແລະ ການຂະຫຍາຍທາງການທະຫານໂດຍ ຈີນ ໃນເກາະ Woody ໃນທະເລ ຈີນໃຕ້.

ການວິເຄາະຮູບພາບຖ່າຍຈາກດາວທຽມ ໂດຍບໍລິສັດ ສືບລັບດ້ານພູມ ສາດການເມືອງ Stratfor ສະແດງໃຫ້ເຫັນທີ່ດິນທັງໝົດ, ຕຶກອາຄານ ແລະ ການຂະຫຍາຍທາງການທະຫານໂດຍ ຈີນ ໃນເກາະ Woody ໃນທະເລ ຈີນໃຕ້.

ທູດ ສະຫະລັດ ປະຈຳສະມາຄົມປະຊາຊາດແຫ່ງເອເຊຍຕາເວັນ ອອກ ສຽງໃຕ້ຫຼືອາ​ຊ່ຽນ, ທ່ານນາງ Nina Hachigian ໄດ້ກ່າວຕໍ່ ບັນດານັກຂ່າວໃນວັນພຸດມື້ນີ້ວ່າ “ພວກເຮົາມີຄວາມເປັນຫ່ວງ ຫຼາຍຢ້ານວ່າ ການ ເຄື່ອນໄຫວດັ່ງກ່າວນີ້ແມ່ນກຳລັງເພີ່ມທະວີ ຄວາມເຄັ່ງຕຶງຢູ່ໃນພາກພື້ນ ແລະ ​ເປັນອັນຕະລາຍ.”

ການພົບເຫັນເຮືອບິນຮົບ ມີ​ຂຶ້ນຫຼັງຈາກການຕິດຕັ້ງລູກ​ສອນ​ໄຟທີ່ ຍິງຈາກພື້ນດິນສູ່ອາກາດ HQ-9 ໃສ່ເທິງເກາະທີ່ມີເນື້ອທີ່ 210 ເຮັກຕາ, ທີ່​ຈີນ​ເອີ້ນວ່າເກາະ Yongxing ແລະ ຫວຽດນາມ​ ເຊິ່ງ ພວກເຂົາເຈົ້າກໍໄດ້ອ້າງເອົາກຳມະສິດຂອງເກາະນີ້ເຊັ່ນກັນ ເອີ້ນວ່າ​ເກາະ Phu Lam.

ສະແດງຄວາມເຫັນໃຫ້ເບິ່ງ

XS
SM
MD
LG