ລິ້ງ ສຳຫລັບເຂົ້າຫາ

ຮອງປະທານປະເທດຈີນໄດ້ຖືກ ແຕ່ງຕັ້ງໃຫ້ກໍາຕໍາແໜ່ງສູງ ອີກຕໍາແໜ່ງນຶ່ງ.

  • ສິງ ບູຣົມມະວົງ

ທ່ານຫູຈິນເຖົາ ປະທານປະເທດຈີນ ໂອ້ລົມກັນກັບທ່ານ Xi Jinping ຮອງປະທານປະເທດຈີນ ວັນທີ 18 ຕຸລາ 2010

ສື່​ມວນ​ຊົນຂອງ​ທາງ​ການ​ຈີນ​ກ່າວ​ວ່າ ທ່ານ Xi Jinping ຮອງ​ປະທານ​ປະ​ເທດ​ ໄດ້​ຖືກ​ແຕ່ງ​ຕັ້ງ​ໃຫ້​ເປັນ​ຮອງ​ປະ​ທານ​ຄະນະ​ກໍາມາ​ທິການ​ສູນ​ກາງ​ກອງທັບ ​ທີ່​ມີ​ອໍານາດ​ຫລາຍ​ທີ່​ສຸດ​ຂອງ​ຈີນນັ້ນ ຊຶ່ງ​ເປັນ​ຢືນຢັນ ຖານະ​ຂອງ​ທ່ານວ່າ ມີ​ທ່າ​ທາງ​ຈະ​ໄດ້​ເປັນ​ຜູ້​ຂຶ້ນ​ດໍາລົງ​ຕໍາ​ແໜ່​ງ​ແທນ​ທ່ານ​ຫູ​ຈິນ​ເຖົາ ປະທານ​ປະ​ເທດ​ຄົນ​ປັ​ດຈຸ​ບັນ.

ການ​ເລື່ອນ​ຊັ້ນ​ດັ່ງກ່າວ​ມີ​ຂຶ້ນ​ໃນ​ວັນ​ຈັນ​ມື້​ນີ້ ​ໃນ​ຕອນ​ອັດ​ກອງ​ປະຊຸມປະ​ຈໍາປີ ​ 4 ມື້ ຂອງພັກ​ຄອມ​ມິ​ວນິສ​ຈີນ ທີ່​ນອກ​ນັ້ນແລ້ວ ຍັງໄດ້​ຮັບ​ຜ່ານ​ແຜນການ​ເສດຖະກິດ​ 5 ປີ​ ທີ່ ຮຽກຮ້ອງ​ໃຫ້ບັນລຸການ​ເຕີບ​ໂຕ​ຂອງ​ເສດຖະກິດ​ທີ່​ໄວ​ ​ແຕ່ ໃຫ້​ມີ​ສະຖຽນ​ລະ​ພາບ​ນັ້ນ.

ທ່ານ Xi ​ແມ່ນ​ດໍາ​ເນີນຮອຍ​ຕາມ​ການ​ນໍາພາ​ຂອງ​ປະທານ​ປະ​ເທດ​ຄົນປັດຈຸບັນ​ ນັ້ນ​ກໍ​ຄືການ​ເຂົ້າ​ຮ່ວມ​ໃນ​ຄະນະ​ກໍາມາ​ທິການ​ກອງທັບ ຊຶ່ງ​ພວກ​ທ່ານ​ແມ່ນເປັນພົນລະ​ເຮືອນ​ສອງ​ຄົນ​ເທົ່າ​ນັ້ນ​ ໃນ​ຄະນະ​ກໍາມາ​ທິການ​ດັ່ງກ່າວ. ທ່ານ Xi ​ໄດ້​ເປັນ​ສະມາຊິກ​ຂອງ​ຄະນະ​ກົມ​ການ​ເມືອງ​ສູນ​ກາງພັກ​ ມາ​ຕັ້ງ​ແຕ່​ປີ 2007.ຄາດ​ວ່າ​ທ່ານ​ຫູ​ຈິນ​ເຖົາ​ ຈະລາ​ອອກ​ຈາກ​ຕໍາ​ແໜ່​ງຜູ້​ນໍາ​ພັກ​ໃນ​ປີ 2012.

ແຜນການ​ເສດຖະກິດ​ດັ່ງກ່າວ​ຮຽກຮ້ອງ​ ໃຫ້​ປະ​ເທດ​ດໍາ​ເນີນການ​ປະຕິ​ຮູບ​ໂຄງ​ລ່າງ​ພື້ນຖານ​ດ້ານເສດຖະກິດ​ໄປ​ພ້ອມໆ​ກັບ​ການ​ປະຕິ​ຮູບ​ດ້ານ​ການ​ເມືອງ​ຢ່າງ​ແຂງ​ຂັນ​ແຕ່​ໝັ້ນຄົງ​ນັ້ນ.

ອົງການ​ຂ່າວ​ຊິນ​ຫົວຂອງ​ທາງ​ການ​ຈີນ​ກ່າວ​ວ່າ ​ແຜນການ​ເສດຖະກິດ​ດັ່ງກ່າວ​ຍັງ​ຮຽກຮ້ອງ​ໃຫ້​ທໍາ​ຄວາມ​ພະຍາຍາມ​ຕ່າງ​ໆ​ເພື່ອ​ສົ່ງ​ເສີມ​ລາຍໄດ້​ ແລະ​ກະ​ຕຸ້ນ​ຄວາມ​ຮຽກຮ້ອງ​ຕ້ອງການ​ພາຍ​ໃນ​ປະ​ເທດ​ເຊ່ນ​ກັນ.

XS
SM
MD
LG