ລິ້ງ ສຳຫລັບເຂົ້າຫາ

ເສຍຊີວິດ 21 ຄົນ ໃນເຫດບໍ່ແຮ່ລະເບີດ ໃນພາກໃຕ້ຂອງຈີນ


ສື່​ມວນ​ຊົນ​ຈີນ​ເວົ້າ​ວ່າ ໜ່ວຍ​ກູ້​ໄພໄດ້ປະຕິບັດ​ງານເມື່ອ​ວັນພຸດວານ​ນີ້ ເພື່ອ ​ພະຍາຍາມລົງໄປ​ຊ່ວຍ​ຄົນ​ງານ​ບໍ່​ແຮ່​ຢ່າ​ງໜ້ອຍສີ່​ຄົນ​ທີ່​ຍັງຕົກຄ້າງ ລຸນຫຼັງໄດ້ເກີດ​ເຫດ​ລະ​ເບີດຢູ່​ພາກ ຕາ​ເວັນ​ຕົກ​ສຽງ​ໃຕ້​ຂອງ​ຈີນ ທີ່ເຮັດ​ໃຫ້​ຄົນ​ງານ​ບໍ່​ແຮ່ເສຍ​ຊີ​ວິດ 21 ຄົນ ​ແລະ​ບາດ​ເ​ຈັບ​ອີກຫຼາຍຄົນ​.

ອົງການ​ຂ່າວ​ຊິນ​ຫົວ​ຂອງ​ຈີນ​ເວົ້າ​ວ່າ ສ່ວນ​ໃຫຍ່ຂອງພວກ​ຄົນ​ງານ​ບໍ່​ແຮ່ຈໍານວນ 83 ຄົນ ​ສາມາດຫຼົບໜີ​ອອກ​ມາ​ໄດ້ ລຸນຫຼັງທີ່​ໄດ້​ເກີດ​ເຫ​ດ​ລະ ​ເບີດ​ ທີ່​ແຂວງ Guizhou ​ເມື່ອ​ວັນ​ອັງຄານ​ຜ່ານ​ມາ​ນີ້.

ຫົວໜ້າ​ໜ່ວຍ​ກູ້​ໄພ ​ເວົ້າ​ວ່າ ຍ້ອນລະດັບ​ແກັສພິດ​ຍັງສູງຫຼາຍ ຢູ່ໃນ​ບໍ່​ແຮ່ດັ່ງກ່າວ ຈຶ່ງ​ເຮັດ​ໃຫ້ການ​ປະຕິບັດ​ງານ​ກູ້​ໄພ​ຕ້ອງ​ຊັກ​ຊ້າ.

ອົງການ​ຂ່າວ​ຊິນ​ຫົວ​ເວົ້າ​ວ່າ ​ເຈົ້າໜ້າ​ທີ່​ສາມ​ຄົນ ຢູ່​ທີ່​ບໍ່​ແຮ່ ​ໄດ້​ຖືກ​ຕໍາຫຼວດ ຄວບ​ຄຸມ​ຕົວ​ໄວ້​ແລ້ວ.

ສາ​ເຫດ​ທີ່​ພາ​ໃຫ້​ເກີດ​ລະ​ເບີດ​ຄັ້ງ​ນີ້ ຍັງ​ບໍ່​ທັນ​ຮູ້​ວ່າ​ເປັນ​ຍ້ອນ​ຫຍັງ.
XS
SM
MD
LG