ລິ້ງ ສຳຫລັບເຂົ້າຫາ

ຈີນແລະປະເທດເພື່ອນບ້ານ ຈະທໍາການລາດຕະເວນ ແມ່ນໍ້າຂອງ

  • ທອງປານ ເທບວົງສາ

ເຮືອຂົນສົ່ງສິນຄ້າຂອງຈີນ ທີ່ລ່ອງຂຶ້ນ-ລົງຕາມລໍາແມ່ນໍ້າຂອງ

ພວກ​ເຈົ້າໜ້າ​ທີ່​ຈີນ​ກ່າວ​ວ່າໃນ​ບໍ່​ຊ້າ​ນີ້ ຈີນ​ແລະ​ຫລາຍ​ປະ​ເທດ​ເພື່ອນ​ບ້ານ​ຂອງ​ຕົນ ຈະ
​ເລີ່​ມທໍາ​ການ​ລາດຕະ​ເວນໂດຍ​ກໍາລັງ​ທີ່​ປະກອບ​ອາວຸດ​ຢູ່​ໃນ​ເຂດ​ນຶ່ງ​ຂອງແມ່​ນໍ້າຂອງ
ບ່ອນ​ທີ່ລູກ​ເຮືອ​ຈີນ 13 ຄົນ​ຖືກ​ສັງຫານ​ໂດຍພວກ​ທີ່​ຕ້ອງ​ສົງ​ໃສ​ຄ້າ​ຢາ​ເສບ​ຕິດ.

ສື່​ຂອງ​ລັດ ​ໄດ້​ອ້າງ​ຄໍາ​ເວົ້າຂອງເຈົ້າໜ້າ​ທີ່​ກະຊວງຄວາມ​ປອດ​ໄພ​ສາທາລະນະທ່ານ​ນຶ່ງ ທີ່
ເວົ້າວ່າ ກອງ​ກໍາລັງ​ພິ​ເສດ​ຈະ​ເລີ່ມອອກ​ລາດຕະ​ເວນ​ໃນ​ເດືອນ​ໜ້າ​ນີ້. ພວກ​ນັກ​ບໍລິຫານ
ແລະ​ພວກ​ວິ​ເຄາະ​ດ້ານ​ການ​ຂົນ​ສົ່ງ ພາກັນ ​ເວົ້າ​ເຖິງການຈັດ​ຕັ້ງ​ກອງ​ກໍາລັງພິ​ເສດດັ່ງກ່າວ
ທີ່ປະກອບ​ດ້ວຍ​ກໍ່າປັ່ນ​ຫ້າ​ລໍາ ​ແລະ​ທະຫານ​ປະ​ຈໍາ​ການ​ອີກ​ເກືອບ 1,000 ຄົນນັ້ນ​ວ່າ
ເປັນ​ຂີດ​ໝາຍ ​ສໍາຄັນ​ຂອງ​ຄວາມ​ສໍາພັນ​ຂອງ​ຈີນ​ກັບ​ພວກ​ປະ​ເທດ​ເພື່ອນ​ບ້ານ​ໃນ​ຂົງ​ເຂດ
ເອ​ເຊຍ​ຕາ​ເວັນ​ອອກສຽງ​ໃຕ້​ນັ້ນ.

ຈີນ​ຍັງ​ບໍ່​ໄດ້​ບົ່ງຊື່​ພວກ​ປະ​ເທດ​ອື່ນໆ ​ທີ່​ຈະ​ປະກອບສ່ວນ​ໃນໜ່ວຍກໍາລັງ​ພິເສດ​ນີ້. ​ແຕ່​
ພວກ​ເຈົ້າໜ້າ​ທີ່​ຈາກ​ໄທ ມຽນມາ ​ແລະ​ລາວ ກໍ​ຄືພວກ​ປະ​ເທດ​ທີ່​ມີ​ຊາຍ​ແດນ​ຕິດ​ກັບເຂດ​
ສາມ​ຫລ່ຽມ​ຄໍາ ບ່ອນເກີດ​ເຫດການ​ສັງຫານ ດັ່ງກ່າວ​ນັ້ນ ຕ່າງ​ກໍ​ໄດ້​ເຂົ້າຮ່ວມ​ໃນກອງ​
ປະຊຸມພິ​ເສດ​ວ່າ​ດ້ວຍ​ຄວາມ​ໝັ້ນຄົງ​ຂອງ​ແມ່ນໍ້າຂອງ​ ທີ່​ນະຄອນຫລວງປັກ​ກິ່ງ​ເມື່ອ​ອາທິດ
ຜ່ານ​ມາ​ນີ້.

ການ​ສັນຈອນ​ໄປມາ​ຢູ່​ເຂດ​ເດີນ​ເຮືອ​ທີ່​ສໍາຄັນດັ່ງກ່າວ ​ໄດ້ຢຸດສະ​ງັກ​ລົງ ຫລັງ​ຈາກເຮືອ​ບັນ
ທຸກ​ສິນຄ້າ​ສອງ​ລໍາ​ຂອງ​ຈີນ​ຖືກ​ໂຈມ​ຕີ​ເມື່ອ​ວັນ​ທີ່ 5 ​ເດືອນ​ຕຸລາ ທີ່​ເຂດ​ສາມຫລ່ຽມ​ຄໍາ ຊຶ່ງ​
ເປັນ​ເຂດ​ທີ່​ມີ​ຊື່​ສຽງ​ບໍ່​ດີຍ້ອນ​ເປັນ ບ່ອນລີ້​ຊ່ອນ​ຂອງ​ພວກລັກລອບ​ຄ້າ​ຢາ​ເສບ​ຕິດ​ນັ້ນ.

ເຈົ້າໜ້າ​ທີ່​ໄທ​ໄດ້​ກັກ​ຕົວ​ທະຫານ 9 ຄົນ​ໃນ​ຂໍ້​ຫາ​ຄາດ​ຕະກໍາ​ທີ່​ພົວພັນ​ກັບ​ການ​ໂຈມ​ຕີ​ດັ່ງ
ກ່າວ. ທະຫານ​ທັງ 9 ຄົນ​ທີ່​ຖືກ​ສົງ​ໃສ​ວ່າ​ພົວພັນກັບພວກລັກລອບ​ຄ້າ​ຢາ​ເສບ​ຕິດ ​ແມ່ນ
ປະ​ຈໍາ​ການໃນຢູ່​ເຂດ​ດັ່ງກ່າວ.

ສາມ​ຫລ່ຽມ​ຄໍາ ​ເປັນ​ເຂດ​ທີ່ຢູ່​ໃນ​ເສັ້ນທາງ​ຂອງ​ທາງ​ລົດໄຟ​ຄວາມ​ໄວ​ສູງ​ທີ່ ​ໄດ້​ມີ​ການວາງ
ແຜນ​ໄວ້​ແລ້ວ ທີ່​ຈະ​ເຊື່​ອມ​ໂຍງ​ທາງ​ລົດໄຟ​ຈາກ​ເຂດ​ຕາ​ເວັນ​ອອກສຽງ​ໃຕ້​ຂອງ​ຈີນ ​ໄປ​ຍັງ​
ຫລາຍໆ​ປະ​ເທດ​ໃນ​ຂົງ​ເຂດ ທີ່​ຈະ​ເປັນ​ການ​ກະຕຸກຊຸກຍູ້​ການ​ຄ້າ​ແລະ​ການ​ຮ່ວມ​ມື​ດ້ານ​
ອື່ນໆ​ນັ້ນນໍ​າ.

XS
SM
MD
LG