ຈີນໄດ້ປະກອບພິທີ ເປັນຂີດໝາຍ ວັນໄວ້ອາໄລແຫ່ງຊາດ
ຄັ້ງທະອິດ ໃນໂອກາດ ຄົບຮອບ 77 ປີ ຂອງການສັງຫານ
ໝູ່ ທີ່ເມືອງ Nanjing ຊຶ່ງເປັນເຫດການທີ່ ອ້າງອີງຕາມ
ປັກກິ່ງ ແມ່ນວ່າ ທະຫານຍີ່ປຸ່ນທີ່ຄອບຄອງເມືອງ ໄດ້ສັງ
ຫານ ພົນລະເຮືອນແລະ ພວກທະຫານທີ່ບໍ່ມີອາວຸດ ປະ
ມານ 300,000 ຄົນ ແລະ ຂົ່ມຂືນຜູ້ຍິງ ປະມານ
20,000 ຄົນ.
ໃນຄຳຖະແຫລງໃນວັນເສົາມື້ນີ້ ຢູ່ Nanjing ເມືອງຫລວງ
ເກົ່າຂອງຈີນນັ້ນ ປະທານປະເທດຈີນ ທ່ານ Xi Jinping
ໄດ້ກ່າວຕໍ່ຝູງຊົນທີ່ເຂົ້າຮ່ວມ ຊຶ່ງມີຮວມທັງ ພວກທະຫານ
ນັກສຶກສາ ແລະບັນດາຜູ້ລອດຊີວິດຈາກການຄາດຕະກຳໝູ່ ເມື່ອເດືອນທັນວາ ປີ 1937
ນັ້ນ ວ່າຈຸດປະສົງຂອງພິທີນີ້ ກໍແມ່ນເພື່ອ “ປຸກຄວາມຮູ້ສຶກຂອງທຸກໆຄົນ ໃຫ້ມີຄວາມ
ປາດຖະໜາໂຫຍຫາ ແລະຍຶດໝັ້ນຕໍ່ສັນຕິພາບ ແລະບໍ່ໃຫ້ກະທຳການໃດໆ ທີ່ເປັນການ
ສ້າງຄວາມກຽດຊັງກັນ.”
ທ່ານ Xi ໄດ້ກ່າວທ້າທາຍຕໍ່ ພວກຊາວຍີ່ປຸ່ນຫົວຊາດນິຍົມຈັດ ຜູ້ທີ່ປະຕິເສດວ່າ ການສັງ
ຫານໝູ່ບໍ່ໄດ້ເກີດຂື້ນ ແຕ່ທ່ານໄດ້ຖິ້ມໂທດການສັງຫານດັ່ງກ່າວ ໃສ່ຊາວຍີ່ປຸ່ນທີ່ນິຍົມລັດ
ທິທະຫານຈັດ ຊຶງເປັນກຸ່ມນ້ອຍໆນັ້ນ. ທ່ານ ໄດ້ກ່າວເພີ້ມເຕີມວ່າ ປະຊາຊົນຈີນ ແລະ
ຍີ່ປຸ່ນ ຄວນທີ່ຈະຖ່າຍທອດມິດຕະພາບລະຫວ່າງກັນນັ້ນ ຈາກລຸ້ນຄົນນຶ່ງ ໄປຫາລຸ້ນຕໍ່ໆໄປ.
