ລິ້ງ ສຳຫລັບເຂົ້າຫາ

ນາຍົກລັດຖະມົນຕີ ເຢຍຣະມັນ ຢ້ຽມຢາມຈີນ

  • ໄພສານ ວໍຣະຈັກ

ນາຍົກລັດຖະມົນຕີເຢຍຣະມັນ ທ່ານນາງ Angela Merkel (ຊ້າຍ) ຈັບມືກັບນາຍົກລັດຖະມົນຕີຈີນ ທ່ານ Wen Jiabao ກ່ອນກອງປະຊຸມຖະແຫຼງຂ່າວທີ່ຫໍສາລາປະຊາຊົນໃນນະຄອນຫຼວງປັກກິ່ງ (2 ກຸມພາ 2012)

ປະທານປະ​ເທດ​ຈີນ​ທ່ານ Hu Jintao ກ່າວ​ວ່າ​ ປະ​ເທດຂອງ​ທ່ານ​ມີ​ຄວາ​ມກະຕືລື​ລົ້ນ
​ຈະພັດທະນາ “​ສາຍ​ພົວພັນ​ຍຸດ​ທະ​ສາດ​” ກັບ​ເຢຍຣະ​ມັນ.

ທ່ານ Hu ໃຫ້​ຄວາມ​ເຫັນ​ດັ່ງ​ກ່າວ​ ໃນ​ວັນ​ສຸກ​ນີ້ ​ໃນ​ການ​ເລີ້ມ​ຕົ້ນ​ ການ​ພົບ​ປະກັບທ່ານ​
ນາງ Angela Merkel ນາ​ຍົກ​ລັດ​ຖະ​ມົນຕີເຢຍຣະ​ມັນ ຢູ່​ທີ່​ສາລາປະຊາ​ຊົນ​ ​ໃນ​ນະ
ຄອນຫຼວງ​ປັກ​ກິ່ງ. ອົງການຂ່າ​ວຊິນຫົວ ຂອງ​ທາງ​ການ​ຈີນກ່າວ​ວ່າ ຜູ້​ນໍາ​ຈີນ​ບອກ​ກັບ
ທ່ານ​ນາງ Merkel ວ່າ ຄວາມ​ສໍາພັນສອງ​ຝ່າຍ ໄດ້​ເຕີບ​ໃຫຍ່​ຂະຫຍາຍ​ໂຕ​ຂື້ນ “ຢ່າງ​
ເລິກ​ເຊີ່ງ​ແລະ​ກ້ວາງ​ຂວາງ​ ​ແບບບໍ່ເຄີຍມີ​ມາ​ກ່ອນ” ນັບ​ຕັ້ງ​ແຕ່​ທັງ​ສອງ​ປະ​ເທດ​ໄດ້​ສະຖາ
ປະນາຄວາມ​ສຳພັນ​ລະຫວ່າງ​ກັນ ​ມາ​ເປັນ​ເວລາສີ່ທົດ​ສະ​ວັດຜ່ານ​ມາ.

ທ່ານ​ນາງ Merkel ໄດ້​ສະທ້ອນ​ເຖິງ​ຄວາມ​ຮູ້ສຶກຂອງທ່ານ Hu ​ຢູ່ໃນ​ຄໍາ​ຖະ​ແຫລ​ງຂອງ
ທ່ານ​ນາງແລະ​ກ່າວວ່າ ​ເຢຍຣະມັນ​ພ້ອ​ມ​ແລ້ວທີ່​ຈະ​ດຳ​ເນີນງານຮ່ວມ​ກັບປັກ​ກິ່ງເພື່ອສ້າງ
ຄວາມ​ກ້າວ​ໜ້າ​ໃຫ້​ແກ່​ຄວາມ​ສໍາພັນ​ກັບຢູ​ໂຣບ.

ຜູ້​ນໍາ​ເຢຍຣະ​ມັນ ພວມຢູ່​ໃນ​ລະຫວ່າງການ​ຢ້ຽ​ມຢາມ​ຈີນມື້​ທີ່​ສອງ​ຂອງທັງ​ໝົດສ​າມວັນ.

XS
SM
MD
LG