ລິ້ງ ສຳຫລັບເຂົ້າຫາ

ຈີນເຊີນ ລມຕ ຕ່າງປະເທດ ກຳປູເຈຍ ໄປຢ້ຽມຢາມ ຫລັງຈາກ ທ່ານ Kerry ຢ້ຽມຢາມ ກຳປູເຈຍ


ລມຕ ຕ່າງປະເທດ ສະຫະລັດ ທ່ານ John Kerry ຈັບມືກັບ ລມຕ ຕ່າງປະເທດ ແລະຮອງນາຍົກລັດຖະມົນຕີ ກຳປູເຈຍ ທ່ານ Hor Namhong ທີ່ກະຊວງການຕ່າງປະເທດກຳປູເຈຍ.

ພຽງ​ແຕ່ໜຶ່ງ​ອາທິດ ​ຫລັງ​ຈາກ​ການຢ້ຽມຢາມ ຂອງລັດຖະມົນ​ຕີ​
ຕ່າງປະ ເທດ ສະຫະລັດ ທ່ານ John Kerry ລັດຖະມົນຕີ ຕ່າງ
ປະ​ເທດ​ກຳປູ​ເຈຍ ​ທ່ານ Hor Namhong ກໍໄດ້​ບິນ​ໄປຈີນ.

ທ່ານ Hor Namhong ຈະ​ພົບ​ປະ​ກັບ ບັນດາ​ເຈົ້າໜ້າ​ທີ່​ຂັ້ນ​ສູງ​
ຂອງ​ຈີນ ຮວມທັງ ທີ່​ປຶກສາຂອງ​ລັດຖະບານ ທ່ານ Yang Jiechi
​ແລະ​ນາຍົກລັດຖະມົນຕີ ທ່ານ Li Keqiang ​ເພື່ອ​ສົນທະນາ​ຫາລື​
ຢ່າງ ກ້ວາງ​ຂວາງ ​ກ່ຽວ​ກັບ​ພາຄີຍຸ​ດທະ​ສາດ​ ​ໃນ​ການ​ເຈລະຈາ​
ຢ່າງ​ເປັນ​ທາງ​ການ ແຕ່ວັນ​ທີ 3 ​ ຫາວັນ​ທີ 5 ກຸມພາ​.

ທ່ານ Ou Virak ຫົວໜ້າ​ສະພາ​ວິ​ໄຈກ່ຽວ​ກັບອະນາ​ຄົດກ່າວ​ວ່າ
ການ ໄປຢ້ຽມຢາມ​ຈີນມີທ່າ​ທາງ​ວ່າ​ຈະ​ໝາຍ​ເຖິງຄວາມ​ກໍ້າ​ເກິ່ງ ​ໃນການ​ມາ ຢ້ຽມຢາມ
​ຂອງທ່ານ Kerry ​ແລະ​ຈະ​ເປັນ​ໂອກາດໃຫ້ແກ່ ທ່ານ Hor Namhong ຈະ​ໄດ້​ສົນທະນາ
​ກ່ຽວ​ກັບ​ທ່າ​ທີຂອງກຳປູ​ເຈຍ ຕໍ່ການ​ເອົາ ທ່າ​ທີຂອງ​ຈີນ. ນອກ​ນັ້ນ​ ​ການ​ຢ້ຽມຢາມນີ້​ແມ່ນ​ມີ​
ຂຶ້ນກ່ອນ​ໜ້າ​ການ​ເດີນທາງ​ມາ​ຢ້ຽມຢາມສະຫະລັດຂອງ​ນາຍົກ​ລັດຖະມົນຕີ​ກຳປູ​ເຈຍໃນ​
ເດືອນ ​ນີ້ ບ່ອນ​ທີ່​ທ່ານຈະ​ຮ່ວມກັບ​ບັນດາລັດຖະມົນຕີ​ອາ​ຊຽນ ສົນທະນາ​ກັບ ປະທານາທິ
ບໍດີBarack Obama.

ທ່ານ Ou Virak ກ່າວ​ວ່າ “​ເພາະສະ​ນັ້ນ ໝາ​ຍຄວາມ​ວ່າ​ຢ່າງ​ໃດ” ໝາ​ຍຄວາມ​ວ່າ ກຳປູ​
ເຈຍ ຕ້ອງ​ໄປ​ຈີນ ​ແລະ​ກ່າວ​ວ່າ ກຳປູ​ເຈຍ ຈະ​ຮັກສາ​ຄວາມ​ໃກ້​ຊິດ​ກັບ​ຈີນ ​ດັ່ງທີ່​ເຄີຍ​
ເປັນ​ມາ.”

ທ່ານ Ou Virak ກ່າວ​ວ່າ ຈີນ ​ໃຊ້​ກຳປູ​ເຈຍ ​ເປັນ​ບ່ອນ​ງັດພາຍ​ໃນ ASEAN ບ່ອນທີ່​ສີ່
ປະ​ເທດ​ສະມາຊິກ ​ໄດ້​ອ້າງ​ກຳມະສິດ​ກວມກັນ​ໃນທະ​ເລ​ຈີນ​ໃຕ້. ທ່ານ​ກ່າວ​ວ່າ ຈີນ ຍັງ​ຈະ
​ຊັກ​ຊວນ​ບໍ່​ໃຫ້ກຳປູ​ເຈຍ ​ເຂົ້າຮ່​ວມ ຂໍ້ຕົກລົງ​ການ​ຄ້າ​ພາຄີ​ຂ້າມ​ມະຫາ​ສະມຸດ​ປາຊີ​ຟິກ​ ຫຼື
TPP ທີ່​ນຳພາ​ໂດຍ​ສະ​ຫະລັດ ຊຶ່ງເປັນຄວາມ​ພະຍາຍາມ​ເພື່ອ​ສ້າງ​ຄວາມ​ກໍ້າ​ເກີ່ງ ຄືນ​ໃໝ່​
ໃຫ້​ແກ່ສະຫະລັດ ຢູ່ໃນ​ຂົງ​ເຂດ. “ຈີນ ບໍ່​ດີ​ໃຈ​ກັບຂໍ້​ຕົກລົງ TPP​. ຈີນ ບາງ​ທີ​ຈະ​ບໍ່​ໃຫ້
ກຳປູ​ເຈຍ ​ເຂົ້າ​ຮ່ວມກັບ​ກຸ່ມ​ການ​ຄ້າດັ່ງ ກ່າວ.”

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG