ລິ້ງ ສຳຫລັບເຂົ້າຫາ

ຈີນຈະສ້າງເຮືອນລາຄາຖືກ 10 ລ້ານຫລັງໃນປີນີ້

  • ທອງປານ ເທບວົງສາ

ທ່ານ Qi Ji ຮອງລັດຖະມົນຕີກະຊວງເຄຫະສະຖານ(ກາງ) ແລະເຈົ້າໜ້າທີ່ຄົນອື່ນໆອີກ ທີ່ຮັບຜິດຊອບເລື້ອງ ເຄຫະສະຖານໃຫ້ສໍາພາດຂ່າວ ຢູ່ນະຄອນຫລວປັກກິ່ງ, ວັນທີ 9 ມີນາ 2011.

ຈີນກ່າວວ່າ ຕົນຈະໃຊ້ຈ່າຍເງິນເກືອບ 200 ພັນລ້ານໂດລາ
ໃນປີນີ້ ເພື່ອສ້າງ ບ້ານຢູ່ອາໄສໃນລາຄາຕໍ່າ 10 ລ້ານຫລັງ.

ແຜນການທີ່ຈະເພີ່ມຈໍານວນບ້ານລາຄາຖືກຂື້ນນັ້ນ ແມ່ນ
ມີ​ເປົ້າ​ໝາຍ​ເພື່ອຈະຊ່ວຍຊົດເຊີຍຄ່າສ້າງບ້ານ ທີ່ຖີບຕົວ
ສູງຂື້ນຢ່າງໄວນັບມື້ນັ້ນ ແລະຄວາມ​ແຕກ​ໂຕນ​ທີ່ກ້ວາງ​
ອອກ​ເລື້ອຍ​ໆ ​ໃນສະພາບຄວາມເປັນຢູ່ລະຫວ່າງພວກ ຄົນຮັ່ງມີ ແລະພວກຄົນທຸກຈົນ ຢູ່ໃນປະ​ເທດຈີນ.

ທ່ານ Qi Ji ຮອງລັດຖະມົນຕີກະຊວງເຄຫະສະຖານ
ບອກກັບພວກ​ນັກຂ່າວ​ໃນວັນພຸດມື້ນີ້ວ່າ ລັດຖະບານ
ກາງແລະລັດຖະບານທ້ອງຖິ່ນຈະອອກຄ່າໃຊ້ຈ່າຍ ສໍາ
ລັບຫລາຍກວ່ານຶ່ງສ່ວນສາມ ຂອງບ້ານໃໝ່ທີ່ຈະສ້າງ
ຂື້ນໃນປີນີ້ ​ແລະພວກ ສະຖາບັນແລະທຸລະກິດຕ່າງໆ ຈະອອກເງິນກູ້ຢືມ​ໃຫ້ ໃນສ່ວນທີ່ເຫລືອນັ້ນ.

ທ່ານ Qi ກ່າວວ່າ ພາກສ່ວນລັດຖະບານທ້ອງຖິ່ນຄວນຈະຫາເງິນ ດ້ວຍການຂາຍທີ່ດິນ
ແລະອອກພັນທະບັດ ເພື່ອ​ເອົາ​ມາຊ່ວຍ​ເປັນ​ທຶນ​ໃນ​ການລະດົມສ້າງບ້ານ ທີ່ມີລາຄາຖືກນີ້. ຈີນມີເປົ້າໝາຍຈະສ້າງບ້ານລາຄາຖືກໃຫ້ໄດ້ 35 ລ້ານຫລັງ ພາຍໃນປີ 2015. ລາຄາບ້ານ
ຢູ່ອາໃສຢູ່ໃນນະຄອນຫລວງປັກກິ່ງ ໄດ້ຖີບຕົວສູງ ຂື້ນ 6.8 ເປີເຊັນ ໃນປີຜ່ານມານີ້ ເຖິງ
ແມ່ນລັດຖະບານໄດ້ພະຍາຍາມຄວບຄຸມລາຄາໄວ້ ໃຫ້ຕໍ່າຢູ່ກໍຕາມ.

XS
SM
MD
LG