ທ່ານບົວເງິນ ຊາພູວົງ ລັດຖະມົນຕີຊ່ວຍວ່າການ ກະຊວງຖະແຫລງຂ່າວ ວັດທະນາທໍາ ແລະທ່ອງທ່ຽວຂອງລາວ ຖະແຫລງຢືນຢັນວ່າ ເປົ້າໝາຍສໍາຄັນປະການນຶ່ງຂອງການ ພະທະນາວຽກງານຖະແຫລງຂ່າວ ກໍແມ່ນ ການພັດທະນາສະຖານີວິທະຍຸ ແລະໂທລະ ພາບແຫ່ງຊາດໃຫ້ເປັນລະບົບ Digital ໃຫ້ໄດ້ໃນທົ່ວປະເທດພາຍໃນປີ 2015. ການທີ່
ຈະສາມາດບັນລຸເປົ້າໝາຍດັ່ງກ່າວໄດ້ຢ່າງເປັນຮູບປະທໍານັ້ນ ກໍຈະຕ້ອງໃຊ້ງົບປະມານ ຄິດເປັນມູນຄ່າລວມບໍ່ໜ້ອຍກວ່າ 960 ຕື້ກີບ ຫລືປະມານ 120 ລ້ານໂດລາ.
ທ່ານບົວເງິນ ໄດ້ສະແດງ
ຄວາມໝັ້ນໃຈວ່າ ທາງການ
ລາວ ຈະສາມາດບັນລຸເປົ້າ
ໝາຍດັ່ງກ່າວໄດ້ຢ່າງແທ້ຈິງ
ເນື່ອງຈາກວ່າ ທາງການຈີນ
ໄດ້ຕົກລົງໃຫ້ການຊ່ວຍເຫລືອ
ແກ່ທາງການລາວ ນັບແຕ່ຕົ້ນປີ
2012 ນີ້ເປັນຕົ້ນມາແລ້ວ ແລະ
ໃນຂະນະດຽວກັນ ການພັດ
ທະນາວິທະຍຸ ແລະໂທລະພາບ
ໃນລາວໃຫ້ເປັນລະບົບ Digital
ນັບແຕ່ປີ 2011 ເປັນຕົ້ນມາ ກໍ
ຄືບໜ້າໄປຫລາຍແລ້ວ ໃນປັດ
ຈຸບັນນີ້ ດັ່ງທີ່ທ່ານບົວເງິນໄດ້
ໃຫ້ການຊີ້ແຈງວ່າ:
“ມວນຊົນມີຄວາມສົນໃຈຕິດຕາມຟັງວິທະຍຸຂອງພວກເຮົານັບມື້ ນັບຫລາຍຂຶ້ນ ວຽກ
ງານໂທລະພາບກໍໄດ້ຮັບ ການປັບປຸງ ແລະຂະຫຍາຍຕົວໄວ ໄດ້ຮັບການນິຍົມຊົມຊອບ ຈາກສັງຄົມຢ່າງກ້ວາງຂວາງ ທາງດ້ານເທັກນິກ ກໍໄດ້ຄ່ອຍໆຫັນປ່ຽນລະບົບ Analog ໄປສູ່ລະບົບເທັກນິກທີ່ທັນສະໄໝ Digital ເທື່ອລະກ້າວ ແລະຈະໃຫ້ສໍາເລັດການຫັນ
ປ່ຽນໂດຍພື້ນຖານໃນປີ 2015.”
ໃນປັດຈຸບັນ ໃນລາວມີສະຖາ
ນີໂທລະພາບທັງໝົດ 32 ແຫ່ງ
ແລະສະຖານີວິທະຍຸ 43 ແຫ່ງ
ໃນທົ່ວປະເທດ ສ່ວນໜັງສືພິມ
ແລະວາລະສານຕ່າງໆນັ້ນ ກໍ
ມີຫລາຍກວ່າ 100 ສະບັບ
ໂດຍໃນນີ້ມີ 9 ສະບັບ ທີ່ເປັນ
ໜັງສືພິມລາຍວັນ ໃນະນະທີ່
ກະຊວງຖະແຫລງຂ່າວ ວັດທະ
ນາທໍາ ແລະທ່ອງທ່ຽວ ກໍໄດ້
ວາງເປົ້າໝາຍ ທີ່ຈະຂະຫຍາຍ
ເຄືອຂ່າຍສື່ມວນຊົນທີ່ເປັນກະ
ບອກສຽວຂອງພັກ ແລະລັດຖະບານລາວເຫລົ່ານີ້ ໃຫ້ກວາມໄປເຖິງ ປະຊາຊົນລາວ ໄດ້
ຢ່າງກວ້າງຂວາງຫລາຍຂຶ້ນ ກໍຄືເຮັດໃຫ້ສື່ພິມ ແລະວິທະຍຸກວາມໃຫ້ໄດ້ 95% ຂອງປະຊາ
ກອນ ແລະ 85% ຂອງປະຊາກອນສໍາລັບສື່ທາງໂທລະພາບໃນປີ 2015 ຕາມລໍາດັບ.
ນອກຈາກນີ້ ກໍມີລາຍງານວ່າ
ທາງການຫວຽດນາມ ໄດ້ຕົກ
ລົງໃຫ້ການຊ່ວຍເຫລືອລາວ
ໃນການພັດທະນາດ້ານບຸກຄະ
ລາກອນ ແລະນັກຂ່າວ ໂດຍມີ
ເປົ້າໝາຍ ທີ່ຈະຍົກລະດັບປະ
ສິດທິພາບ ແລະຄຸນນະພາບ
ໃນການສະເໜີຂ່າວສານຂອງ
ທາງການລາວ ໃຫ້ເທົ່າທັນສະ
ຖານະການ ທີ່ເກີດຂຶ້ນທັງພາຍ
ໃນແລະຕ່າງປະເທດ ຊຶ່ງລວມ
ເຖິງການສະເໜີຂ່າວສານກ່ຽວ
ກັບຜົນງານ ແລະການເຄື່ອນ
ໄຫວຕ່າງໆ ຂອງຜູ້ນໍາພັກ-ລັດ ໄປສູ່ການຮັບຮູ້ຂອງປະຊາຊົນລາວ ໃຫ້ໄດ້ຢ່າງກວ້າງຂວາງ ອີກດ້ວຍ.
ທາງດ້ານເຈົ້າໜ້າທີ່ໃນອົງການພັນທະມິດ ເພື່ອເສລີພາບຂອງສື່ມວນຊົນ ໃນອາຊຽນ (South
East Asian Press Alliance—SEAPA) ກໍໄດ້ໃຫ້ທັດສະນະວ່າ ປະຊາຊົນລາວ ຈະບໍ່ໄດ້
ຮັບຜົນປະໂຫຍດຫຍັງເລີຍ ຈາກການພັດທະນາລະບົບສື່ສານມວນຊົນໃນລາວດັ່ງກ່າວ ເພາະ
ຖືເປັນພຽງການພັດທະນາທາງດ້ານ ເຕັກນິກເທົານັ້ນ.
ໃນຂະນະທີ່ສື່ມວນຊົນ ແລະຂໍ້ມູນ-ຂ່າວສານຕ່າງໆ ກໍຍັງຄົງຢູ່ພາຍໃຕ້ການຄວບຄຸມຂອງພັກ
ແລະລັດຖະບານ ໃນລາວຢ່າງເຂັ້ມງວດ ຈຶ່ງຖືເປັນການຈໍາກັດສິດທິເສລີພາບຂອງປະຊາຊົນ
ລາວ ໃນການປາກເວົ້າ ແລະການຮັບຮູ້ຂໍ້ມູນ-ຂ່າວສານໂດຍກົງນັ້ນເອງ.
ທັງນີ້ເຈົ້າໜ້າທີ່ຂອງ SEAPA ໄດ້ຍົກຕົວຢ່າງ
ເຖິງກໍລະນີທີ່ທາງການລາວ ໄດ້ມີຄໍາສັ່ງໃຫ້
ຢຸດເຊົາການອອກອາກາດ ທາງສະຖານີວິທະ
ຍຸກະຈາຍສຽງແຫ່ງຊາດຂອງລາຍການເວົ້າ
ຂ່າວ ເມື່ອທ້າຍເດືອນມັງກອນທີ່ຜ່ານມາ
ໂດຍບໍ່ໄດ້ໃຫ້ເຫດຜົນ ຫຼືໃຫ້ການອະທິບາຍ
ແຕ່ຢ່າງໃດ ຫາກແຕ່ຈາກການສືບຫາຄວາມ
ຈິງ ກໍ່ເຮັດໃຫ້ SEAPA ຊາບວ່າ ສາເຫດ
ສໍາຄັນທີ່ເຮັດໃຫ້ລາຍການດັ່ງກ່າວຕ້ອງຖືກ
ສັ່ງໃຫ້ຢຸດເຊົາການອອກອາກາດນັ້ນ ກໍ່ເປັນ
ຍ້ອນວ່າ ຜູ້ຈັດລາຍການ ໄດ້ມີການເນັ້ນ
ໜັກເນື້ອຫາຂ່າວ ກ່ຽວກັບການສໍ້ລາດບັງ
ຫຼວງ ທີ່ໄປກະທົບຜົນປະໂຫຍດຂອງເຈົ້າ
ໜ້າທີ່ຂັ້ນສູງ ໃນວົງການລັດຖະບານລາວ
ນັ້ນເອງ.
ໃນຂະນະນີ້ທາງ SEAPA ກໍກໍາລັງປະສານງານຮ່ວມກັບບັນດາອົງການຄຸ້ມຄອງສິດເສລີ
ພາບສື່ມວນຊົນ ໃນລະດັບສາກົນຢ່າງຕັ້ງໜ້າ ໂດຍມີເປົ້າໝາຍທີ່ຈະນໍາສະເໜີລາຍງານ ກ່ຽວກັບກໍລະນີດັ່ງກ່າວນີ້ ລວມເຖິງລາຍງານສະຖານະການ ດ້ານສື່ມວນຊົນໃນລາວ ຕໍ່ ຄະນະກໍາມະການດ້ານສິດທິມະນຸດແຫ່ງຊາດ ຕໍ່ໄປອີກດ້ວຍ.