ລິ້ງ ສຳຫລັບເຂົ້າຫາ

ຢ່າງ​ໜ້ອຍ 10 ຄົນເສຍຊີວິດ ຍ້ອນຝົນກະໜໍ່າໃສ່ ນະຄອນປັກກິ່ງ ໜັກທີ່ສຸດໃນຮອບ 6 ທົດສະວັດ

  • ດຣ. ສິມມາລາ

ລົດຄັນນຶ່ງຖືກທໍາລາຍໃຫ້ເສຍຫາຍຍ້ອນນໍ້າຝົນຕົກກະໜໍ່າໃສ່ບ້ານ Zhou Kou Dian Village, ເມືອງ Fangshan ຢູ່ໃກ້ນະຄອນປັກກິ່ງ ໃນວັນທີ 22 ກໍລະກົດ, 2012.

ທີ່ປະ​ເທດ​ຈີນຝົນຕົກ​ແຮງທີ່ສຸດທີ່​ໄດ້ກະໜໍ່າໃສ່ນະຄອນຫລວງປັກກິ່ງໃນ
ຮອບ 6 ທົດສະວັດນັ້ນໄດ້ສັງຫານຢ່າງ​ໜ້ອຍ 10 ຄົນ ແລະໄດ້ບັງຄັບໃຫ້
ປະຊາຊົນ​ຢ່າງ​ນ້ອຍ 5 ໝື່ນ​ຄົນຕ້ອງໄດ້ຍົກຍ້າຍໜີຈາກບ້ານເຮືອນໄປຢູ່
ບ່ອນອື່ນ.

ອົງການຂ່າວຊິນຫົວຂອງລັດລາຍງານຂ່າວໃນວັນອາທິດມື້ນີ້ວ່າ ນໍ້າ​ຖ້ວມ​
ຢ່າງ​ຂະໜານ​ໃຫຍ່ ໄດ້​ເຮັດ​ໃຫ້​ຊາວ​ເມືອງ​ຫລາຍໆ​ຄົນ​ຕົກ​ຄ້າງ​ຢູ່​ກັບ​ບ່ອນ
​ແລະ​ລົດ​ລາຫລາຍໆ​ຄັນ ໄຫລ​ໄປ​ຕາມ​ຖະໜົນ​ຫົນທາງ.

ຊິນ​ຫົວ​ລາຍ​ງານ​ອີກ​ວ່າ ​ເດີ່ນບິນ​ສາກົນ​ປັກ​ກິ່ງ​ໄດ້ລົບ​ລ້າງຖ້ຽວ​ບິນ​ຫລາຍ
​ຮ້ອຍ​ຖ້ຽວ ​ສົ່ງ​ຜົນ​ໃຫ້​ພວກ​ຄົນ​ເດີນທາງ​ຕົກ​ຄ້າງ​ຢູ່​ສະໜາມ​ບິນຢ່າງ​ໜ້ອຍ
8 ໝື່ນ​ຄົນ.

​ເຈົ້າໜ້າ​ທີ່ເວົ້າວ່າ​ ​ເຂດ​ອອ້ມ​ແອ້ມນະຄອນຫລວງປັກກິ່ງໄດ້ຮັບນໍ້າຝົນໃນອັດ
ຕາ​ສະ​ເຫລ່ຍ 17 ຊັງ​ຕີ​ແມດ ​ແຕ່​ບາງ​ເຂດ​ເຊ່ນ​ເຂດ​ຄຸ້ມ Fangshan ມີ​ຝົນຕົກ
ຫລາຍຮອດ 46 ຊັງ​ຕີ​ແມດ. ພາຍຸ​ຝົນ​ທີ່​ໄດ້​ເລິ່ມມາ​ແຕ່​ວັນ​ເສົາ​ວານ​ນີ້ ອາດ​ຈະ
​ຕົກ​ໄປ​ຮອດ​ແລງ​ວັນ​ຈັນ​ມື້​ອື່ນ.

ທີ່​ປະ​ເທດ​ຈີນ ຝົນຕົກ​ແຮງທີ່ສຸດ ທີ່​ໄດ້ກະໜໍ່າໃສ່ນະຄອນຫລວງປັກກິ່ງໃນຮອບ 6 ທົດສະວັດນັ້ນ ໄດ້ສັງຫານຢ່າງ​ນ້ອຍ 10 ຄົນ ແລະໄດ້ບັງຄັບໃຫ້ຫລາຍສິບພັນ ຄົນ ຕ້ອງໄດ້ຍົກຍ້າຍໜີຈາກບ້ານເຮືອນຂອງຕົນ ໄປຢູ່ບ່ອນອື່ນ.

ອົງການຂ່າວຊິນຫົວຂອງລັດ ລາຍງານຂ່າວໃນວັນອາທິດມື້ນີ້ວ່າ ພະຍຸຝົນທີ່ໄດ້ ເລີ້ມຕົ້ນຂຶ້ນໃນວັນເສົາວານນີ້ ອາດສາມາດສືບຕໍ່ກະໜໍ່າລົງ​ມາ ຈົນຮອດວັນຈັນ ມື້ນອື່ນ. ລັດຖະບານຈີນເວົ້າວ່າ​ ເມືອງ Fangshan ​ໃນຊານນະຄອນຫລວງ ປັກກິ່ງ ໄດ້ຮັບນໍ້າຝົນໃນລະດັບ 46 ມິລລີແມັດ ໃນວັນເສົາວານນີ້ ຊຶ່ງໄດ້ທໍາ ລາຍສະຖິຕິນໍ້າຝົນໃນປີ 1951.

ພວກເຈົ້າໜ້າທີ່ເວົ້າວ່າ ຈໍານວນຄົນຕາຍສາມາດເພີ້ມທະວີຂຶ້ນ ເພາະຕາມລາຍ ງານຂ່າວຂອງສື່ມວນຊົນ ​ແມ່ນ​ວ່າ ມີຫລາຍຄົນ ລວມທັງພະນັກງານຊ່ວຍກູ້ໄພ ຍັງຫາຍສາບສູນຢູ່.

XS
SM
MD
LG