ການລົງນາມໃນສັນຍາກູ້ຢືມເງິນທຶນ ລະຫວ່າງທາງການ
ລາວກັບທະນາຄານເພື່ອການນຳເຂົ້າແລະສົ່ງອອກຂອງ
ລັດຖະບານຈີນໄດ້ມີຂຶ້ນຢ່າງເປັນທາງການເມື່ອບໍ່ນານມານີ້
ໂດຍມີທ່ານສົມດີ ດວງດີ ລັດຖະມົນຕີກະຊວງການເງິນ
ຂອງລາວ ແລະທ່ານ ລີ ລູ່ກົວະ ປະທານຂອງທະນາຄານ
ເພື່ອການນຳເຂົ້າແລະສົ່ງອອກຂອງຈີນ ເປັນຜູ້ຕາງໜ້າ
ຂອງທັງສອງຝ່າຍໃນການລົງນາມດັ່ງກ່າວ.
ສັນຍາກູ້ຢືມເງິນໃນຄັ້ງຫລ້າສຸດນີ້ ມີມູນຄ່າລວມເກີນກວ່າ
32 ລ້ານໂດລາ ສຳຫລັບນໍາໃຊ້ເຂົ້າໃນການກໍ່ສ້າງຂົວ
ຂ້າມແມ່ນໍ້າຂອງ ເພື່ອເຊື່ອມຕໍ່ລະຫວ່າງບ້ານຫາດກັບບ້ານ
ນາຢູ່ເມືອງໂຂງ ແຂວງຈໍາປາສັກ ພ້ອມດ້ວຍການກໍ່ສ້າງ
ຂົວຂະໜາດນ້ອຍອີກ 2 ແຫ່ງ ທີ່ເຊື່ອມຕໍ່ບ້ານຫົວໂຂງ
ແຫລມກັບດອນສັນ ແລະເຊື່ອມຕໍ່ທ່າເຮືອບັກເມືອງໂຂງ
ກັບທ່າເຮືອເມືອງມູນລະປະໂມກ ຊຶ່ງເປັນສ່ວນນຶ່ງໃນແຜນ
ການພັດທະນາເຂດທ່ອງທ່ຽວຢູ່ໃນເຂດເມືອງໂຂງນັ້ນເອງ.
ກ່ອນໜ້ານີ້ ເຈົ້າໜ້າທີ່ຂັ້ນສູງໃນ
ແຂວງຈໍາປາສັກກໍໄດ້ໃຫ້ການ
ຢືນຢັນວ່າ ການພັດທະນາເຂດ
ທ່ອງທ່ຽວຢູ່ໃນເຂດເມືອງໂຂງ
ໄດ້ເລີ່ມລົງມືດໍາເນີນການໃນ
ພາກປະຕິບັດຕົວຈິງແລ້ວ ໂດຍ
ໃນປະຈຸບັນ ກໍາລັງຢູ່ໃນຂັ້ນ
ຕອນຂອງການກໍ່ສ້າງບ່ອນພັກ
ອາໄສຂອງບຸກຄະລາກອນ,
ການຈັດຕຽມສະຖານທີ່ສໍາລັບ
ຮອງຮັບການກໍ່ສ້າງຂົວທີ່ເຊື່ອມ
ຕໍ່ລະຫວ່າງບ້ານຫາດກັບບ້ານ
ນາ, ການສຶກສາອອກແບບ
ພັດທະນາທ່າເຮືອຢູ່ຕາມເກາະ
ດອນຕ່າງໆ ແລະການພັດທະນາສິ່ງອໍານວຍຄວາມສະດວກໃຫ້ແກ່ນັກທ່ອງທ່ຽວຢ່າງຄົບ
ຊຸດ ດັ່ງທີ່ເຈົ້າໜ້າທີ່ຂັ້ນສູງໃນແຂວງຈໍາປາສັກຄົນດັ່ງກ່າວນີ້ໄດ້ໃຫ້ການຊີ້ແຈງໃນຕອນນຶ່ງວ່າ:
“ເພື່ອຮອງຮັບໃຫ້ແກ່ການທ່ອງທ່ຽວ ຈະໄດ້ປັບປຸງ ທ່າເຮືອຈາກດອນໂຂງໄປຫາ
ດອນອື່ນໆ ແລ້ວເພິ່ນ ກະໄດ້ກະກຽມກໍ່ສ້າງຂົວຂ້າມແມ່ນໍ້າຂອງລະຫວ່າງ ບ້ານ
ຫາດກັບບ້ານນາດ ດຽວນີ້ກໍກໍາລັງສ້າງເຮືອນພັກ, ສະຖານທີ່ພັກເຊົາຂອງຄະນະ
ກໍາມະການ ຄາດວ່າຈະລົງມືໃນປີນີ້ຕາມແຜນ”.
ການພັດທະນາການທ່ອງທ່ຽວ
ຖືເປັນສ່ວນນຶ່ງຂອງເຂດເສດ
ຖະກິດພິເສດຄອນພະເພັງ ທີ່
ຕັ້ງຢູ່ໃນເຂດເມືອງໂຂງ ຊຶ່ງຕາມ
ແຜນການແລ້ວເຂດເສດຖະກິດ
ພິເສດດັ່ງກ່າວນີ້ ຈະມີບໍລິເວນ
ກວ້າງເຖິງ 39,000 ເຮັກຕາ
ໂດຍໄດ້ມີການຈັດແບ່ງພື້ນທີ່
ອອກເປັນ 5 ເຂດດ້ວຍກັນ ຄື
ພື້ນທີ່ໂດຍຮອບນໍ້າຕົກຄອນພະ
ເພັງນັ້ນ ກໍຈະພັດທະນາເປັນ
ເຂດທ່ອງທ່ຽວ ແລະຮອງຮັບທຸລະກິດທີ່ກ່ຽວຂ້ອງກັບການທ່ອງທ່ຽວເປັນການສະເພາະ
ເຊັ່ນ:ໂຮງແຮມ, ຣີສອດ, ບ້ານພັກຕາກອາກາດ ແລະສວນສາທາລະນະໃນເຂດອຸທະຍານ ແຫ່ງຊາດ.
ສ່ວນນອກນັ້ນ ກໍຈະເປັນເຂດສູນການຄ້າປອດພາສີ, ສະໜາມບິນຮອງຮັບທັງເຮືອບິນ
ສ່ວນຕົວ ແລະເຮືອບິນໂດຍສານ, ສະໜາມກັອບລະດັບມາດຕະຖານສາກົນ ແລະສູນ
ບໍລິການທາງທຸລະກິດຢ່າງຄົບວົງຈອນ ທີ່ຈະມີຕະຫຼາດການຄ້າເສລີ ເປັນສ່ວນປະກອບ
ທີ່ສໍາຄັນອີກດ້ວຍ.
ໃນໄລຍະທີ່ຜ່ານມາກໍປະກົດວ່າ
ມີທັງກຸ່ມນັກທຸລະກິດຈາກຈີນ,
ເກົາຫຼີໃຕ້, ມາເລເຊຍ, ຫວຽດ
ນາມ ແລະໄທ ລວມທັງນັກທຸ
ລະກິດໃນລາວເອງນັ້ນ ຕ່າງກໍ
ໄດ້ພາກັນສະແດງເຈດຈໍານົງ
ທີ່ຈະເຂົ້າໄປລົງທຶນໃນເຂດເສດ
ຖະກິດພິເສດຄອນພະເພັງແລ້ວ
ເຖິງ 8 ບໍລິສັດ ແລະເຊື່ອວ່າຍັງ
ຈະມີອີກຫຼາຍບໍລິສັດ ທີ່ຈະພາ
ກັນຫຼັ່ງໄຫຼເຂົ້າໄປລົງທຶນເພີ່ມ ຂຶ້ນອີກ ໃນໄລຍະຕໍ່ໄປ.
ໃນປັດຈຸບັນມີເຂດເສດຖະກິດພິເສດຢູ່ແລ້ວ 3 ແຫ່ງກໍຄື ເຂດເສດຖະກິດພິເສດສະຫວັນ
-ເຊໂນ ຢູ່ແຂວງສະຫວັນນະເຂດ, ເຂດເສດຖະກິດພິເສດບໍ່ເຕັນແດນຄໍາ ຢູ່ແຂວງຫຼວງ
ນໍ້າທາ ແລະເຂດເສດຖະກິດພິເສດສາມຫຼ່ຽມທອງຄໍາຢູ່ແຂວງບໍ່ແກ້ວ. ສ່ວນທີ່ຈະສ້າງຕັ້ງ
ເພີ່ມຂຶ້ນອີກ 7 ແຫ່ງນັ້ນກໍຄືຢູ່ທີ່ແຂວງຄໍາມ່ວນ, ຊຽງຂວາງ, ຫົວພັນ, ເຊກອງ, ອັດຕະ
ປື, ຜົ້ງສາລີ ແລະຈໍາປາສັກ.
