ລິ້ງ ສຳຫລັບເຂົ້າຫາ

ຈີນ ລົງທຶນໃນຢູໂຣບ ຢ່າງມະຫາສານ ທ່າມກາງ ຄວາມສົງໄສ ຂອງນັກຊ່ຽວຊານ


ແຜນທີ່ສະແດງໃຫ້ເຫັນ ໂຄງການຍັກໃຫຍ່ ສາຍພານດຽວ ຖະໜົນດຽວ ຂອງຈີນ ທີ່ກອງປະຊຸມການເງິນເອເຊຍ ທີ່ຮົງກົງ 18 ມັງກອນ 2016.​

ແຜນທີ່ສະແດງໃຫ້ເຫັນ ໂຄງການຍັກໃຫຍ່ ສາຍພານດຽວ ຖະໜົນດຽວ ຂອງຈີນ ທີ່ກອງປະຊຸມການເງິນເອເຊຍ ທີ່ຮົງກົງ 18 ມັງກອນ 2016.​

ຮ່ອງຮອຍ​ຂອງເສດຖະກິດ​ຈີນໄດ້​ຂະຫຍາຍ​ໄປ​ທົ່ວ​ຢູ​ໂຣບ​ໃນ​
ຈັງຫວະທີ່ແຮງກ້າ ຊຶ່ງໄດ້ກໍ່ໃຫ້ເກີດ ຄວາມເປັນຫ່ວງເປັນໃຍ
ຂອງການ​ເຂົ້າ​ໄປຮອດ​ໄປ​ເຖິງ​ທະວີບດັ່ງກ່າວຂອງ​ປັກ​ກິ່ງ.

​ໃນ​ຮອບ​ຫຼາຍໆ​ເດືອນ​ທີ່​ຜ່ານ​ມານີ້ ບັນດາ​ບໍລິສັດ​ຂອງ​ຈີນໄດ້
ລົງນາມໃນຂໍ້ຕົກລົງ ທີ່ຈະສ້າງເຕົ້າແຍກນິວເຄລຍໃນອັງກິດ
ຊື້​ຮຸ້ນ​ສ່ວນ​ໃນທ່າ​ກຳ​ປັ່ນຂອງ Greek ​ແລະ​ໄດ້​ເຂົ້າ​ຮ່ວມ​ ​ທະ
ນາຄານ​ຂອງ​ຢູ​ໂຣບ ​ເພື່ອ​ການ​ບູລະນະ​ສ້າງສາແລະ​ການ​ພັດ
ທະນາຫລື EBRD.

ການ​ເຄື່ອນ​ໄຫວທີ່​ເປັນບັນຫາ​ໂຕ້​ແຍ້​ງນີ້ ​ແມ່ນກ່ຽວຂ້ອງ​ກັບ​ການ​ໃຫ້ຄວາມ​ອຸບປະຖຳ​ທີ່​ລົງ​ນາມ​ໂດຍ​ບໍລິສັດ​ຈີນ ກັບສັນນິບາດ​ເຕະບານ​ຂອງປອກຕຸຍ​ການ ​ໃນ​ວັນ​ຈັນ​ວານ​ນີ້. ມັນ​ຍັງ​ໄດ້​ບັງຄັບ​ໃຫ້​ສະຫະພັນເຕະບານ​ນີ້ ຮັບ​ເອົານັກ​ເຕະບານ​ຂອງຈີນເຂົ້າ​ໃນ​ທີ​ມ ທີ່​ວ່າ​ຈະ​ມີ​ນັກ​ເຕະບານ​ຈີນ 1 ຄົນ ​ໃນ​ແຕ່ລະ​ທີ​ມ ຂອງ​ຈຳນວນ​ທັງ​ໝົດ 10 ທີ​ມນຳດ້ວຍ ຊຶ່ງ​ນີ້ ຍັງ​ຜົນ​ໃຫ້​ມີ​ການ​ປະ​ທ້ວງຈາກເຈົ້າ​ໜ້າ​ທີ່​ແລະ​ນັກ​ເຕະບານ​ບາງ​ຄົນ.

ຜົນ​ສະທ້​ອນ​ຂອງຄວາມ​ໄຝ່ຝັນ​ຈີນ​ໃນ​ຢູ​ໂຣບ ກໍ​ແມ່ນ​ຂະຫຍາຍ​ຄວາມ​ກະຕືລືລົ້ນ ຂອງ​ອັນ​ທີ່​ເອີ້ນວ່າ ​ໂຄງການ​ສາຍພານ​ດຽວ ຖະໜົນ​ດຽວ ​ໃນ​ທົ່ວ​ທະວີ​ບຢູໂຣບນັ້ນ.

ອົງ​ປະກອບ​ບາງ​ຢ່າງ​ຂອງ​ວິ​ໄສ​ທັດ​ທີ່​ກວ້າງ​ໃຫຍ່​ນີ້ ​ແມ່ນ​ໄດ້​ກາຍ​ມາ​ເປັນຄວາມ​ຈິງ​ແລ້ວ ​ໃນ​ຂະນະ​ທີ່​ຫຼາຍໆເມືອງຂອງ​ຈີນ​ ແມ່ນ​ໄດ້​ເຊື່ອມໂຍງກັບ​ບາງ​ສ່ວນ​ໃນ​ຢູ​ໂຣບ​ ​ດ້ວຍ​ທາງ​ລົດໄຟ​ອັນ​ມີ ​ເມືອງ Suzhou ຂອງ​ຈີນ​ແມ່ນ​ເຊື່ອມ​ໂຍງກັບ​ນະຄອນ Warsaw, ​ເມືອງ Liangyu-
gang
​ເຊື່ອມ​ຕໍ່​ກັບ​ເມືອງ Rotterdam, Chengdu ຫາ​ເມືອງ Lodz, ​ເມືອງ Chongqing ເຊື່ອມ​ຕໍ່​ກັບ​ເມືອງ Duisburg, ​ເມືອງ Yiwu ​ເຊື່ອມຕໍ່ກັບ​ນະຄອນ Madrid ​ແລະ​ເມືອງ Zhengzhou ເຊື່ອມ​ຕໍ່​ກັບ​ເມືອງ Hamburg.

XS
SM
MD
LG