ລິ້ງ ສຳຫລັບເຂົ້າຫາ

ຈີ​ນ ກ່າວໃນ​ວັນ​ສຸກ​ນີ້ວ່າ ​ເສດຖະກິດ​ຂອງ​ຕົນ​ໄດ້​ຂະຫຍາຍ​ໂຕຊ້າ​ລົງ ສູ່​ອັດຕາ​ທີ່​ຊ້າ​ທີ່​ສຸດ ​
ໃນ​ຮອບສາມ​ປີ​ທີ່​ຜ່ານ​ມາ.

ຫ້ອງການ​ສະ​ຖິຕິ​ແຫ່ງ​ຊາດຂອງ​ຈີນ ກ່າວ​ວ່າ ຍອດ​ຜະລິດ​ຮວມພາຍ​ໃນ ຫຼື GDP ​ສູງ​ຂື້ນ​
ເຖິງ 8.1 ​ເປີ​ເຊັ​ນປີ​ຕໍ່​ປີ ​ໃນໄຕຼ​ມາດທຳ​ອິດ​ຂອງ​ປີນີ້ ປຽບ​ທຽບໃສ່ 8.9 ​ເປີ​ເຊັ​ນ ຂອງການ
ຂະຫຍາຍປີຕໍ່​ປີ​ໃນໄຕຼ​ມາດ​ທີ່​ແລ້ວ​ຂອງ​ປີ 2011. ມັນ​ເປັນອັດຕາ​ການ​ເຕີບ​ໂຕ​ທີ່​ຕໍ່​າສຸດຂອງ
ໄຕຼ​ມາດ ນັບ​ຕັ້ງ​ແຕ່ໄຕຼ​ມາດ​ທີ່​ສອງ​ຂອງ​ປີ 2009 ​ເປັນຕົ້ນມາ.

ພວກນັກວິ​ເຄາະ​ກ່າວ​ວ່າ ຄວາມ​ຕ້ອງການສິນ​ຄ້າຂາ​ອອກ​ຂອງ​ຈີນ ຢູ່ໃນທົ່ວ​ໂລກອາດ​ຈະຍັງ
ມີ​ການ​ຊັກ​ຊ້າ​ຢູ່ ຊຶ່ງ​ສ່ວນ​ໃຫຍ່​ຂອງ​ເຂດ​ທີ່​ໃຊ້​ເງິນ​ຢູ​ໂຣ ກໍ​ມີ​ການ​ເບິ່ງ​ກັນ​ວ່າ​ຕົກ​ຢູ່ໃນ​ສະພາບ
ເສດຖະກິດ​ຫຼຸດຖອຍ​ແລະຍັງ​ມີ​ຄວາມ​ເປັນຫ່ວງກ່ຽວ​ກັບຄວາ​ມ​ແຂງ​ແຮງ​ໃນ​ການ​ຟື້ນ​ໂຕ​ກັບ​ຄືນ​
ມາ​ຂອງ​ເສດຖະກິດສະຫະລັດ.

XS
SM
MD
LG