ທະນາຍຄວາມຂອງນັກເຄຶ່ອນໄຫວພິການຊາວຈີນ ທີ່ຖືກຈຳຄຸກໃນຕົ້ນປີນີ້ ກ່າວວ່າ ສານອຸທອນໄດ້ຍົກເລີກການຕັດສິນທີ່ປອມແປງຕໍ່ຕ້ານນາງ ແຕ່ກໍໄດ້ປະຕິເສດຄໍາອຸທອນຂອງນາງຕໍ່ຄໍາຕັດສິນວ່າກະທໍາຄວາມຜິດໃນຂໍ້ຫາກໍ່ຄວາມບໍ່ສະຫງົບນັ້ນ.
ທະນາຍຄວາມ Cheng Hai ກ່າວເມື່ອວັນສຸກມື້ນີ້ວ່າ ສານໄດ້ຜ່ອນໂທດໃຫ້ແກ່ນາງ Ni Yulan ລົງສອງເດືອນ ແຕ່ນາງຈະຖືກຈໍາຄຸກ 30 ເດືອນ ໃນຂໍ້ຫາຂອງຄະດີທີ່ສອງ. ທະນາຍຄວາມເວົ້າວ່າ ນອກນີ້ແລ້ວສານຍັງ ປະຕິເສດການຂໍອຸທອນຈາກນາຍ Dong Jiquin ສາມີຂອງນາງ Ni ຜູ້ທີ່ ຖືກຈໍາຄຸກ 2 ປີ ໃນຂໍ້ຫາທໍານອງດຽວກັນ.
ນາງນີ ແລະ ນາຍ ດົງ ປະເສດຂໍ້ຫາເຫຼົ່ານັ້ນ ພວກສະໜັບສະໜຸນສອງສາມີພັນລະຍານີ້ກ່າວວ່າ ພວກເຂົາເຈົ້າໄດ້ກາຍເປັນເປົ້າໝາຍເພື່ອປິດປາກຍ້ອນເຂົາເຈົ້າຕໍາໜິຕິຕຽນລັດຖະບານ.
ສອງສາມີພັນລະຍາ ມີຄົນຮູ້ດີວ່າ ເປັນຜູ້ສະໜອງການຊ່ວຍເຫຼືອດ້ານກົດໝາຍໃຫ້ແກ່ຊາວບ້ານຊາວເມືອງ ທີ່ຖືກທາງການຂັບໄລ່ຈາກບ້ານຢູ່ອາໃສຂອງພວກເຂົາເຈົ້າໂດຍບໍ່ໄດ້ຮັບຄ່າຊົດເຊີຍພໍສົມຄວນນັ້ນ.