ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ການສ້າງສວນສະໜຸກ ທີ່ຊຽງໄຮ້


ສວນສະໜຸກ Disneyland
ສວນສະໜຸກ Disneyland

ຄະນະປົກຄອງນະຄອນຊຽງໄຮ້
ແລະຄະນະບໍລິຫານຂອງບໍລິສັດ
Walt Disney ກ່າວວ່າຕົນໄດ້
ລົງນາມໃນຂໍ້ຕົກລົງການຮ່ວມມື
ສະບັບນຶ່ງ ໃນວັນສຸກມື້ນີ້ ເພື່ອ
ສ້າງສວນສະໜຸກຂຶ້ນທີ່ເມືອງດັ່ງ
ກ່າວຂອງຈີນ.

ອົງການຂ່າວຊິນຫົວ ຂອງທາງການຈີນລາຍງານວ່າ ຂໍ້ຕົກລົງດັ່ງກ່າວໄດ້ບັນລຸກັນກັບກຸ່ມ
Shanghai Shendi ຊຶ່ງເປັນບໍລິສັດທີ່ຕັ້ງຂຶ້ນມາເປັນການສະເພາະ ເພື່ອພັດທະນາໂຄງ
ການສວນສະໜຸກ Disneyland.

ອົງການຂ່າວຊິນຫົວເວົ້າວ່າ ເປັນທີ່ຄາດກັນວ່າສວນສະໜຸກ Disneyland ຈະກວມເອົາ
ພື້ນທີ່ປະມານ 4 ກິໂລແມັດມົນທົນແລະຕົ້ນທຶນໃນການກໍ່ສ້າງແມ່ນປະມານ 3 ພັນ 600
ລ້ານໂດລາ.

ສວນສະໜຸກ Disneyland ຂອງນະຄອນຊຽງໄຮ້ຈະເປັນສວນບັນເທີງຂະໜາດໃຫຍ່ຂອງ
ອະເມຣິກັນແຫ່ງທີ 3 ຢູ່ໃນເອເຊຍ ຫຼັງຈາກໄດ້ສ້າງຢູ່ທີ່ກຸງໂຕກຽວແລະຮົງກົງ.

XS
SM
MD
LG