ລິ້ງ ສຳຫລັບເຂົ້າຫາ

ຈີນ ປ່ອຍໃຫ້ເງິນຢວນ ຂອງຕົນ ຕົກລາຄາ ອີກມື້ໜຶ່ງ


ແມ່ຍິງຄົນໜຶ່ງ ຍ່າງຜ່ານ ເຄື່ອງໝາຍ ຂອງເງິນຢວນ (ຊ້າຍ) ແລະ ເຄື່ອງໝາຍຂອງເງິນ ໂດລາ ສະຫະລັດ (ຂວາ) ໃນ ຮົງກົງ, ວັນທີ 13 ສິງຫາ 2015.

ແມ່ຍິງຄົນໜຶ່ງ ຍ່າງຜ່ານ ເຄື່ອງໝາຍ ຂອງເງິນຢວນ (ຊ້າຍ) ແລະ ເຄື່ອງໝາຍຂອງເງິນ ໂດລາ ສະຫະລັດ (ຂວາ) ໃນ ຮົງກົງ, ວັນທີ 13 ສິງຫາ 2015.

ຈີນ​ໄດ້​ອະນຸຍາດ​ໃຫ້​ມູນ​ຄ່າ​ຂອງ​ເງິນ​ຢວນອ່ອນ​ລາຄາ​ຕໍ່​ເງິນ​
ໂດ​ລາ​ລົງ ​ເປັນມື້ທີ​ສາມລຽນຕິດ.

ທະ​ຄານ​ກາງ​ໃນ​ວັນ​ພະຫັດ​ມື້​ນີ້ ​ໄດ້​ຕັ້ງຈຸດ​ປຽບທຽບ​ມູນ​ຄ່າ
​ໃຫ້​ຕ່ຳລົງ​ 1 ​ເປີ​ເຊັນ ຈາກ​ມື້ກ່ອນ​ນີ້ ຊຶ່ງຢູ່ທີ່ 6.4 ​ຢວນຕໍ່
1 ​ໂດ​ລາ.

ປັກ​ກິ່ງ​ໄດ້​ຄວບ​ຄຸມ​ເງິນ​ຢວນຢ່າງ​ເຂັ້ມງວດ ​ໂດຍ​ອະນຸຍາດ​
ໃຫ້​ເງິນ​ນັ້ນ ຊື້​ຂາຍ​ໄດ້​ໃນ​ຂອບ​ເຂດ​ຢູ່​ເໜືອ 2 ​ເປີ​ເຊັນ ຫຼື ຕ່ຳ​ກວ່າ
ຈຸດ​ປຽບທຽບ​ດັ່ງກ່າວ ຊຶ່ງ​ພວກ​ເຂົາ​ໄດ້​ຕັ້ງຂຶ້ນສຳ​ຫລັບ​ປະຈຳ​ວັນ.

ມາ​ເຖິງ​ເວລາ​ນີ້ ​ເງິນຢວນ​ນັ້ນ​ໄດ້​ເສຍ​ລາຄາ​ປະມານ​ສີ່​ເປີ​ເຊັນ ຕັ້ງ​ແຕ່ມີ ​ການປ່ຽນ​ແປງ​
ໃນ​ເບື້ອງ​ຕົ້ນ​ ຢູ່ໃນໄລຍະ​ກາງຂອງ​ຕະຫຼາດ.

ພະນັກງານຄົນໜຶ່ງ ຍ່າງຜ່ານ ຈໍພາບທີ່ສະແດງໃຫ້ເຫັນ ອັດຕາການແລກປ່ຽນເງິນຕາຕ່າງປະເທດ ລະຫວ່າງ ຕະຫຼາດຈີນ ແລະ ເກົາຫຼີໃຕ້ ຢູ່ທີ່ທະນາຄານແຫ່ງໜຶ່ງ ໃນນະຄອນ ໂຊລ, ວັນທີ 13 ສິງຫາ 2015.

ພະນັກງານຄົນໜຶ່ງ ຍ່າງຜ່ານ ຈໍພາບທີ່ສະແດງໃຫ້ເຫັນ ອັດຕາການແລກປ່ຽນເງິນຕາຕ່າງປະເທດ ລະຫວ່າງ ຕະຫຼາດຈີນ ແລະ ເກົາຫຼີໃຕ້ ຢູ່ທີ່ທະນາຄານແຫ່ງໜຶ່ງ ໃນນະຄອນ ໂຊລ, ວັນທີ 13 ສິງຫາ 2015.

​ບັນດາ​ເຈົ້າໜ້າ​ທີ່ ທະນາຄານ​ກາງ ​ໃນ​ວັນ​ພະ​ຫັດ​ມື້​ນີ້ ​ໄດ້​ພະຍາຍາມ​ທີ່ຈະ​ຜ່ອນຄາຍ​ຄວາມ​ຢ້ານ​ກົວ ຂອງ​ການ​ລຸດລາຄາ​ເງິນ​ຢວນ​ເພີ້​ມ​ເຕີມ ​ໂດຍ​ກ່າວ​ວ່າ ​ເງິນ​ຢວນ ຕອນ​ນີ້ ​ແມ່ນ​ຢູ່​ໃກ້​ກັບ​ “ລະດັບ​ຂອງ​ຕະຫຼາດ​” ແລ້ວ.

ອີງ​ຕາມອົງການຂ່າວ​ຊີນ​ຫົວ ທີ່​ອ້າງ​ເຖິງ​ຄຳ​ເວົ້າຂອງ​ເຈົ້າໜ້າ​ທີ່ຢູ່​ທີ່​ທະນາຄານ​ແຫ່ງ​ປະຊາຊົນ​ຈີນ ວ່າ “ການ ​ປັບ​ຕົວ​ເພື່ອຫຍໍ້​ຊ່ອງວ່າງ​ເຂົ້າ ລະຫວ່າງ​ອັດຕາ​ຄວາມ​ສະ​ເໝີ​ພາບ​ສູນ​ກາງ ​ແລະ ອັດ​ຕາ​ການ​ຊື້​ຂາຍ​ເງິນຕາ​ຂອງ​ຈີນ​ອັນ​ແທ້​ຈິງ ນັ້ນ ​ໂດຍ​ພື້ນຖານ​ ໄດ້​ເສັດ​ສົມບູນ​ແລ້ວ.”

ຫຼັງຈາກ​ຄຳ​ຖະ​ແຫລ​ງຂອງ​ ທະນາຄານ​ກາງ​ແລ້ວ ການຄ້າໃນ​ທົ່ວ​ເອ​ເຊຍ ກໍ​ປາກົດ​ວ່າ ບໍ່​ມີ​ຄວາມ​ແນ່ນອນ. ການ​ເຄື່ອນ​ໄຫວ​ໃນ​ເບື້ອງ​ຕົ້ນຂອງ​ທາງ​ຈີນ ​ໄດ້​ເຮັດ​ໃຫ້​ມີ​ການ​ຕົກ​ຕ່ຳ​ຢ່າງ​ໃຫຍ່ ​ເປັນ​ເວລາສອງ​ມື້ ​ໃນ​ຕະຫຼາດຫລັກ​ຊັບໃຫຍ່​ຂອງ​ໂລກ.

ນັກ​ລົງທຶນຫຼາຍຄົນ​ ​ເປັນ​ຫ່ວງກັບ​ການ​ແຊກ​ແຊງ ​ທີ່​ເປັນ​ສັນຍານ ຕໍ່​ການ​ຂະຫຍາຍ​ໂຕ​ຂອງ​ເສດຖະກິດ​ທີ່​ໃຫຍ່​ທີ່​ສຸດ​ອັນ​ດັບ​ສອງ​ຂອງ​ໂລກ​ນັ້ນ ກຳລັງ​ຊ້າ​ລົງ ຫຼາຍກວ່າ ທີ່​ຄິດ​ກັນ​ໄວ້
​ໃນ​ເບື້ອງ​ຕົ້ນ.

ຍັງ​ຄວາມ​ກັງວົນ​ອີກ​ວ່າ ມັນ​ອາດ​ເຮັດ​ໃຫ້​ບັດ​ດາ​ປະ​ເທດ​ອື່ນ ລຸດມູນ​ຄ່າເງິນ​ຂອງ​ພວກ​ເຂົາ​
ລົງ ​ໃນ​ເມື່ອ ມູນ​ຄ່າ​ເງິນ​ຢວນອ່ອນ​ກວ່ານັ້ນ ​ເຮັດ​ໃຫ້ການ​ສົ່ງ​ອອກ​ສິນຄ້າ​ຂອງຈີນ ​ສາມາດ​ເປັນ​ທີ່​ແຂ່ງຂັນ​ໄດ້​ຂຶ້ນຕື່ມ​ ສຳ​ຫລັບ​ຜູ້ນຳ​ເຂົ້າຕ່າງປະ​ເທດ.

XS
SM
MD
LG