ລິ້ງ ສຳຫລັບເຂົ້າຫາ

ຈີນເພີ່ມງົບປະມານ ປ້ອງກັນປະເທດປີ 2012 ຂຶ້ນ 11.2 ເປີເຊັນ

  • ທອງປານ ເທບວົງສາ

ນາຍທະຫານລະດັບສູງຂອງກອງທັບຈີນ

ຈີນ​ກ່າວ​ວ່າ ງົບປະມານ​ປ້ອງ​ກັນ​ປະ​ເທດ​ຂອງຕົນ​ຈະ​ເພີ່ມ​ຂຶ້ນ​11.2 ​ເປີເ​ຊັນ​ໃນ​ປີ 2012
ເປັນ 106 ພັນ 700 ​ລ້ານ​ໂດ​ລາ ​ຍ້ອນ​ການ​ເຕີບ​ໂຕທີ່​ເຂັ້ມ​ແຂງຂອງເສດຖະກິດ​ສືບ​ຕໍ່​ເປັນ
ເຊື້ອ​ໄຟຊຸກຍູ້​ກາ​ນເສີມ​ຂະຫຍາຍ​ກອງທັບຢ່າງ​ວ່ອງໄວ.

ທ່ານ Li Zhaoxing ​ໂຄສົກສະພາ​ແຫ່ງ​ຊາດ​ຈີນ ບອກ​ພວກ​ຜູ້​ສື່​ຂ່າວໃນ​ວັນ​ອາທິດ​ມື້​ນີ້ວ່າ
ງົບປະມານ​ການ​ໃຊ້​ຈ່າຍ​ດ້ານ​ການ​ປ້ອງ​ກັນ​ປະ​ເທດ​ຈະ ​ເພີ່ມ​ຂຶ້ນ​ ​ປະມານ 10 ພັນ​ 600
ລ້ານ​ໂດ​ລາ​ ເກີ​ນການ​ໃຊ້​ຈ່າຍ​ຕົວ​ຈິງ​ໃນ​ປີ 2011.

ໂຄສົກ​ ລີ ກ່າວ​ວ່າ ຈີນ​ເປັນ​ປະ​ເທດ​ທີ່​ກວ້າງ​ໃຫຍ່​ມີ​ແນວ​ຝັ່ງ​ທະ​ເລ​ທີ່​ຍາວ​ໄກ ​ແຕ່​ການ​ໃຊ້
ຈ່າຍ​ດ້ານ​ການ​ທະຫານ​ຂອງ​ຈີນ​ຂ້ອນ​ຂ້າງ​ຈະ​ຕໍ່າ​ຢູ່ ສົມ​ທຽບ​ກັບພວກ​ປະ​ເທດ​ມະຫາ​ອໍາ
ນາດ​ອື່ນໆ. ງົບປະມາ​ນທະຫານ​ຂອງ​ຈີນ​ນັບ​ວ່າ​ເປັນງົບປະມານ​ທີ່​ໃຫຍ່ອັນ​ດັບ​ສອງ​ຂອງ​
ໂລກ ລອງ​ຈາກ​ສະຫະລັດ.

ການ​ເສີມ​ສ້າງສະມັດຖະພາບ​ທາງ​ທະຫານ​ຂອງ​ຈີນຂຶ້ນຢ່າງ​ວ່ອງ​ໄວ​ນີ້ ​ໄດ້​ສ້າງຄວາມ​ເປັນ​
ຫ່ວງ​ໄປ​ທົ່ວ​ຂົງ​ເຂດ​ເອ​ເຊຍ ​ແລະ​ໃນ​ວໍ​ຊິງ​ຕັນ​ນໍາ ​ເຖິງ​ແມ່ນ​ປັກ​ກິ່ງ​ຍັງ​ເນັ້ນ​ຍໍ້າກໍ​ຕາມວ່າ
ການ​ປັບປຸງກອງທັບຂອງຕົນ​ໃຫ້​ທັນ​ສະ​ໄໝນັ້ນ​ແມ່ນ​ເພື່ອ​ການ​ປ້ອງ​ກັນ​ໂດຍ​ສະ​ເພາະ.

ກະຊວງ​ປ້ອງ​ກັນ​ປະ​ເທດ​ສະຫະລັດ​ໄດ້​ອອກ​ເຜີຍ​ແຜ່​ລາຍ​ງານ​ສະບັບ​ນຶ່ງ ​ເມື່ອ​ທ້າຍ​ປີຜ່ານ
ມາ ທີ່​ກ່າວ​ວ່າການ​ເສີມ​ຂະຫຍາຍ​ກອງທັບ​ຂອງ​ຈີນ​ນັ້ນ ແມ່ນ​ແນ​ໃສ່​ເພື່ອ​ປ້ອງ​ກັນ​ພວກ​ປະ
ເທດ​ມະຫາ​ອໍາ​ນາດ​ ບໍ່​ໃຫ້​ເຂົ້າ​ໄປ​ແຊກແຊງ​ເວລາ​ເກີດ​ກໍລະນີ​ພິພາດ​ທີ່​ອາດ​ເປັນ​ໄປ​ໄດ້​ກັບ​
ໄຕ້​ຫວັນ​ນັ້ນ.

XS
SM
MD
LG