ຊາວມຸສລິມ ຢູ່ໃນທົ່ວໂລກ ຮວມທັງຊາວ Uighurs ໃນເຂດ
Xinjiang ປະເທດຈີນ ພາກັນສະຫຼອງເດືອນສັກສິດ Ramadan
ຂອງສາສະໜາອິສລາມ ທີ່ຮວມທັງການອົດອາຫານ ແຕ່ຕາເວັນ
ຂື້ນຈົນຮອດຕາເວັນຕົກ. ແຕ່ຫລາຍໆຄົນ ຢູ່ໃນ ເຂດທີ່ວຸ້ນວາຍ
ດັ່ງກ່າວ ໄດ້ຖືກຫ້າມບໍ່ໃຫ້ອົດອາຫານ ໂດຍສະເພາະຢ່າງຍິ່ງບັນ
ດາຂ້າລັດຖະການ ນາຍຄູ ແລະພວກນັກຮຽນ.
ທ່ານ June Teufel Dreyer ສາສະດາຈານສອນລັດຖະສາດ
ທ່ານນຶ່ງ ທີ່ມະ ຫາວິທະຍາໄລ Miami ກ່າວວ່າ ພວກເຈົ້າໜ້າທີ່
ມັກຈະໃຫ້ເຫດຜົນ ໃນການຫ້າມ ເນື່ອງຈາກບັນຫາ ດ້ານສຸຂະ
ພາບ. ທ່ານກ່າວວ່າ :
“ຂ້າພະເຈົ້າຮູ້ດີຄວາມຈິງແລ້ວບໍ່ມີຫຍັງໃໝ່. ເຂົາເຈົ້າໄດ້ຫ້າມແບບນີ້ ມາກ່ອນ ໃນລະ
ຫວ່າງເດືອນ Ramadan. ແລະມັກຈະອ້າງສະເໝີກ່ຽວກັບບັນຫາເລື້ອງສຸຂະພາບ. ທີ່
ທ່ານບໍ່ຄວນເຮັດໃຫ້ໂຕຂອງທ່ານອົດອາຫານ. ພວກນັກຮຽນຕ້ອງ ການຮັກສາເຮື່ອແຮງ
ຂອງເຂົາເຈົ້າໄວ້ເພື່ອຮໍ່າຮຽນ. ແລະບັນດາຂ້າລັດຖະການ ຕ້ອງຮັກສາເຮື່ອແຮງຂອງເຂົາ
ເຈົ້າ ເພື່ອເຮັດວຽກຂອງເຂົາເຈົ້າໃຫ້ເໝາະສົມ.”
ແຕ່ທ່ານ Teufel Dreyer ກ່າວວ່າ ເມື່ອເວົ້າເຖິງການໂຈມຕີຢາງຮຸນແຮງທີ່ເກີດຂື້ນໃນ
ເຂດ Xinjiang ເມື່ອໄວໆມານີ້ແລ້ວ ການຫ້າມແມ່ນໄດ້ກາຍເປັນເລື່ອງທີ່ຫຼໍ່ແຫຼມສຳຄັນ
ຕື່ມຂຶ້ນ ແລະໄດ້ດຶງດູດຄວາມສົນໃຈຫລາຍຂື້ນ.
ທ່ານ Reza Hasmath ຈາກມະຫາວິທະຍາໄລ Oxford ຜູ້ທີ່ໄດ້ຂຽນປື້ມ ຫລາຍຫົວກ່ຽວ
ກັບບັນດາຊົນເຜົ່າໃນປະເທດຈີນ ກ່າວວ່າ ການຫ້າມບໍ່ໄດ້ຊ່ວຍສະພາບການໃນປັດຈຸບັນ
ແຕ່ຢ່າງໃດເລີຍ.
ທ່ານ Alim Seytoff ປະທານສະມາຄົມຊາວອາເມຣິກັນເຊື້ອສາຍ Uyghur ທີ່ເກີດຢູ່ເຂດ
Xinjiang ຍັງຄິດຄືກັນວ່າ ການຫ້າມນີ້ ຈະເຮັດໃຫ້ຊາວ Uighurs ເກີດຄວາມບໍ່ພໍໃຈ
ຫລາຍຂື້ນ. ແລະທ່ານກ່າວອີກວ່າ ມັນເປັນການລະເມີດ ຕໍ່ຄຳຖະແຫລງຂອງປັກກິ່ງ ທີ່ວ່າ
ຕົນໄດ້ອະນຸຍາດໃຫ້ພວກຊົນເຜົ່າແລະຜູ້ນັບຖືສາສະ ໜາກຸ່ມນ້ອຍ ໄດ້ຮັບການປະຕິບັດ
ຕໍ່ແບບໄດ້ຮັບສິດພິເສດນັ້ນ.
